حب بعد عذاب

حلقة 12

حلقة12:
فاتت 6ايام:
ناض قيس صباح بكري نوض يارا
قيس: يارا نوضي
يارا: قيس خليني
قيس: تشوفي ماماك ولا لا
ناضت يارا تجري :ايه راني حابة نشوفها توحشتها
قيس: ايا نوضي خفي وجدي روحك
ناضت يارا دوشت و هبطت دارت القهوة جا قيس تقهواو فخطرة و طلعوا يلبسوا
قيس: صايي راكي واجدة
يارا: ايه صايي
هبطوا ركبوا فالطونوبيل و راحوا قعدت يارا ساكتة
قيس:ماعلاباليش كيفاه مهدرتيش ليوم
يارا: و نتا فميزك نهدر مع واحد كيفك
قيس: متخافيش يارا غدوة نكونوا فكندا
يارا: علاه نخاف
قيس: ماعلاباليش
يارا: تعيي علابالك ديجا سكت عليا حمبوك
قعدوا ساكتين حتى وصلوا كي وصلوا فتحت عليهم زهرة
يارا: ماما
زهرة: بنتي و سلمت عليهم كيراكم دخلوا
قيس: غاية الحمد الله
زهرة: راك متهليلي فبنتي ولا والوا
قيس:هههه سقسيها هي
يارا(شافت فيه): ههه واه راه متهلي فيا بزاف
زهرة: ايا الحمد الله
علي: يوا قيس صايي بعدا راك رايح
قيس: ههه واه راها عندي خدمة تما خاصني نكملها
علي: اااا صحا
رشيد: تهلالي فبنتي
قيس: واه عمي متخافش بنتك راها فأمانتي
قعدوا يهدروا حتى جات 14
قيس: سينو حنا رانا رايحين لدار باش نوجدوا و نشوفوا صوالح لي ناقصين
زهرة: ايا صحا ولدي ربي يسهل
ناضوا قيس و يارا سلموا عليهم و راحوا ركبوا الطونوبيل
يارا:قيساش نروحوا
قيس:19 نكونوا فالمطار
يارا: ااه صحا
وصلوا لدار و وجدوا صوالحهم و قعدوا شوية مع خديجة و مرام و صالح كي قربت 18
قيس:يارا نوضي وجدي روحك باش نروحوا لبسي غي حاجا خفيفة
يارا :صحا
طلعت يارا لفوق بدلت و لبست سيرفات 

و هبطت التحت
قيس: بفف en fin سترتي روحك
خديجة:ههه خليها تلبس راها عاد صغيرة
قيس: صحا مين عاد صغيرة بصح راها متزوجة
يارا: ايه ونتا شا ضرك
قيس:نتي مرتي
خديجة: نتا تقلقت عليها ديتها
يارا: ايه
قيس:سينو راكي واجدة
يارا:واه صايي
سلموا على خديجة و مرام و صالح و راحوا ركبوا فالطونوبيل
يارا:قيس
قيس:واه
يارا: أنا طونوبيلتي وين نديرها حابة نديها معايا
قيس: ههه وين تديها معاك راكي طامعة تخرجي بلاك
يارا: ايه و غادي نقعد محبوسة فدار
قيس: باينة هذي
يارا:مين هاك تفوت شهرين و نطالقوا
قيس: ههههه ضحكي علابالك
يارا: علاه
قيس:هكا
وصلوا المطار و قعدوا يسناو فطيارتهم حتى جات
قيس: ياله يارا نروحوا
ركبوا فالطيارة رقدوا وصلوا على 6 تاع الصباح
قيس: يارا نوضي رانا وصلنا
ناضت يارا و هبطوا من طيارة لقاو اياد يسنا فيهم
قيس عنق إياد:صفا صاحبي
اياد: غاية الحمد الله كي وصلتوا
قيس:الحمد الله
ركبوا فالطونوبيل تاع اياد ووصلهم لدارهم دخل معاهم الصوالح و عاود راح يرقد
غير دخلت يارا لدار عجبتها بزاف كيما ستيل لي تحبوا
قيس: عجباتك دارك الجديدة
يارا: ايه بزاف بصح كاين حاجا
قيس: شاهي
يارا: حابة شومبرتي وحدي
قيس:ايواه علاه أنا كيراني نبانلك
يارا:مزال ما توالفتك و فالصباح مانحبش نشوف وجهك
قيس:يارا خليني ترونكيل راني نعسان طلعي لفوق كاين les chambres
طلعت يارا تجري و دخلت قاست روحها فالسرير و رقدت طلع قيس موراها شاف فيها لقاها راقدة
قيس: واه رقدي رقدي رانا جينا لبلاصة لي كنت حابها هنا تشوفيني شكون أنا
و راح رقد قدامها