حب بعد عذاب

حلقة 19

حلقة19:
ناضت يارا لقات قيس معنقها و راقد حبت تبعد باش تنوض مي مقدرتش حتى فاق
يارا: سمحلي قيس نوضتك معايا كنت حابة غير نبعدلك يدك
قيس: ممم صباح الخير عمري
يارا: صباح النور
باسها قيس و زاد زير فالتعنيقة
يارا: خلاص قيس حابة نوض
قيس: انا مزال ماشبعتش حاب نقعد نشوف فمرتي
يارا: صباااح ربيييي
قيس: ايه
يارا:خلاص نوض نتقهواو باش نروحوا عند شيراز يااك راها عيانة مسكينة و ديجا حابة بزااااف نشوف ولدها و نلعب معاه تعرفني نحب لي بيبي
قيس: مم مين هاك حنا تاني خصنا نجيبوا واحد
يارا:......
قيس: واش بيك وجهك تبدل قاع هاك ولا محبيتيش
يارا: لا عادي
قيس: ايااا وجدي روحك فليل
يارا:وشنووووو
قيس: راكي حابة لا؟؟
يارا(حبت تبدلوا الموضوع): ياله نتقهواو باش نروحوا
و ناضت دخلت لدوش
قيس:ببفففف كل ما نحب نقربلها تبدلي سوجي و ناض هو تاني كي جا داخل لقاها خارجة و دايرا غي فوطة كي شافها عجباتوا قعد يتقربلها و هي تبعد
يارا(مشوكيا ماعرفاش واش دير تتنفس بزربة): وا.....ش.....ب.....يك
قيس: ههه واشبيك تهدري هاك ماتخافيش
لسق صدروا على صدرها و مد يديه و جبد فوطة
قيس: شوفي شا كنت باغي ندير
يارا: لوكان جبتها بطريقة وحدوخرا
قيس: بصح أنا حبيت هاذي تساليني؟؟
يارا(تتمتم): منحرف
قيس: سمعتك واه منحرف
يارا: صحا صايي دخل
دوش قيس و بدلوا وحبطوا يتقهواو
قيس: بداي توجدي صوالحك باش تروحي
يارا: ويبين نروح حاب طلقني😲😲
قيس: ههه لالا يا المهبولة باش نروحوا دزاير
يارا: اااه صحا قولي هكا ملول خلعتني
قيس: مممم علاه خلعتك ولا صايي وليتي تحبيني
يارا: هه غير هاذي متصراش
قيس: لا عمري تصرا و دوك تشوفي (و غمزلها)
يارا: راني طالعة نوجد روحي
قيس:صحا خفي راني نسنا فيك فطونوبيل
بدلت يارا و لبست حاجا خفيفة و راحت عنده فالطونوبيل
قيس: مممم توجور تهبلي
يارا: علابالي علابالي
قيس: صايي كنت غي نقصر برك
يارا:😒😒😒😒😒
ديمارا قيس و راحوا عند شيراز و اياد ...فتحت عليهم الخدامة راحت يارا تجري عند شيراز لي كانت رافدة ولدها باستها
يارا: عمري كي صبحتي
شيراز: الحمد الله عمري
يارا: و يا عمري على هاذ الخنفوس
اياد: و نتوما ماراكوش ناويين تجيبولنا واحد
قيس: ههههه أنا مدابيا بصح شوف المداام مراهيش واجدة
يارا:😳... قيييييس
شيراز: متحشميش متحشميش
يارا: حقاااا راح نهبطوا لدزاير
شيراز: كذاااابة
يارا: والله
شيراز: اياااااد
اياد: مممم
شيراز: و حنا منهبطوش
اياد: مزال راكي عيانة
شيراااز: لالا والله ايااااد توحشت ماما بزااف
قيس: ديرلها خاطرها
اياد: بصح...
شيراز: مكانش بصح حابة نروح
اياد: صحا صايي عمري لمهم متزعفيش
قيس: ايا نروحوا مع بعض
اياد: نشاله صاحبي
قعدوا يقصروا يضحكوا و عاونت يارا شيراز حتى لحقت 18
قيس: حنا لازم نروحوا
اياد: مزااال
قيس: صاحبي نتا راه عندك ولد باقي تورتي و ديجا راني داير surprise ليارا
يارا: 😨😨😨😨 surprise ؟؟؟
قيس: ايه كيما سمعتي
يارا:وشنو هي
قيس: كي نروحوا تعرفي
يارا: بفففف صحا
شيراز: ههه الله يكون فعونك
يارا: شييييراز
اياد:😂😂😂😂
قيس: بلع نتا ونتي ياله نروحوا
يارا:صحا
راحت سلمت على شيراز و ولدها (يانيس)
شيراز: باي عمري
يارا: باي بب تهلاي فروحك
و راحوا ركبوا فالطونوبيل
يارا: ايواااا سي قيس واش راك موجد
قيس: راني حاب واحد
يارا:😨😨😨😨
قيس: وشبيك
يارا:والوا والوا
قيس: ايا مزية
وصلوا يارا و قيس دخل قيس مور يارا..... غمضلها عينيها
يارا: قيس واش كاين
قيس: سكتي كي تطلعي تعرفي
طلعها لشومبرة و عطاها روبة شابة تهبل فالغوج شراهالها جديدة