أخطاء لايُمحيها الزمن

البارت19

انثى 💜 ملائكيه

اذا كنت طبيباً لا تداويني....
      او قاضياً لم تنصفني .....
او شاعراً لم تكتب بحبي قصيدة..
   او رساماً لم ترسم ملامحي...
فأنت اشبه بوردةً أعطيت لأعمى .
    .أو أغنية غنيت لأصم .
.أو قصيدة للأسف ألقيت لأبكم ....

كُن لي شيئاً واحداًأكُن لك كل الفرح
           في كل اشيائك

جوري ...هواي ضايجه وافكر وكلساع اكول هسا البنيه تطلع مثل حظي حيل مقهورا بس ابد مابينت  عود بلعكس فرحانه علي جان مدد بلفراش حجيت بهدوء ... طلعت بيه بنوته ...

باوعلي وضحك كمز عليه وعيونه تشع من الفرح ...

علي ...والله لاجذبين ...

جوري ...اجه وحضني ههه ادري بي يعشق البنوتات عود صغار اباوعله.لازم بطني ويبوس بيها وفرحان هههه ويحجي وياها وهيه بطني بس صدك غير جان شعور كلش حلو  ...

مرت الايام صرت حامل خمس اشهر ونص جان بوكتها صادف وفاة موسى بن جعفر واحنه منطقتنه قريبه ع الكاظميه الزوار هواي تفوت من منطقتنه ومن ع شط رحت لاهلي وطلعنه اني وامي واختي ازهار بوكتها جانت عند اهلي وحده من عماتي طلعنه سوه ع شط نكعد ونزور من بعيد موسى بن جعفر يصير كدامنه مارحنه للامام لان كلش ازدحام وزلم نكول ميصير حته الامام ميرضها من نفوت ونمشي وزلم تلزك بينه او بل اخص رياجلينه ميقبلون نروح فـ المهم اني جنت كلشش فرحانه لان طلعت وزرت موسى بن جعفر من بعيد وكعدت ابجي واشكيله همي بس من احجي احس الهموم تنزاح وارتاح...

صارت ساعه 12بليل والعالم كلها بعدها بعدين جان اكو موكب فاتحينه يوزعون جاي وكعك ازهار جابتلتنه وكعدنه ناكل ونباوع زوار تمشي ليقصده ميخيبه ...ماما خلي امشي مسافه واطلب مراد سنه تجي بس اجيب طفل اروح لموسى بن جعفر كصاده...

ام جوري ... يلا دخيله قاضي الحاجات ..

جوري ... مشينه مسافه بس ماوصلنه جسر ورجعنه هيه المهم نيه.. هناك وتجي خالت أمي سلمت عليها ...

...اكلج ام احمد الي وياج بنتج صلوات شكد حلوه..

ام جوري ... اي خاله هاي بنتي جبيره جوري وثانيه ازهار...

... صلوات ع محمد عين البارده مزوجات لو بعدهن...

ام جوري...  اي خاله اثنيهن مزوجات وجوري هسه حامل..

..مشاءلله ..

جوري...باوعتلي وابتسمت ...

...حبيبتي تكومين بسلامه ...

جوري ..شكرا خاله ...بعدين راحت . اكلج ماما هاي خالتج شعجب متعرف عندج بنات ...

ام جوري ...والله يمه تعرف بس ضاهر ناسيه مشفتيها مره جبيره حته كوه تشوف وبعدين حتى ماعدنا هواي تواصل وياهم حتى تعرف اخبارنه...