#البارت_الرابع
وسق : طبيت لـ غرفتي وقفلت الباب وكعدت ابچي وين اروح وين يربيي وين تاليتي اطلع بالشارع والناس تنهش بيه شسوي بـ روحي اني يارب صبرك لو تاخذني يم اهلي لو لتخليني عبئ على احد ودليني دربي ، طبيت للحمام لگيت المي اجه توضيت وكعدت اقره قرآن وابچي مدتحمل ليش الحياه بدون اهل وسند هيج صعبه ؟ كملت وضليت على السجاده ادعي هدأت شويه لميت السجاده وصفنت ويه نفسي اني وين تاليتي كلام عمو كريم صح اني غريبه والبيت بيه ولد وكلشي يصير ياربب شحسوي تمددت ونمت راساً من البچي فزيت على صوت الباب
اسراء : وسق ماما بيج شي
وسق : كمت فتحت الباب ، ها خاله اسفه جنت نايمه
اسراء : شبيها عينج مورمه ولج
وسق : لان بجيت من داصلي وراسا نمت
اسراء : ميصير حبيبتي هالبچي مو زين تاذيهم
وسق : الله كريم
اسراء : يلا غسلي وجهج وتعاي نسوي العشه
وسق : ماشي ، طبيت غسلت واخذت نفس ياربب دليني طريقي رحت للمطبخ لكيتها دتكلب بالتلفون ، ها خاله شسوي
اسراء : مادري هو داسالج شنسوي جان باقي صاج حمزه كل شويه ياكل وحده خلصهن نوب بقه ثنين كال ابقيها الكم اشو اجه صديقه اكلوهن وطلعوا
وسق : هههه والله ماعرف بكيفج
اسراء : ثواني انتي مو تحبين المعكرونه بالبشمل
وسق : اي
اسراء : يلا خنسوي لعد
وسق : هههه صدك شذكرج
اسراء : من جنتي صغيره جنتي مدعبله وتجيني للبيت تركضين هربانه من امج اريد بثمل لاله اريد بثمل عود خاله اريد بشمل
وسق : ههههههه لاله
اسراء : من وانتي صغيره تدخلين الگلب من جيتي مو يجون يباركون لامج يردون ياخذوج وياهم من كد مجنتي محبوبه وتلعبين وتناغين كلنا جنه نحبج
وسق : ههههه بس ماما تكول جنتي وكحه
اسراء : يبووو رب الوكاحه اول مبديتي تحجين مبقيتي احد مرزلتيه وكلسع تكتلين امج جنتي تغارين منها على ابوج
وسق : اخذت نفس ونزلت دموعي
اسراء : اششش لتبجين ترحميلهم حرام البجي ياذيهم
أنت تقرأ
خلقت لك 💗🔏
Roman d'amourتروي القصه حكايه فتاه تفقد اهلها في ليله وضحاها ، فـ تحدث سلسله من الاحداث التي تمر بها هذه الفتاه لـ تعتمد على نفسها وهي وحيده وعاجزه بلا مؤى ولا سكن ولا سند ... 🥀
