سوسن.. ماما لتسوين مشكله هو الولد مضحك عليه وهاي كدامج دز امه تخطبني
الام.. امشي ولي من گدامي
سوسن.. ماااااا شنو ماما عفيه لتزعلين
الام.. زين بلا طلع واحد ملطلط ومخطبج اني شسوي
سوسن.. لا مطلع ملطلط واجه خطبني
الام.. يلا كافي ماريد اسمع بعد سدي السالفه راح اگول لام علاء عليكم يعني متفقين ومتعرفين ع بعض قبل الخطوبه
سوسن.. بكيفج ماما اني اروح لغرفتي انام نعسانه
الام.. روحي
سوسن.. نمت ومحسيت بعد شفت نفسي امشي بطريق طويل وبنهايته واگف علاء اني رحت ركض عليه وفجئه طلع جعفر وذبح علاء وقطعه قطع واني اعيييط وجه جعفر انگلب صار يخوف يباوعلي ويضحك بصوت عالي واني اعيط علاااااء لاللااااا علاااء وحسيت امي تهز بيهة
الام.. يمه اسم الله كومي ماما لچ سووسن
سوسن.. گعدت مرعوبه هئ مااامااا
الام.. يمه گومي ذكري الله دنيا مغرب شبيج تعيطين وتصيحين علاء گومي هاي لان دنيا مغرب هيچ حلمتي
سوسن.. ماما شفته قطعو قطع.. تبچي..
الام.. يمه ماكو شي هي احلام الغروب مو زينه
سوسن.. گمت رحت صليت ودعيت الله يحفظه دائما احلم احلام مو زينه بعلاء مشه يومي عادي صار ثاني يوم وگعدت براحتي لان جمعه صباح الخير ماما
الام.. صباح النور يله يمه تريكي ورتبي نفسج عزمت ام علاء ع الغدة يله بسرعه الساعه ب11
سوسن.. ماشي ماما تريگت ورتبت نفسي وكفشتي صارت ب12واجتي ام علاء ضلن يسولفن هيه وماما ويطبخن الغدة..
في مكان اخر..
ريهام.. البارحه مادري شوكت نمت گعدت ب7الصبح واليوم جمعه اوووف يالقهر اول مرة اگعد يوم الجمعه من الصبح بس شسوي فولت نوم كمت من فراشي وغسلت وفرشت اسناني والبيت هدوووء الكول نايم بس اني اگمز سويتلي ريوگ وكعدت بالحديقه چان الجو حلوو لا هوة بارد ولاهوة حار اكول واباوع ع الورد واشم هوى اجر النفس يخبل كملت وشلت الصينيه غسلت المواعين ورجعت للحديقه اشم هوى گعدت ع الكرسي وغمضت عيوني واتنفس براحه حسيت شي وگع عليه باوعت ورقه هاي منين فتحته مكتوب بيهة.. گومي طبي جوة اميرتي اكو عمال بالبيت الگدامكم واني اغار عليچ وكاتب بنهاية الورقه احبچ..ضليت مصدومه هاي منين الورقه گمت من مكاني واباوع داير مدايري وليفوگ چان اشوف حسين واگف ع البلكون مالتهم ويباوعلي ويوزع ابتسامات اني رحت ركض لبست شال ورجعت هاا خير ياطير شكو واگف تباوع ع بنات العالم
حسين..نعم شنو شنو هاي تحچين ويايه
ريهام..اي وياك
حسين..يعني انتي متحسين ولچ اكلتي ومعزمتيني گلت ميخالف وبعدين طبيتي وره شويه طلعتي كعدتي ع الكرسي ومغمضه عيونج ومبتسمه شكوو هاي الابتسامات شنو والعمال بعد شويه يجون
أنت تقرأ
تدمرت حياتي
Chick-Litهي قصه اجتماعيه حقيقيه من ارض الواقع...... مراح احرك الاحداث ادخلوو وشوفو وتفاعلو بدربكم
