#البارت_الثالث
وسق : كمت من الفراش لكيت زوجها جاي وديسلمون عليه طلعت سلمت عليه ، سلام عليكم عمو
كريم : وعليكم السلام ماشاء الله كبرانه شبسرعه كبرتي ولج
وسق : ابتسمتله ومجاوبت
كريم : فدوه لكلبج اسراء حضري الريوك ميت من التعب
اسراء : ماشي طب بدل بينما احضر ريوك
وسق : اني احضره خاله
اسراء : ولج مو كتلج معليج بالشغل
وسق : هو ريوك لخاطري اني اسويه
اسراء : روحي غسلي ونسويه سوه
وسق : ههه ماشي ، غسلت ورحت ساعدتها حضرنا الريوك واجوي يتريكون
كريم : اي يابه ياصف صرتي
وسق : سادس منتضره النتائج
كريم : ماشاء الله والله اتذكر اخر مره شفتج شايله لعابه
وسق : هههه بعدها يمي هاي اللعابه
كريم : هههه علمي لو ادبي بله
وسق : ادبي
كريم : خير انشاء الله
وسق : خلصنا الاكل ولميت المواعين وردت اغسلهن مقبلت كالعاده طبيت للغرفه اكلب بتلفوني شاشته بعدها مكسره كوه افتهم منه شي شويه وصاحتني خاله اسراء ... نعم خاله
اسراء : تعرفين تسوين كيك
وسق : لا انطيني طبخ اني بس حلويات ومعجنات ماعرف
اسراء : تعاي اعلمج لعد حته منا وجاي انتي تسويلنا
وسق : ههه تمام ... ضلت تسوي وتعلمني اخر شي خلتني اسوي الكريمه الفوگاها وحمزه كل شويه يجي يريد ياكل وخاله اسراء تطرده كملت الكيكه وطلعناها تبرد وبدينا نحضر الغده كعدت تلف دولمه واني اساعدها
اسراء : امج جانت كلش تحب دولمه مالتي
وسق : نزلت دمعتي ، اي اتذكر الله يرحمها
اسراء : الله يرحمها باعي كملي هالجدر وحكوم اسوي جدريه ثانيه نوزعها على روحها
وسق : فرحت كلش ، صدك والله
اسراء : اي يلا لفي لفي حته الحك اخلصها وقت غده واكو كم ناس اعرفهم فقره نوديلهم
أنت تقرأ
خلقت لك 💗🔏
Romanceتروي القصه حكايه فتاه تفقد اهلها في ليله وضحاها ، فـ تحدث سلسله من الاحداث التي تمر بها هذه الفتاه لـ تعتمد على نفسها وهي وحيده وعاجزه بلا مؤى ولا سكن ولا سند ... 🥀
