حب بعد عذاب

حلقة24

حلقة24:
فاتت سيمانة
كانت يارا قاعدة مع شيراز حتى عيطتلها خديجة
يارا: الو واه ماما
خديجة: صفا بنتي
يارا: الحمد الله و نتي
خديجة: الحمد الله واش حبيت نقولك
يارا: ايه ماما
خديجة: غدوة راهم جايين لافامي حابين يشوفوك بسك راكي عارفة العرس فات خفيف و متعرفوش عليك
يارا: ايه صحا ماما دوك نعيط لقيس يجي يديني
خديجة: داكور بنتي ايا تهلاي فروحك
يارا: يسلمك ماما نتي تاني
شيراز: وشبيها خالتي خديجة
يارا: قاتلي غدوة راهم جايين لافامي
شيراز: اااا صحا
يارا: ايه
عيطت يارا لقيس و قاتلوا هبطت عند زهرة
يارا: ماما راني رايحة ليوم
زهرة: علاااه
يارا: راهم جايين لافامي عند ماما خديجة
زهرة: صحاا بنتي فخاطرك قلتي لقيس
يارا: ايه راه جااي
زهرة: ايا روحي وجدي روحك
يارا: ايه راني رايحة
طلعت يارا وجدت روحها حتى جا قيس فتحت عليه زهرة
قيس: ي،ما كيراكي
زهرة: غاية الحمد الله ولدي
قيس: الحمد الله وين راها يارا
زهرة: راها الفوق اقعد تاكل كاش حاجا
قيس: لالا كثر خيرك ماما والله راني مزروب
هبطت يارا لقاات قيس تحت
قيس: راكي واجدة
يارا: ايه راني واجدة
سلمت يارا على زهرة
يارا: بااي سلميلي على بابا و علي
زهرة: يسلمك بنتي بااي
ركبوا فالطونوبيل و ديمارا
قيس: توحشتك عمري
يارا: ههههه هاذي غير سيمانة
قيس: فاتت عليا كي 7سنين
يارا: هههه أنا تاني توحشتك بصح توحشت ماما خديجة كثر
قيس: ايه علابالي اييه
يارا: شكون راح يجي قااع
قيس: ايه حقا وااه راح يجيو ولاد خالتي و بالاك تعجبك القعدة معاهم كيما مع ولاد خالتك
يارا: ......
قيس: ايه واشبيك سكتي ليوم نوريك مسمعتليش الهدرة
يارا: وشنوااا
قيس: الهدرة فليل
يارا:😓😓😓
قيس:سكتي صايي
وصلوا لدار فتح قيس الباب راحت يارا تجري عند خديجة
يارا: ماما توحشتك
خديجة: يا عمري انا تاني
يارا: يسلمك ماما وين راها مرام
خديجة: راها راقدة بسك ناضت بكري راحت عند الطبيب
يارا: ااااا صحا
خديجة: ايه
يارا: سينو ماما راني طالعة الفوق نبدل و نجي نعاونك فالعشاء
خديجة: صحا بنتي
طلعت يارا بدلت و هبطت دارت العشاء مع خديجة ناضت مرام لقات يارا
مرام: عمري جيتي
يارا:ايه بسك غدوة راهم جايين ضياف
مرام: ايه سينو صفا
يارا: الحمد الله و نتي
مرام:الحمد الله
خديجة: قعدي بنتي تتعشاي
مرام: ايه ماما
دخل قيس لدار
قيس: ممممم جيت نيشان مع العشاء
خديجة: هههه ايه ولدي
قعد قيس قدام يارا هبط صالح يتعشا
صالح: راح نقولكم حاجا
خديجة: وشنوا
صالح: غدوة راح تجي يما
قيس و مرام : مااااااني
يارا: هههه وشبيكم
قيس:لالا عمري والوا غير كولي
يارا:😳😳😳
خديجة: مرحبا
صالح:حبت تشوف كنتنا
قيس: بابا عندنا عام زواج و مزاال ماشفتهاش
صالح: تعرفها كيدايرا ولدي
مرام:بففف راح نولد دوك
خديجة:صايي متقلقيش روحك نتي
يارا: بصح وشبيكم محبيتوهاش تجي
مرام: تهدر بزاااف و تحطك فمواقف محرجة
يارا:😓😓😓😓
خديجة: نقولكم خبر الثاني
قيس و مرام: لي هو وشنو
خديجة: راح تجي فاطمة و هند
قيس: اااااا ربييي علاااه
خديجة: قيييييس
مرام: تخااف ديرلنا بروبلام
قيس: و شعاال راح يقعدوا
خديجة: خالاتك عائشة و نهلة و بدرة راح يروحوا فنهارهم بصح فاطمة و ماني راح يقعدوا ثلاتة اياام
مرام: بفف غير صامطين راح يبقاو
صالح: صاي بنتي هاذي خالتك و جداتك عيب تحكي هاك
قيس: سينوا ماما راني طالع نرقد و راح تطلع معايا يارا
يارا: علااه نطلع خليني. نغسل ماعن
حكمها ميدها و قالها: غير قبيل قلتيلي راني عيانة
يارا: لا لا قيس مانيش عيانة
خديجة: خلااص بنتي روحي
يارا: بصح ماما حشومة
قيس: لااا ماشي حشومة غي رواحي
يارا: بففف
خديجة: تصبحي بخير بنتي
يارا: بسلامة ماما نتوما تاني تصبحوا بخير
مرام و خديجة و صالح: بسلامة
طلعوا الفوق غلق قيس الشومبرة بالمفتااح
يارا: خير واش كاين
قيس: مممم واش كاين يااااك أنا شاوصيتك كي ديتك لداركم
يارا:.......
قيس: سكتي ياااك بصح منفوتهالكش
يارا: وااش راك حاب دير
قيس: توحشتك و توحشتك جسمك
يارا:.....
قيس: صايي عرفتي الجواااب
يارا: كنت غاية فدارناااا
قيس: سماااا معايا ماشي غاية يااك
يارا: لا لا قيس مقصدش نقول هاك
قيس: ايا وااش قصدتي وااش
يارا:......
قيس: صحا صايي بونوي غادي تعيشي هنا كيما تعيشي فداركم ما نمسكش غي كوني هانية بونوي
راح قيس لبلاصتة و رقد
يارا:😢😢😢

#يتبع