حب بعد عذاب

حلقة02

حلقة02:
ناضت يارا و راحت عند ماماها عاونتها شوية حتى جات عندها صحبتها أنتيم( و بنت خالتها)
يارا:يااي عمري جيتي توحشتك بزاااف
شيراز:انا تاني توحشتك يااك يالكلبة لوكان مانجيش عندك انا نتي ڨاع متجيش
يارا:لا والله كانت عندي قراية بزاف
شيراز:ممم صحا لمهم عندي وحد لخبر شبااب بزاااف
يارا:يالااه خفي خفي قولي ني مقلقة
شيراز:ههههه راكي واجدة
يارا:هيااا بلخف
شيراز:إياااااااد
يارا:خفي مااله
شيراز:رااح جاي يخطبني نهار سبت
يارا:يالا عمري فرحتلك بزاااف
وطارت عندها عنقتها مابغاتش تطلقها

كان قيس يراجع فالملفاات تاوعه حتى جا عنده صاحبه أنتيم لي هو إيااد
إياد:قيس باغي نڨولك حاجا
قيس:وااه خف راها عندي خدمة بزاااف
إياد:بصح كان عادي نقولك هاد لخبر غادي تنسى ڨاع خدمتك
قيس:ههههه أيا صحا قولي
إياد:نهار سبت غادي نروح نخطب شيراز
قيس:روح كذب على وحداخر نتا صاحبي و نعرفك في تاع تمنييك و نسا
إياد:يا والله يا صاحبي ماني نكذب عليك

نااض قيس و رمى ڨاع الملفات و ڨاله وي خويا ولا فيدال و عنڨه

قبل 6سنوات
 

كانت يارا تقرى فليسي كان عندها 17سنة و كانت تخرج مع قيس و كانت تحبو بزااف بصح هو كان يكره خفيف
قيس:يارا حبيت نقولك حاجا
يارا:واه
قيس:لازم نحبسو
يارا:علااه
قيس:اييه انا كرهت و باغي نحبس تساليني
يارا:صحا كيما تبغي بصح جامي تلقا وحدة بغاتك كيفي
قيس(ضحك بخبث):هههه مسكينة واثقة مروحها ههه شاراكي حاسبة روحك ؟؟
يارا(ببكاء):مزااال يدورو ليام و دوك تشوف
قيس:هيه مليح انا علاه راكي تقوليلي

يارا عملت بلوك و شيراز تاني بسك صحبتها و حاجا لي تقيسها تقيسها هي تاني بلوكاتو هي تاني 

فاتت على هاد القصة شهرين و  قوعدو يهدرو حتى إياد ولا يحس بمشاعر إتجاه شيراز كان يحاول يقولها بصح كان متردد حتى جا نهار لي قالها فيه و هي قبلت و من تما هوما مع بعض حتى الان

الرجوع

كانت يارا راقدة و تكونيكتي مع شيراز كيما مداري
_Yara
_Iih Chiraz wech Kayan
_Non wlw juste habit n9olk ni haba ghadwa nrouh nachri swlh rwahi m3aya
_dcr bb bsh 9isach
_m3a 9 hakdak
_aya saha

غدوة ليه كي العادة يارا متفيقش بكري حتى سمعت ماماها تهدر مع شيراز عاد تكاكات بلي راها روتارد و خاصها توجد روحها بش يروحو يشرو أيا ناضت تجري دوشت و لبست قشها
شيراز:هادا وين تنوضي مقبيل و انا نسنا فيك
يارا:يااك تعرفيني سامطة بش نوض
شيراز:صحا صحا يالاه
راحو ركبو فطوموبيل تع يارا
يارا:أيا قوليلي نتي كيداير لحانوت لتبغيه نروحو ليه
شيراز:خلينا نضربو ڨاع وهران
يارا:اااه بزاااف والله صحا يالاه نروحو لعقيد
شيراز:صحا بالله
أيا نزلو فلعقيد و شافو صوالح بزااف و عجبوهم شرات شيراز قفطان يهبل
أيا راحو يفطرو و زادو حوسو شوية حتى لعشية عاد دخلو