حب بعد عذاب

حلقة14

حلقة14:
بعد مرور شهرين:
ناضت يارا صباح دخلت لدوش دوشت و لبست كي جات هابطة حست بدوخا بصح ماداتهاش هبطت دارت القهوة و حطتها باش تتقهوا كي شمت ريحتها قلبها طلع و مشات تستفرغ
يارا: زعما نكون هزيت الكرش لالا مستحيل
ناض قيس هبط يتقهوا
يارا: قيس
قيس: شاه
يارا: حابة نروح عند الطبيب
قيس: علاااه
يارا: راسي راه واجعني بزاف و راني غير نعسل
قيس:أنا راني روطار قولي لشوفار يوصلك
يارا: صحا 
راح قيس لخدمة غسلت يارا الماعن و راحت تبدل كي كملت خرجت ركبت مع شوفار
شوفار: صباح الخير مدام وين نوصلك
يارا: حابة نروح لسبيطار
شوفار: صحا مدام
وصلها لسبيطار دخلت راحت عند طبيبة و شرحتلها واش صرالها فالصباح
يارا: بصح أنا شعال من خطرة تصرالي هاكا
طبيبة: صحا رقدي هنا نشوفك
رقدت يارا و فحصتها الطبيبة كي كملت راحوا جمعوا فالبيرو
يارا: يادرا معندي والو؟؟
طبيبة: مبروك عليك مدام راكي حامل
يارا:😱😱😱
راحت يارا لدار مخلوعة و طلعت لشومبرتها بدلت و قعدت ففراشها و قعدت تبكي و تضرب فكرشها
يارا(ببكاء): مانيش حابتك مانيش حابتك نكرهك قيس نكرهك علاه درتلي هاك
حتى دارت لقات تلفونها محطوط
يارا: باينة قيس نساه
هزت التلفون و عيطت لشيراز
شيراز: الو عمري توحشتك
يارا: أنا تاني بب
شيراز: كيراكي
يارا: مانيش غاية
شيراز: مالكي شاصرالك
يارا: شيراااز هزيت الكرش
شيراز: ايا علاه راكي زعفانة
يارا(ببكاء): اييه زعفانة بزااااف كيفاه نجيب بيبي مع قيس تعرفيني نكرهو
شيراز: بصح البيبي واش ذنبوا
يارا: لالا خاطيه
شيراز: ونتي حابة تجيبيه ولا تجهضيه
يارا: لالا منجهضش ولدي بصح علاااه باباه قيس
شيراز:  صايي عمري متزعفيش قلتيلوا؟؟
يارا: لا ماقلت لحتى واحد حتى هو و مانقولوش
شيراز: علاااه
يارا: هاكا متقولي لحتى واحد غي نتي لي علابالك
شيراز : صحا عمري مانقول لحتى واحد
يارا: مرسي حبي سينو نخليك قبل ما يجي
شيراز: صحا باي تهلاي فروحك و فولدك
يارا: مرسي بب نتي تاني باي
شيراز : باي
كوبات يارا و محات النميرو حتى سمعت قيس جا دارت روحها راقدة
قيس: يارااااا
يارا:.....
قيس: يارااا نوضي
يارا: وشبيك
قيس: راني حاب نفطر
يارا: راني مريضة مقدرتش ندير لفطور
قيس: قتلك نوضي
يارا:ما نوضتش
نوضها قيس ميدها
قيس: مريضة ولا لا الله يسهل عليك أنا باغي نفطر
يارا: مالك مانوضتش أنا ماشي خدامة عندك راك تسمع
ضربها قيس بصفعة
قيس: قتلك نوضي سي نوضي متكثريش معايا الهدرة
ناضت يارا تبكي و دارت الفطور و هو قعد فالشومبرة كي كملت يارا الفطور طلعت الفوق باش تعيطلوا يفطر سمعاتوا يهدر فالتلفون
قيس: واش قتلي محكمتوش؟؟
ا:..........
قيس: سمعني غاية لوكان الخطرة جاية متحكموش نقتلك نتا وياه
ا:...........
قيس:علاه حنا هاذي الخطرة لولة نقتلوا فيها واحد
ا:.........
قيس: سمعتني ايا منزيدش نهدر
يارا:😱😱😱😱😱
دخلت يارا عند قيس و دارت روحها مسمعت والو
يارا: الفطور راه واجد
قيس: صحا هبطي دوك نجي
هبطت يارا مخلوعة
يارا: سما أنا راني متزوجة مع واحد من عصابة و زيد عندي بيبي معاه
هبط قيس موراها حطتله يارا و قعدت تتفرج
قيس: ماتفطريش
يارا: لا مانيش جيعانة
قيس: حقاا مشيتي عند الطبيب
يارا: ايه
قيس: ايا واش قالك
يارا: معندي والو عطاني غي الدواء
قيس: ممممم صحا
يارا: واه
قيس: سينو راني طالع نرقد
يارا:صحا
طلع قيس يرقد غسلت يارا الماعن و طلعت هي تاني
قيس:حقا يارا غادي نقولك حاجا غادي تفرحي
يارا: وشنو
قيس: مباقيش بزاف و نطالقوا
يارا: كيفاه
قيس: ايه كيما سمعتي مالكي مفرحتيش
يارا: لا نورمال
قيس: مممم صحا سينو غادي نرقد
يارا: صحا
هبطت يارا تحت و قعدت تبكي
يارا: كيفاه يطلق مني حتى لدروك بانتلوا