خلقت لك 💗🔏

البارت الثامن 💗

#البارت_الثامن

سيف : شوف اني گوه متحملك وربي هسه احطك وادگك دگه ومحد يهدك مني

هيثم : ولك المن تكتل مو هسه اشرحك والله احترم نفسكك

علا : من گام سيف ولحگه هيثم عرفت حتصير مشكله كل مينجمعون تگب العيطه ضليت مراقبتهم من حسيت حيتعاركون رحت اركض ، العشه حيوصل تعالوا

سيف : هالمره حسكتلك بس عيدها وشوف شيصير ، عفته ومشيت ويه علا واني مفور من اسلوبه مدري علا شلون اخت هيثم وبنت سلام الحمدلله طلعت على خالتي مو على عمامها واخوها

وسق : طبعاً من اجه سيف مبين معصب الضاهر صاير خلاف بينه وبين ابن خالته مبين من كلامه من دنطلع اكو مشكله بينهم صار عندي فضول سألت حمزه ، اكلك حمزه

حمزه : ها

وسق : شكو بين سيف وابن خالته صار عندي فضول من طلعنه جان ضايج منه وهسه هم بينهم نضرات مدري شلونها متعرف شكو بينهم

حمزه : يووو سالفه طويله باعي هيثم اصلاً ابو بنات وسوالفه مكسره فول على ابوه ماشاء الله فـ سيف يضوج منه بس مچان بينهم شي علاقتهم طبيعيه بس اشو من دخلنا كليه هذا تخبل على سيف يوميه يسوي مشكله بدون سبب وصار بينهم خلافات قويه فـ خربت علاقتهم بالزايد

وسق : اهااا الله يهدي النفوس ، طبعاً چنه گاعدين اني وعلا نسولف ، سيف وحمزه وهيثم على تلفوناتهم ، وام سيف وام علا وخاله اسراء يسولفون ، وعمو كريم وابو علا هم يسولفون لحد مااجه الاكل الولد وعلا صوروا حته ينشروه وراها بدينا ناكل اني مچان الي واهس بس علا عينها على لگمتي كل مااوگف عن الاكل تخليني اكمل اكلي

علا : صدك قبل لا انسه عندج انستكرام مو

وسق : اي

علا : اي حته امنشنلج بالاكل

وسق : ماشي

حمزه : اني انشر وامنشنلكم كلكم انطيني حسابج

علا : اوكي من اخلص ذكرني

وسق : خلصنا اكل وغسلنا واجوي شالوا الاكل وراها جابوا الكيك وطگوا طگطاگات بالجو باوعت على الكيك شفت كاتبين اسمي كلش فرحت ودمعت عيوني

علا : مبروك علينا الكليه

وسق : ابتسمتلها

ام سيف : يلا گصوا الكيك سوه

وسق : باوعت على علا ، اني ماعرف

علا : ولا اني يلا شلون مچان لزمت ايدها ولزمنا السچينه وگصيناها والولد يصورون والبقيه يصفگون

اسراء : الفف مبروك حبيباتي وهسه وقت الهديه

وسق : كلفتي نفسچ خاله

اسراء : لا شلون انطيت ضرف لـ علا بيه فلوس عيب اجيب بس لـ وسق وراها طلعت گلاده ذهب ولبستهيا