تدمرت حياتي

البارت الثامن

هلاوو شلونكم طبعا راح اكمل نشر القصه لخاطر البنوتات الي يتفاعلون واتمنه تصوتون قبل القرائه..

امير.. ريهام الووو
ريهام.. هااا ويايه
سيف.. هاي شبيج فزيتي

امير.. ولج منو وياج منو مزعلج
ريهام.. هاا لا محد مضوجني بس اني تعبانه شويه

سيف.. ريهام ترة احنه مو صغار كدامج وتجذبين علينه
ريهام.. هاي شبيكم ماكو شي..وطلعت من الاستقبال..

امير..لك هاي اختك شبيهة متخبله
سيف..مصفره وخايفه وراهة سالفه

امير..دنجب يجوز صدوك تعبانه لتخليني اني هم افكر وادوخ

سيف..لاحبيبي فكر فكر هاي اختنه خلينه نراقب تصرفاتهة يجوز نگدر نساعدهة يجوز نعرف شبيهة

امير..راح اجي اشوگه لحلگك انجب صار براسي المحقق كونان عوفهة عليه اني بعد شويه اشتريلهة من المحل كم شغله وعلبة نوتيلا واخليهة تعترف لا نراقب ولا بطيخ

سيف..اي والله هم صدوك ليش نتعب نفسنه ونراقب اني هم اجي وياك للمحل اريد اشتريلهة حبشكلات

امير..اوك اني اجيبلهة سنيكرز ونمبر وان وجبس ليز الجبير وعلبة نوتيلا وانته جيب النه لتشتريلهة هههههه

سيف..ههههههه ولك ليش ماشتريلهة خطيه

امير..گبر خطيه شنو مو اني راح اجيب هوايه شغلات راح تاكلهن كولهن انته عود جيب حب وكرزات وحبشكلات مال تعلوله النه ولمحمد وامي وريهام اني اجيبلهة

سيف..اوك..وضلو يسولفون سوالف شبابيه متخصكم ههههه..

ريهام.....
ضليت الوب وافكر شلون بهاي الجنطه العندي اوووووف وهذا الحلم خوفني لازم اوصل لسوسن بس شلون واني بالبيت والمشكله اخاف اگول لمحمد يارب ساعدني والله تعبت ضليت افكر وافكر ولگيت حل بس نسبة نجاحه قليله اتصلت على ميار الوو

ميار..هلو گلبي ولچ خوفتيني عليچ شبيج

ريهام..هئ هئ هئ مياااار محتاجتج حيييل

ميار..اوووووف ياروحي انتي شسويتي بنفسج هسة بابا يجي من شغله ويجيبني عليج ونتفاهم

ريهام..اوك انتضرج
ميار..باي عمري

ريهام..باي..سديته من ميار وحاولت اطمن نفسي ورجعت رحت للاستقبال ملگيت سيف وامير يجوز طالعيت گعدت عالتخم وغمضت عيوني حاولت استجمع افكاري ورة تقريبا عشر دقايق دخلو امير وسيف وبيدهم علاليک

امير..شوفي اخوج الحلو الي يخبل الحباب الجميل الجذاب شنو جابلج

سيف..باع هذا شو انته تتغزل بنفسك ترة رحت زايد هو انته وين جمالك جنك بطل ببسي ابو الخمسميه

امير..انجب انته تغار من جمالي اصلا اني قاهر البنات كولهن يتمنوني

سيف..وجه.... استغفرالله لك ماريد احجي اختك گاعده جان گلت حچايه هالكبرهة

امير..انته لسانك زفر هاا ام الرور حب شبيج.. وكعد يمهة..

ريهام..مابيه
سيف..جبنالج حبشكلات

ريهام..ماشتهي
سيف..ياااافاذر يابوووويه انتي متشتهين اكيد مصخنه ولج انتي ام كرش تكولين ماشتهي

ريهام..ههههههه اوك شنو جبتولي ترة مو من عوايدكم تجيبون الي هاي السوالف محمد اكثر شي يجيبلي

امير..ولج هاج هاي علبه مال نوتيلا تاكليهة كولهة لان انتي تدرين بعد اسمهة حلوى السعاده

ريهام..جيب اكول وانتو هم اكلو من هاي العلاكه الجبيره مبينه بيهة هوايه اشياء

سيف..امير..منريد ناكول هسة احجي شبيج والله حاسين اكو شي وها ترة حتى محمد هم بس يتصفن ومدري شبي قبل شويه تعارك ويانه وطلع

ريهام..نزلت دموعهة..ماكو شي وذبت العلبه عالتخم

امير..لا يالكعبه شبيج تبجين..بصدمه واعصاب..

سيف..انعل والديه المزعلج بس كولي الا اسمط اجدادهم

ريهام..محد مزعلني اذا تريدون احچيلكم احلفو بروح ابويه تسوون نفسكم متدرون لان اني وعدت محمد ماگول لاي احد وخاصتا امي اذا عرفت يجوز تروح بيهة

سيف..ولچ شمسويه والعباس ادفنچ انتي وعايشه اذا مسويه شي يأذي امي..بعصبيه..

امير..ولك انجب انته گمت تدفن انطيهة مجال اني اغرف ريهام عاقله ومتسوي شي يحرگ گلوبنه صح ريهام..بخوف..

ريهام..احلفو

امير..سيف..وروح ابويه والحسين

ريهام..بعدني محاچيه وچان امي تدخل علينه

الام..ها يمه شبيكم تحلفون شكو خير انشاء الله
الكل..ها لا ماما ماكو شي

ريهام..امي گعدت واني اباوع بعيون اخواني كولهة خوف وتسائلات ومتوترين كولش حاولت اغير جو اااا يمي يمي ماما شوفي اخواني الحلوين جايبيلي نتويلا وحبشكلات

الام..اي ماما بالعافيه

امير..هاچ يمه هاي كرزات

سيف..ولك امك متاكل كرزات سنونهة متعينهة نطيهة نستله

الام..ههههههه يمه وليدي يفتهم
سيف..اي اني فهيم

امير..ننننننن

ريهام..جنت احاول مابين لاحد بس عيوني عليهم وهمة يسولفون بس مبين عليهم القلق اخر شي گمت اروح لغرفتي اختنگت

الكل..وييين
ريهام.....

يتبع..
گليباتي تفاعلو حتى استمر فدوه لگلبكم صوتو وعلقوو
احبكم تووومه بااايي