حب بعد عذاب

حلقة21

حلقة21:
ناضت يارا صباح لقات قيس عاد قدامها باستو فخدو و راحت دوشت و بدلت و راحت عند قيس جمعت فالفراش و نوضاتو
يارا: قيس عمري نوض
قيس: راني نايض حبي راني نايض (و باسها بوسة خفيفة ) بونجوغ قلبي
يارا: بونجوغ عمري كي صبحت
قيس: غاية و نتي
يارا: غاية ايا نوض دوش و هبط تتقهوا
قيس:صحا عمري هبطي ندوش و نجي موراك
يارا: داكور
هبطت يارا تحت لقات خدامة
ليلا:بونجوغ مدام كي صبحتي
يارا:غاية الحمد الله و نتي
ليلا: الحمد الله خصك كاش حاجا مدام
يارا: لالا مرسي غي روحي ريحي
ليلا: داكور
قعدت يارا تتقهوا حتى هبط قيس تقهوا معاها
قيس: وجدتي صوالحك
يارا: مزاال
قيس: ربك غدوة نروحوا و نتي مزاال
يارا: ايه خلاص كلشي ساهل
قيس: ممممم
يارا:صحا قولي شعال نقعدوا
قيس: شهرين بسك عندي خدمة تما
يارا: يااااااي كيغاية
قيس: هههه فرحتي
يارا: بزاااف
قيس: سينو ليوم منروحش نخدم
يارا:علاااه
قيس: نخرجوا نشريلك قش مستور
يارا: بفففف
قيس: ايه مغاديش تلبسي لعريان قدام ولاد عمي
يارا: صحا صحا
قيس: ايا طلعي وجدي روحك
يارا: صحا
طلعت يارا وجدت روحها لبست و هبطت عنده

قيس: بفففف يارا واش قتلك على هاد القش
يارا:ايه خلاص رانا رايحين نشروا و ديجا باقي شهر على الشتاء ايا خليني نستمتع
قيس: تعيي
يارا: معجبتكش وقيل
قيس: لالا عجبتيني بزاااف علابيها منحبكش تخرجي هاك ما نحب حتى واحد يشوف فيك من غيري
يارا: هههه حشمتني ايه نتا تاني شباب بزاااف و نكره كي لبنات يقعدوا يشوفوا فيك
قيس: المغيارة تاعي
يارا: هههههه اييه
قيس: ايا ياله نخرجوا
خرجوا قيس و يارا ركبوا فالطونوبيل و راحوا
يارا: قيس كي نوليو تعاوني فالصوالح
قيس: لالا ديري كلشي وحدك
يارا: أنا ماشي خدامة تاعك 😒
قيس: و انا علاه راني نخدم باش نشريلك و نوكلك و نوكل ولادي
يارا: هههه مزااال مزااال
قيس:ممم علاه مزال
يارا: هاكا
قيس: بصح أنا راح مغيرني اياد كيراه عنده بيبي
يارا: ايوا كان جاينا واحد مي ربي مكتبش
قيس: ايه يارا سمحيلي
يارا: نورمال ايا راه فخاطرك بيبي و اياد راه مغيرك
قيس: ايييه
يارا: دوك نجيب لعمري بيبي يشبهلك
قيس: نشاله عمري
يارا: نشاله
وصلوا يارا و قيس شرالها صوالح بزاااف اختارهم هو
يارا: هههه قيس خلاص بزااف
قيس: ايه باش ماتعاوديش تقوليلي معنديش
يارا:هه صحا
كملوا راحوا فطرو فالريسطو و ولاو لدار طلع قيس قاس روحه فالفراش
يارا: نوض ااا سي قيس نوض
قسس: علاااه
يارا:نوض عاوني
قيس: صحا
ناض قيس تعاونوا وجدو صوالحهم كلشي لي كان خاصهم كملوا حتى 17
يارا: اوووف عييت
قيس: أنا تاني
يارا: غدوة قيساش نروحوا
قيس: 6 تاع صباح نكونوا فالمطار
يارا: ااامااا خاصني نرقد بكري
قيس: ايييه سينو راني هابط ناكل كاش حاجا
يارا: ايه أنا تاني
هبطوا كلاو و خرج قيس قعد شوية مع صحابه و قعدت يارا مع ليلا حتى غلبها نعاس طلعت لشومبرتها رقدت جا قيس مع 21 لقا يارا راقدة
قيس: ممممم ليوم رقدت بكري
دوش و بدل قشوا و دخل معاها فالفراش عنقها و رقد هو تاني

صونا ريفاي على الخمسة ناضت يارا طفاتوا و نوضت قيس
يارا: قيس نوض
قيس: مممم خليني
يارا: نوض دوك نديرو الروطار
ناض قيس دخل دوش و بدل قشوا لبس سيرفات و يارا تاني و رفدوا صوالح داروهم فالطونوبيل و ركبوا  ديمارا قيس راح عند اياد باش يروحوا قاع كيفكيف وصلوا طلعوا اياد و شيراز بلا ماننساو الخنفوس تاعهم
يارا: يا عمري شيراز عطيني خنفوسي
شيراز:هههه هاكي هنيتيني منه هبلني
يارا: ممم راك مهبل ماما قوول
اياد: ايا و نتوما ما تجيبولناش واحد
يارا: ههه نشاله
وصلوا المطار قعدوا يستنوا حتى جا وقتهم طلعوا الطيارة و قلعت رقدوا حتى وصلوا لألجي على 16
يارا: ايا دروك غادي نروحوا لوهران
قيس: لالا ليوم نريحوا و غدوة نشاله نروحوا
يارا: صحا
راحوا لأوتال ريحوا شوية كي جات 21 هبطوا تعشاو وولاو يرقدوا

#يتبع