#البارت_الـ 26
هيثم : اهوووو شحجانييي
سيف : لزمته من قميصه ، شهد شجابها بالنص هيثم ؟؟؟
هيثم : وخرت ايده ، روح حل عالسالفه ويـه حبيبتك مو ويايه
علا : هيثم احجي وفضنا شكوو تره بهذلتونا وبهذلتوا البنيه ويانه حرام عليكم
هيثم : شهالدراما هي شهد تغار من وسق فـ طشت السالفه مال شغلها بالجامعه حته تضوجها وطبعاً ضافت على السالفه رتوش ورادت اساعدها ومقبلت لان معايزني مشاكل ويـه امي وخالتي
سيف : حسابي وياك بـعـدين لان ضميت هالسالفه ، عفتهم ورحت للقسم ادور على شهد وحمزه يركض ورايه خاف اسوي شي لان فورت اليطخني اذبحه
حمزه : سيف سيف تـعـال يمعود
سيف : عوفني حمزه
حمزه : بس اهدا لتسوي شي تندم عليه
سيف : حمزه روح اني اتصرف
حمزه : سيف
سيف : عطت بيه ، حمزه داكلك روحح
حمزه : تمام رايح بس على كيفك
سيف : هزيت راسي ورحت ادور عليها لكيتها واكفه ويـه صديقاتها تبجي ، شهد
شهد : ابتسمت ، سيفف
سيف : تعاي داحجي وياج ، عفتها ووكفت بعيد اجتي ورايه
شهد : سيف حبيبي سامحتني مو
سيف : اسامحج !! لج انتي شلون حبيتج مداعرفج والله شهالحقاره الانتي بيها تحجين ؏ البنيه وتشوهين سمعتها لج شنو انتي
شهد : سيف شدتحجي
سيف : سوي روحج متدرين ! شهد اني ميشرفني وحده مثلج تصير حبيبتي علاقتنا انتهت وبعد اذا تدخلتي بيه او بـ احد يخصني والله احجي ويـه امج هي تتصرف ، عفتها ومشيت وهي تصيح عليه مجاوبتها رجعت يم السياره لكيتهم واكفين وحمزه يهدي بـ وسق وعلا مبين عصبيه ودتعيط
حمزه : ها شسويت
سيف : سويت اللازم يصير
علا : عفتها !
سيف : هزيت راسي
علا : احسن
حمزه : باوعت على علا حسيتها فرحت نعصر گلبي والغيره كتلتني يمكن ساعتها من گد النار البصدري ردت اكتل سيف اخذت نفس واستغفرت بـ داخلي ، وسق ليش متجين اليوم يمنا ترتاحين !
وسق : لاا خاله ماكدر اعوفها لوحدها
سيف : اذا ترتاحين روحي اني ادبرها ويـه امي اليوم
علا : ايي ھسه اني ارجع ويـه سيف احضر الغده والعشه جيبوا لفات والبيت اصلاً نضيف ها اها روحي غيري جو
أنت تقرأ
خلقت لك 💗🔏
Romanceتروي القصه حكايه فتاه تفقد اهلها في ليله وضحاها ، فـ تحدث سلسله من الاحداث التي تمر بها هذه الفتاه لـ تعتمد على نفسها وهي وحيده وعاجزه بلا مؤى ولا سكن ولا سند ... 🥀
