حب بعد عذاب

حلقة29

حلقة29:
فالصباح
ناض قيس لقا يارا عاد راقدة
قيس: يارا عمري نوضي
يارا: مممم خليني
قيس: نوضي
يارا: قتلك خليني راني عيانة
قيس: ايا ما تروحيش للعرس
ناضت يارا تجري : عرس حقااا عرس نسيتوا
قيس: صايي بطلت مكانش
يارا: نرووووح 😌😌
قيس: لا
يارا: 😢😢😢
قيس: خلااص تروحي بصح بشرط
يارا: وشنوا هو
دنا ليها و هي تولي للول حتى لسقت فالحيط حاصرها و همسلها فوذنيها
قيس: نعاودوا واش درنا البارح (و غمزلها)
يارا:😳😳😳😨
قيس: واشبيك راكي مرتي
يارا: ايه صح بصح.....
قيس:مكانش بصح تساليني
يارا: .....
قيس: ايا اختاري
يارا: قيس خلاااص
قيس: نقصر معاااك برك
يارا: اوووف مزية
دخلت يارا دوشت بدلت و هبطت عند خديجة. و مرام
يارا: صباح الخير
خديجة: صباح النور بنتي كي صحبتي
يارا: الحمد الله
مرام: يارااا ليوم العرس
يارا: وااه كيغاية
خديجة: أيا كولوا ووكلوا ولادكم باش تروحوا توجدوا رواحكم 
هبط قيس لقاهم ياكلوا و يقصروا
قيس: صباح الخير
خديجة: صباح النور ولدي اقعد تاكل
قيس:ايه ماما و قعد
مرام: قيس
قيس: ايه
مرام: راح تدينا انا و يارا عند الحفافة
قيس: عندي خدمة
يارا: وشنووو
مرام: معليش نروح بطونوبيل تاع بابا انا نسوق
يارا: لالا راكي هازا الكرش و تسوقي
خديجة: ايه عندها الحق
يارا: خليني انا نسوق
قيس: زعما نتي ماكيش هازا الكرش خلاص نديكم انا
مرام: ايه مزية فهمت روحك
قيس:😏😏😏
يارا: ايه مع 14 ارواح تدينا
قيس: dcr سينو انا نوض مبعد نجي
خديجة: الله يسهل ولدي
قيس:آمين
خرج قيس و طلعت يارا و مرام لشومبرة قعدوا مع بعض
يارا: اليااسوا راك هنااا
مرام: يا عمري نضت و انا مفقتش بيك دوك نديلك حليبة و نجي
يارا: لالا اقعدي دوك نهبط نديرله انا ديجا راني نسيت تليفوني تحت متعبيش روحك
مرام: صحا يارا مرسي
يارا: لالا بلا مزية
هبطت يارا دارت الحليب لالياس كي جات طالعة شمت ريحة تاع المحاجب
يارا: مممم يا مامي محاااجب
طلعت لفوق عند مرام عطات الحليب لالياس
يارا: مرام
مرام: ايه
يارا: راني نشم ريحة تاع محاجب شتهيتهم بزااااف
مرام: ايه جارتنا ديرهم خلاص متقلقيش دوك نقول لماما طيبلك
يارا: لالا حابة ناكل هاذو لي شميتهم دروك
مرام: ممم موصيبة نتي هههه لمهم دوك نروحوا عندها نقولولها
يارا: ايه
راحوا عند الجارة دقوا عليها
الجارة: سلام
مرام: سلام خالتي كيراكي
الجارة: غاية الحمد الله ادخلوا
مرام: لالا حبيت نقولك غير حاجا
الجارة: ايه
مرام: مرت خويا راها تتوحم و شمت ريحة المحاجب شتهاتهم
الجارة: مكانش مشكل دوك نجيبلكم
راحت جابتلهم المحاجب و عطاتلهم
يارا: مرسي بزاااف خالتي
الجارة: نتي هي مرت قيس
يارا: ايه
الجارة: شابة الله يبارك
يارا: يبارك فيك خالتي و مرسي على المحاجب
الجارة: بلا مزية
راحوا يارا و مرام لدار كلات يارا المحاجب حتى شبعت
مرام:خلاص شبعتي
يارا: ايه
الياس: اووو ثاثا ثعال تاكل
مرام: واه ولدي شفتها راه عندها بيبي فكرشها كيما انا
راح الياس عند يارا و باسلها كرشها
يارا: يا عمري
مرام: و انا متسلمش على خوك
الياس: كوليوم نثلم عليه
يارا: خنووووز
مرام:ياله نوجدوا رواحنا باش نروحوا قيس قريب يجي
يارا: ايه
لبسوا حاجا خفيفة و قعدوا يستنوا فقيس حتى جا ركبوا فالطونوبيل و راحوا وصلهم عند الحفافة
قيس: كي تكملوا عيطولي نجي نديكم
يارا: صحا
هبطوا يارا و مرام عند الحفافة كوافاو ولاو يهبلوا عيطوا لقيس جا داهم لدار طلعوا قيس و يارا لشومبرتهم
قيس: ووو ويا على هاذ الزين و كي غادي يقعد فدار
يارا: اااااه وشنوووو
قيس: كيما سمعتيها
يارا: و علااااه كاش ماني دايرة
قيس: ايه بسك كي شابة بزاااف نقصي الماكياج
يارا: قيس راني رايحة للعرس ماشي جنازة
قيس: مانعاودش هدرتي يا تنقصي يا تعرفيني شاندير
يارا: خلااااص راح نقص
نقصت شوية مالماكياج
يارا: خلاص هاكدا
قيس: ايه سينو راني ماشي نبدل انا تاني و نجي
يارا: اوك
بدلت يارا و مرام ولاو شابين بزاااف