#البارت_الـ 23
علا : مرت فتره تواصلي ويه حمزه مگطوع اشتاقيتله ڪلش بس استحي احاچيه وره الصار وسق دائماً تحچي وياه وتنطيني اخباره ، بـ يوم الحنه مال گرايبنا لبست فستان نيلي طويل ؏ جسم وبيه خطوط خفيفه فضي ومكياج ماروني
وسق : بـرغم عنادي ومردت اروح ميهون عليه افرح واهلي مصارلهم سنه بس طبعاً خاله ام سيف وخاله اسراء وعلا مقبلوا وقنعوني ، بـ يوم الحنه لبست فستان اسود للركبه نص ردن ؏ جسم وبيه ليلو ناعم ومكياج وردي خفيف ، ها خاله يلا كملت
ام سيف : فدوه لالله شهالجمال اوگفي ، رحت جبت ذهب مها
وسق : لا خاله ميحتاج والله هاي لابسه اسمي
ام سيف : انچبي الاسود لازم وياه ذهب وبعدين ليحسدوچ وانتي معايزه
وسق : هههه تمام ، لبستني الذهب وطبعاً ڪلش ثگيل ردت انزع منه بس مقبلت الا البسه ڪله ضلينا گاعدين ننتضر سيف يجي ياخذنا يودينا شويه واجه
سيف : مرت فتره شهد بدت تقل مشاكلها بس طبعاً اني مبتعد اعرف غلط بس مو بيدي مداگدر اتقبلها احس داخدعها بس مابيدي شي ، بـ يوم الحنه مال گرايبنا امي ووسق رادوني اوديهم مقبلت يرحون ويه هيثم رحت للبيت ولگيت وسق گاعده تسولف ويه امي لابسه فستان اسود مفصلها وحاطه رجل على رجل ولابسه حجل وطبعاً رجلها ماشاء الله شكلها لعب بـ اعصابي انداريت واستغفرت ، احم سلام عليكم
وسق : عدلت گعدتي ونزلت الفستان وگمنا صعدنا السياره دگت عليه علا
علا : ها وينكم احنا وصلنا للفرع مالتهم
وسق : بعد شگد ؟
سيف : حـنوصل
وسق : حـنوصل
علا : تمام يلا بسرعه دننتضركم مندخل وحدنا
وسق : تمام اوڪي
ام سيف : شبيها
وسق : تگول مندخل وحدنا ننتضركم
ام سيف : مبقه شي ونوصل
وسق : هزيت راسي ونداريت للجامه بس طول الطريق سيف بس يستغفر حته عبالي بيه شي شككني بروحي مدري شبيه المهم وصلنا وصوت الموسيقى والسيارات ماليه الشارع بالعرس شحيسوون ماشاء الله ، نزلنا لگينا علا وامها واگفين بالباب سلمنا عليهم ودخلنا
علا : لچ شطالعه تجننين
وسق : انتي تخبلين بالعرس انتي حطيلي مكياج اليوم گوه حطيت
علا : بس يجنن
وسق : محح
علا : حمزه محاچاچ اليوم
وسق : اي حاچاني الصبح
علا : سأل عليه ؟
وسق : لاا
أنت تقرأ
خلقت لك 💗🔏
Romantikتروي القصه حكايه فتاه تفقد اهلها في ليله وضحاها ، فـ تحدث سلسله من الاحداث التي تمر بها هذه الفتاه لـ تعتمد على نفسها وهي وحيده وعاجزه بلا مؤى ولا سكن ولا سند ... 🥀
