حب بعد عذاب

حلقة05

حلقة05:
خرجوا شيراز و اياد
قيس:يادرا شيراز عجبك الكادو
شيراز:ههه زعمة انا مابغيتش بصح بسيف عليا
يارا:علاه شاهوا الكادو
اياد:ههه تسنيي بلا موك
شيراز:هههه يا عمري نبغيك
يارا:راني نهدر معاكم شاهوا الكادو هذا
قيس:ڨاع صوالح الممتلكات تاوعه كتبهم على سميتها
يارا:اهيه الله يبارك الله يبارك لوكان غي نلقا واحد كيما اياد
شيراز:هههههه
اياد:ااااا سما باغيته غي علا صوالحك و الدراهم
هوما يهدرو و قيس قعد غير يشوف فيارا فاقله إياد بصح محبش يحطه فموقع حرج
يارا:هههه والله والو إياد زعما يبغيني و صايي
اياد:ايه و ياسر كي صراله
شيراز:اااحي خطبتلو ماماه وحدوخرا
كي سمع قيس هاك فرح بص عاود تفكر خطبته غدوة
يارا:اياا نخلوكم باي
اياد و قيس:باي
راحوا شيراز و يارا و قعدوا قيس و اياد فالشركة
اياد:شفتك كي كنت تشوف فيارا و عقلك قاع ماشي معانا
قيس:هههه شراك تقول الله يهديك هههه
اياد:مممم راني نقولك نتا دروك راك تمسخر بيا و تقولي العاشق الولهان و نشاله مباقيش بزاف نولي أنا نقولهالك
قيس:هههههه مي نتا مريض صاحبي يارا باصي ماله هذا و متنساش غدوة خطبتي
اياد:لمهم ياله نكملوا صوالحنا
قيس:صحا
عيطت يارا لخوها جا داها عند خالتها
يارا:خالتي
فاطمة:بنتي توحشناك صفا شوية
يارا:غاية الحمد الله طاطا وين راها نرجس
فاطمة:راها لفوق طلعي عندها و ماطولوش بسك غادي نحط لعشا
يارا:صحا خالتي
طلعت يارا تجري عند نرجس
نرجس:ياااا عمري شكون جات
يارا:توحشتك كلبة
نرجس:أنا تاني
يارا:لوكان مانجيش نتي تنسايني قاع
نرجس:لا هادي قاع ماشي هدرة
يارا:لمهم لمهم ياله نهبطو نتعشاو
نرجس:صحا
هبطوا نرجس و يارا يتعشاو و منبعد طلعوا لبيت نرجس قعدوا يحكيو حتى رقدو
أما عند قيس تعشا برا مع اياد و علي و كي رجع لدار طلع ديراكت لبيتو و قاس روحوا فالسرير و قعد يتفكر فيارا كيفاه كانت تهدر و تضحك مع إياد حتى تفكر غدوة خطبتوا و يارا صايي ماشي تاعه رقد كاره حياتوا باتت عندها و غدوة فصباح راحت لدارهم

صبااح ناضوا قاع كانوا يتقهواو حتى قالهم رشيد
يارا:هاني جيت
زهرة:سلام بنتي كي فوتيها
يارا:غاية الحمد الله
وجمعت معاهم فالطابلة
رشيد:ليوم خطبة تاع ولد صالح و عرضنا قاع لازم عليكم توجدوا نروحوا مع ل13
يارا: بابا هاذ الناس مانعرفهمشobligé نروح
رشيد:ايه بنتي صاحبي عرضني و قالي جيب ولادك و مرتك حشوما علينا
يارا:صحا بابا راني طالعة لبيتي نشوف شا نلبس
علي:يااه تحسب غادي يخطبوك نتي
يارا:سكت نتا
طلعت يارا و كان عندها الفضول باش تعرف شكون هذا حوست شا تلبس باش تروح بيها
ناض قيس هبط عند والديه تقهوا معاهم
صالح:ليوم مرهاش عندك خدمة تاني
قيس:لا بصح ماشي معناها غادي نقعد فدار
خديجة:ايه ولدي بصح رواح لدار قبل ل13
قيس:ايه علابالي
خرج قيس مدار و راح عند اياد
اياد:صباح لخير عريس تاعنا
قيس:حمبوك سكت عليا راني كاره حياتي
اياد:نقولك حاجا
قيس:ايه
اياد:أنا جاتني راك ضاربها عشقة فيارا
قيس(شاف فيه و تبسم):لالا صاحبي
اياد:تكذب على قاع الناس بصح أنا ماتفوتش معايا صاحبي
قيس قعد ساكت
اياد:الا راك باغي يارا حبس الخطبة و هدر مع باباك قولو نحب يارا
قيس:خويا أنا و مانيش فاهم روحي راني نضل نخمم فيها
اياد:هههه عاشق الولهان
قيس:هههه لالا ماشي كيفك صاحبي
اياد:لمهم ياله نروحو لدار نوجدوا روحنا
قيس:صحا
راحوا لدار ستيكاو رواحهم غاية
اياد:بففف لوكان غي تكون شيراز تما
قيس:شيراز معامن تجي الله يهديك
اياد:ياله نروحوا ياله
قيس : صحا
راحوا لدار هند غير دخلوا استقبلوهم بزغاريت دخل قيس و والديه جمعوا و قعدوا يسناو تجي العروسة
ناضت يارا لبست شميز و سروال بسك خطبة تاع واحد متعرفوش