#البارت_الـ 11
وسق : فتحت عيني بـالمستشفى ، شكو شصار
سيف : خوفتينا عليچ يمعودة
علا : ها گعدت ولچ حقيره شصار بيه
وسق : شكو شصار
علا : والله واگفه بالطرمه داتعارك ويه هيثم لگيت سيف يركض بيچ وانتي لا حس ولا نفس جبناچ لهنا
سيف : خلي اروح اصيح الدكتور
وسق : اووي راسي يوجعني
علا : وسق اسفه على كلام هيثم بس هو هذا هيثم ماعنده اسلوب
وسق : لا عادي حبيبي ومگال شي غلط اصلاً
علا : وسق انچبي وبلا هالكلام
وسق : سكتت واحس اريد ابچي من وجع راسي شويه واجه سيف ووياه دكتور فحصني وسال الممرضه عن حالتي
سيف : بشر دكتور خما اكو شي
الدكتور : لالا بسيطه تحاليلها سليمه بس اعتقد السبب نفسي ، صايرتلج هاي الحاله مال اغماء قبل ؟
وسق : اي قبل شهرين تقريباً
علا : والبارحه هم ! وخزرتها
سيف : شنو البارحه شوكت ؟؟؟
وسق : اشرتله بـمعنى بعدين
الدكتور : يعني قبلها تعانين من الم جسدي أم شي نفسي ؟
وسق : لاا ماعاني من شي
علا : دكتور عامل نفسي
الدكتور : تمام فحوصاتج مابيها شي وهالاغماء بسبب نفسيتها ولكن جسمها ومناعتها ضعيفه وديسهل الاغماء فـ انتبهوا على تغذيتها جداً وايضاً حالتها النفسيه كلش مهمه
وسق : زين راسي ليش يوجعني دكتور
الدكتور : احتمال وكعتي على راسج حنطيج علاج مسكن
سيف : انشاء الله تسلم دكتور ، شصاير البارحه وحده تفهمني ؟؟
وسق : ماكو شي سيف دخت وتخربطت ولان وكعت كدام العالم استحيت وبجيت هذا كل ما في الموضوع ومردت اقلقكم
سيف : انتيي انتي ولا مرتاحلج الله كريم يلا تگدرين تگومين لو نبقه شويه
وسق : لا خلي نرجع اختنگ من المستشفيات
سيف : يلا گومي سنديها ويايه علا
علا : يلا
وسق : سندوني ومشينا للسياره الدنيا مغرب صايره المهم صعدني وراح جاب العلاج ورجعنا والطريق كله يدردم عليه
علا : يمعود البنيه راسها يوجعها كافي كلتلك مردنا نقلقكم اهدأ عاد المهم مابيها شي
سيف : انتي سكتي حاقد عليج وعلى عائلتچ
أنت تقرأ
خلقت لك 💗🔏
Romanceتروي القصه حكايه فتاه تفقد اهلها في ليله وضحاها ، فـ تحدث سلسله من الاحداث التي تمر بها هذه الفتاه لـ تعتمد على نفسها وهي وحيده وعاجزه بلا مؤى ولا سكن ولا سند ... 🥀
