حب بعد عذاب

حلقة04

حلقة04:
ناض قيس صباح تقهوا مع ماماه و باباه و راح للشركة
قيس:صباح الخير
سكرتيرة:صباح النور سي قيس
قيس:وين راه إياد
سكرتيرة:مازال ما جا
قيس: مم صحا
و راح للمكتب تاعه يقرأ الملفات حتى حل إياد الباب
إياد:صباح لخير خويا
قيس:صباح النور راني نشوف فيك ماجيتش بكري صاحبي
إياد:هههه وااه مانضتش بكري يااك رااك عارف علاش
قيس:ههههه وااه صايي صايي لمهم بغيت نقولك حاجا
إياد:وااه
قيس:راه كاين إجتماع مع اليابانيين يااك نتا جزء مهم ما تنساش حنا رانا شركة مع بعض خصنا نربحو هذا المشروع فيه ربح بزاف
إياد:وااه صاحبي علابالي خصنا نديرو لمجهود تاعنا
قيس:هذي هيا

ناضت يارا صباح هزت تلفون قعدت تشوف حتى لقات تصويرة تاع ياسر مع وحدة معنقها طاحتلها الدمعة حطت التلفون و ناضت مسحت دمعتها
يارا:صباح الخير ماما
زهرة:صباح النور بنتي
يارا:وين راه بابا
زهرة:راه يوجد ف روحه باش يروح عند خوك راح جاي
يارا:اااااه خويا رااه جاي نسيت قااع و الله نروح مع بابا
ناضت يارا تجري راحت وجدت روحها و راحت مع باباها للمطار قعدوا يسناو حتى دارت يارا لقات خوها موراها عنقاتوا بجهد ما حبتش تطلقوا
يارا:خوياااا توحشتك بزاااااااف
علي:أنا تاني ههه بصح خليني نسلم على بابا
عنق علي باباه و سلم عليه و راحوا لدار

كانت شيراز قاعدة هدا ماماها و تهدر معاها
مليكة:يادرا فاوك تروحي تشري لاغوب بلونش
شيراز:وااه ماما غادي نعيط ليارا و نشوفوا لا نروحوا غدوة
مليكة:صحا بنتي
هزت شيراز التلفون عيطت ليارا
يارا:الو واه شيراز
شيراز:يارا حبيت نقولك ويلا ما عندك والو غدوة نروحو نشروا صوالح لعرس
يارا:صحا نشاله حقااااا
شيراز:واه
يارا:خووووويا جاااااا
شيراااز:الااااا منبعد نجي نشوفه توحشته
يارا:هههه صحااا ايا بااااي
شيراز:باااي
رااح قيس لدار فعشية حتى لقا هند و ماماها عندهم
قيس:سلام خالتي كيراكي غايا
خالته:غاية وليدي و نتا
قيس:لباس الحمد الله
كانت هند غير تغزر فقيس و كيفاه يهدر حتى شاف فيه
قيس:كيراكي بنت خالتي صفا
خالته:بنت خالتك؟؟ماباقيش بزاف و تولي مرتك
قيس:هههه والله توالفت نقولها بنت خالتي سينو ماما راها عندي خدمة بزاااف و موحال نجي لدار بكري
خديجة:صحا وليدي
هند:قيس
قيس:وااه
هند:نديروا كاش نهار نخرجوا فييه
قيس: صحا كي يكون عندي الوقت
و راح قيس لشركة
شيراز:ماما إياد قاع ماعيطليش ليوووم
مليكة:بلاك راح خدام بنتي
شيراز هزت تلفونها و عيطتلو
إياد:وااه عمري
شيراز:نتا قاع ماتتفكرنيش
إياد:لا والله عمري راها عندي خدمة بزااف و هادا وين خرجت من إجتماع كي نكون مريح نعيطلك حبي
شيراز:صحا واش حبيت نقولك
إياد:وااه
شيراز:غدوة رانا خارجة مع يارا باش نشري صوالح تاع العرس
إياد:صحا عمري بااي
شيراز:باااي

فصبااح ناضت شيراز بكري عيطت ليارا
يارا:الو واه واش خصك دوك صباح ربي
شيراز:واش خاصني ياااه ااا نوضي تروحي معايا نشرو صواالح
يارا:اااه حقا واه نسيت كي تلبسي و تكملي فوتي عليا
شيراز :صحا خفي
يارا:صحا صحا بااي
ناضت يارا تجري دوشت و لبست و خرجت شرات حاجا غير من برا حتى لقات شيراز جايا عندها
شيراز:سبحان الله اول مرة شتك واجدة
يارا:ههههه صحا صحا ياله نروحو
ركبوا طوموبيل تاع شيراز و راحوا