تدمرت حياتي

البارت 12

ريهام.. مشت الايام والاسابيع واني منتضرة محمد يسامحني بس صاير اسوء من قبل يرزلني على اتفه الاسباب وهذا الشي يأذيني واخواني سيف وامير دائما يحاولون يخلوني احچي بس اني اخاف زعل محمد يكبر اكثر وميار تجي مرتين بالاسبوع تسولفلي كولشي يصير وياهة واني هم كولشي احچيلهة وهي تجيبلي الواجبات اليوميه واني ادرس بالبيت لان عندي امل بمحمد يرجعني للمدرسه وهيچ مشت ايامي صارت ملل بملل وجنت ادعي ارجع لمدرستي

_حياة ريهام صارت عبارة عن روتين عادي بس راح يتغير بيهة فدشي تعالو نكمل قصتنا...

في مكان اخر...
سوسن.. فكرت برسالة محمد وقررت اروح للعنوان المكتوب عسى ولعل يكدر يساعدني نمت وگعدت الصبح على صوت المنبه طفيته وغسلت وجهي ولبست ملابس المدرسه وبالمنابه كتبي بعدهن جديدات راح تبلش الامتحانات واني كتاب مفاتحه المهم رحت لامي كعدتهة ورحت جبت صمون وگيمر واتلفت ادور على علاء بس ماكو مختفي ضجت ورجعت للبيت تريكت ووكلت امي وحطيت عكازتهة يمهة ورحت للمدرسه مشه الدوام عادي ومن طلعت شفت محمد واگف بعيد ويأشرلي وبالجهة الثانيه واكف علاء اني خفت اروح لمحمد وعلاء يفهمني غلط اني ماريد اخسره اووووف قويت نفسي وحاولت اضيع نفسي بين البنات والحمدلله علاء مشافني رحت لمحمد وصلت يمه وكلتله يله شنو الخطه

محمد.. هو هنا نحچي بنص الهوسه امشي ويايه
سوسن.. لا وين ماصعد بالسيارة

محمد.. شبيج بابا لتخافين ترة انتي مثل اختي ريهام ما اذيج

سوسن.. يعني مو عصابچي

محمد.. ههههههههه مخبله امشي عاد

سوسن.. سميت باسم الله وصعدت ويا وانا خايفه

محمد.. شبيج خايفه انتي الي وگعتي كومه بنات تخافين تهي يالله
سوسن.. اني كول بنيه اسحبهة ويانه اموت الف موته عليهة اني اسوي كولشي غصبا عني ولو عليه چان خليتهم يكتلوني بس امي منو الهة

محمد.. ادري ريهام حچتلي كولشي يله نزلي وصلنه
سوسن.. نزلنه بمنتزه ال***

محمد.. تعالي نكعد هنا

سوسن.. كعدنه على الحشيش چان بارد والجو شته اششششح

محمد.. احچيلي شوكت تتفقين وياهم شوكت تروحين للمقر وكم بنيه انتو وكم ولد

سوسن.. ماكو وكت محدد مرات يوميه ومرات كول اسبوع مرتين واحنه 50بنيه اني اصغر وحده منهن بالعمر يعني كولهن كبار والولد هوايه محاسبتهم وهم كولهم كبار اصغر واحد اسمه جعفر هذا الايد اليمنه للحجي الكلب وعمر 22 اللوگي مالته واذا منجيب الهم بنات يشتغلون وياهم ويوزعون مخدرات يعاقبونه ويضربونه ضرب مصاير بحيث وحدتنه تطلع حمرة من الدم

محمد..ولد الكلب هذوله شنو مالهم رداد

سوسن..مو الحجي مدري النعال هذا ايدة واصله ويطلع مثل الشعره من العجين ياما وياما سوو عليهم كبسه بس ينحبسون يوم يومين ويرجعون يطلعون لان ماكو ادله عليهم