S.S Bf

Ch - 1

A hmasa in chibai leh vek ule, rin loh deuh in ka rawn COMEBACK e. Thla hmasa kha chu ka hman meuh lo a ni. Story thar hming tur hi ka ngaihtuah rei lutuk  S.S Bf tih hi awmzia chu Step Sister Boyfriend tihna aw heheh.... Chuan ka ziah sa ka her rem kual phah ta ringawt a, ka chhuah ngaihnawm angem chu ka hre chiah lo..

Engpawhnise Min lo chhiar sak leh theuh dawn nia, ngaihnawm taka ziah ka lo tum ang...
Chuan ch- 1 hi chhiar hram ula aw A Taekook vak lo na a mahse hriatthiam zawk nan chhiar a tha🤭🤭

Tae p.o.v

Tinge ka nun hi a hreawm bik em em, tinge hlimna tak tak hi ka neih ve theih loh.  Ka tan hian hlimna hi a awm ve lo em ni. Heng hi ka inzawh zin ber thin a ni.

Ka room ah chuan awm in tukverh bulah chuan thu in van lam chu ka en vang vang a. A thiang in a pâwl nalh takzet a ni

"Nu ka ngai che, tunah hian ka kiangah awm la ka ti takzet. I tello chuan ka famkim lo takzet a ni, tinge min kalsan hma bik em em a. Ka bulah awm la chu he hreawm na hi ka tawk lo tur. I fapa hi min hmu a ni tiraw, ka beidawn zia hi i hria em..." tiin van lam thlir reng chung chuan ka sawi a. Ka mittui a rawn luang thla ngiai ngiai bawk...

Ka room kawngkhar chu an rawn kik a

"Hey Taehyung rawn chhuk thla rawh, room ah hian i tawm reng a kan bulah te hian hun hmang ve la nuam te pawh i ti ang mawle" ka nuhrawn chuan a rawn ti a, min vin loh danah ka pa a rawn haw tawh a ang khawp mai

"Awle" tih zawng in ka chhang a

Inhnuai ka chhuk thla a, thuthlenga ka pa leh ka unaunu hrawn in kuah rial a lo thu chu ka hmu a ka ner deuh nang... Ka pa bulah hi chuan hmeichhe no leh pawisawi lo hmel takin a awm a. A takah chuan hmeichhe rapthlak  tak a nih saw, chhûngril a khâkna nei lian em em i....  Ka pa lah hi a nupui leh a fanu ah hian a luangliam em em chu ni si a, kum 7 dâwn chu an in nei ve tawh. An inneih tirh chuan an pahnih sawn ka chungah an tha khawp mai keipawn nuam ka ti thei takzet. Unaunu neih te kha nuam ka ti thin Mahse kum dang kan hman leh tang kha chuan engkim hi a dang lam nghal vek...

Lisa leh a nu sawn ka thuruk lian tak mai an hrechhuak tlat mai... Ka thuruk chu min vau nan ber an hmang a. Ka pa in hna thar a nei a, a zinchhuah a ngaih fo hnu phei chuan ka in ah Lisa te nufa chhiahhlawh ka ni ringawt. Tawngkam na tak taka min an khum lah an chawl lo, infiamna ang maiin ka nun hi min hmansak a ni... Ka pa bulah lah engmah ka sawi thei si lo, ka pa ina a awm hi chuan nu tha ber awm ang ziazang in ka chungah a tha leh a. An va han peih tak em
Ka pa lah hi a fapa lakah hian a mit a del em em chu ni si a.

Nitin ka nu ka ngaizual zêl bawk.... Ka tan chuan School hi hmun nuam tak a ni ber. Tlai haw ka hreh theih zia chu ka ṭhianṭha ber Jimin hian min hriatpui ngei ang....

"Pa i hna te a tluang maw" tiin ka pa chu ka pan a

"Aw Tae Bawiha, lo kal rawh. Ka hna lam te chu tluang e nang School lam te a tluang em"

"Immm,. A nuam khawp mai" ka ti ve mai a

"Athat chu Lisa hi an lo tibuai thin tih ka hria a, lo chhan thin lo em ni Unaupa i nia i nau hi i mawhphurhna a nih hi" a tih chuan ka ner nawng...  Chu Lisa-i mai mai chu, amah hi lawm midang tibuai thin zawk a hmelthat na hmang tangkai ve nia. A chhe lamzawng in a ni hlauh zawk a.

"Pa a ho lutuk, ka u te chuan min ngaihven hman reng bik lo a. A pawi hleinem, ka tibuai Mai Mai zawk Dawn sin" a tih chuan ka lo ner nawng... Ka pa bulah chuan u min ti a, a awm loh chuan ka hming pum hlir in min ko thin. A hrim ah Kan in hlau lutuk lo a thla chauh in ka upa

"Lo phei ruu, chaw ei Ang u" ka nu hrawn chuan a rawn ti a

Kan pathum chuan Kan kalphei  a

"Chhungkua a zanriah Kan ei tlang thei chu a lawmawm ngawt mai" ka pa chuan a ti a.