تدمرت حياتي

البارت السابع

ريهام.. لا مو اني الي اشتكيت اخويه

سوسن.. انعل ابوج لابو حتى اخوج بت الزمايل اني موكلت تتورطين اي طبج طووب

ريهام.. احترمي نفسج ولتغلطين البارحه من وراج وصلت للمستشفى

سوسن......

ريهام.. ضلي ساكته ضلي خلي نشوف لوين نوصل وصلنه للإداره وشفت اخويه محمد

محمد.. هاا رهومتي هاي الي نطتج المسحوق وياشر على سوسن

ريهام.. دمعت عيوني وكلتله حححمودي تعال نحجي على انفراد رحنه على صفحه وكلتله راح احجي بس الله عليك لتقاطعني

محمد.. هاي شبيج وكعتي گلبي شكو

ريهام.. هاي البنيه متورطه ويه عصابه واذا متسحب بنات وياهة يقتلوهة يعني الي تسوي غصبا عليهة واليوم اخذتني وخلتني احجي ويه رئيس عصابتهم يريدني اتاجر بالمخدرات وكال اذا تكولين لاي شخص راح تشوفين شي ميعجبج واني اخاف وسوسن حذرتني ماحجي هئ هئ هئ والله اخاف عليكم تگول عصابه جبيره واخاف ياذوكم محمد اختك ماتت بالحياة

محمد.. ريهام تحجي وتبجي خبلتني بكلامهة عصابه شنو مخدرات شنو راسي افتر وخفت عليهة حيل كلت لازم اخليهة تترك المدرسه هذا الحل الوحيد كلتلهة ريهام جيبي جنطتج وتعالي فورا وانسي شي اسمه مدرسه

ريهام.. من كال انسي المدرسه متت بقهري اني محجيت شي بس بداخل اعيط من القهر والمصيبه الي هدمت احلامي رحت للصف وعيوني كولهة دموع

ميار.. جنت كاعده منتضره ريهام تجي اتئخرت مدري وين صارت وجان تدخل للصف تبچي خبلتني والبنات يياوعن عليهة لچ رويحتي شبيچ

ريهام.. انفجرت يالبچي وحضنت ميار وگلتلهة ميار بعد ماشوفج هئ هئ هئ هئ وبعد مندرس سويه مياااار احلامي انتهت رااح اترك المدرسه

ميار.. هاي شدحجين وبجت على بجي صديقتهة كلتلهة روحي والعصر اجيج احجيلي كولشي زين حبيبتي

ريهام.. ماشي وهي مستمرة بالبجي دا اطلع من الصف وشفت سوسن واكفه كوله بسببچ

سوسن.. ريهام مراح تخلصين منهم ونزلت دموعهة
ريهام.. لج تركت المدرسه يعني وين اروح بعد

سوسن.. ريهام مراح تگدرين تتخلصين منهم مثل الكابوس الله يساعدج والله اتمنى اطلعج من الحفره الي وكعتج بيهة بس ماكدر لان اني هم واگعه بنفس الحفره الي انتي بيهة اترخص وراحت ودموعهة تنزل

ريهام.. سوسن كلامهة خبلني يعني شلون ما اخلص منهم تعوذت من الشيطان ورحت لمحمد

محمد.. تئخرتي امشي يله خلي نوصل للبيت ونشوفلنه حل للضيم الوگعنه بي طول الطريق واني افكر وممستوعب الفكرة اووووف يربي اريد حل وصلت للبيت يله انزلي

ريهام.. نزلت واني ميته خوف والمشكله نسيت انطي الكرستال لسوسن ضل بجنطتي اووووف يمه والله گلبي كام يوجعني

محمد.. ريهام تدخلين للبيت ومتگولين لامي على اي شي لان مريضه واخاف يصير بيهة شي

ريهام.. اي مراح اگول شي
الام.. هاا محمد شو جايب ريهام

محمد.. اااهاا مو المدرسه دگو عليه يگولون داخت
الام.. ريهام ماما تدرين ينفسج تعبانه اي ليش داومتي

ريهام.. اووف يالقهر المشكله ماعرف اجذب ااا مو جان عندي دروس مهمة

الام.. شبيج خايفه ماما بيج شي

ريهام.. هاا لا لا مابيه يله اروح اغير ملابسي وانام رحت لغرفتي...

في مكان اخر

سوسن.. عمو والله ما اندل بيتهم العباس عليك عوفني

ابو صهيب..طبعا ابو صهيب هو رئيس العصابه.. لچ شلووووون متندلي شلوووون لچ راح اخسر من وراچ

سوسن..احاول اندله بس عوفني لتكتلني

ابو صهيب..جعععفر

جعفر..هو الايد اليمنى لابو صهيب..هااا ابو صهيب محتاج شي

ابو صهيب..اخذ هاي بنت ال*** ادبهة شويه

جعفر..اي تدلل ولچ كدامي

سوسن..لا لا حباب عوفني الله عليك والله ماعيدهة جعفر حبااب وجعفر ولا يمه يجر بيهة مثل الخروف الي راح يذبحوه

جعفر..انجبي ولا صوت بنت الجايفه

سوسن..لتغلط بناات تعالن ساعدني كولهن يياوعن ومحد منهن اجتي لان الي تحاول تساعد راح تتعاقب

سوسن..اخذني لغرفة العقاب وموتني ضل يضرب بيه عبالك مثل المصارع

جعفر..ولچ شلوون تضوجين الحجي اليوم اخبلج وهو يدفر ببطنه

سوسن..اااااااااخ والله مااعييدهة لاا عووفني اااخ

جعفر..جنزتهة واني مفتخر بنفسي لان هذا الشي يرضي الحجي

سوسن..ضل يضرب بيه الى ان اغمى عليه ومحسيت بشي بعد

جعفر..شفتهة تخربطت رحت جبت مي ثلج وذبيته عليهة

سوسن..حسيت بشي بارد ثلج وكع عليه وكمزت مرعوبه اااااااا يمااا

جعفر..اششششششش ماريد يطلع صوتج اسمعيني زين باجر لازم تجيبين عنوان البنيه اذا متجيبي راح نگولچ باي باااي هعههههههه يله ارتاحي سنيوره هههه

سوسن..عافني وراح واني ضليت ادعي عليهم كمت واني ميته من الوجع وجسمي كوله جروح وكدمات طلعت من الغرفه اجوي البنات يساعدوني وعيونهم كولهة دمووع اوووف شوكت يخلص هالضييم......

ريهام..نمت وشفت سوسن تبچي وماده ايديهة الي تگول ساعديني واني اريد اساعدهة بس جرتني الهة واجه شخص يعييط شكله يخووف اجه ضربني وچان افز من نومي بسسسسم الله الرحمن الرحيم استغفر الله طلعت من غرفتي وشفت امير وسيف كاعديت بالاستقبال يسولفون مساء الخير

امير..مساء الحب
سيف..مساء الهنا تعالي اكعدي

ريهام..يسولفون ويحششون واني ابد بالي مو يمهم
امير..ريهام الووو

ريهام............

يتبع..

لتنسون تصويت وعلقو هم فديتكم اريد تشجيعكم
احبكم تووومه