#البارت_التاسع
حمزه : بس اوگفن ديحمل
وسق : اهووو يارببب
ام سيف : اهدن يوم اني گلبي بارد انشاء الله جامعه بغداد
علا : هي الجامعه مو مهمه المهم سوه
وسق : اي والله
سيف : الله يرحم الههه بغداد
علا : بس اكرمني بسكوتك سيف
حمزه : اييييييه حمل ، ثنينچن بغداد
علا : عاااااااا
وسق : ايييييهههه حضنتها وگمنا نگمز من الفرح
سيف : زين حته مسألتوا على الكليه ؟
وسق : عزا اي صدك يا كليه ؟؟
سيف : هههه قانون قانون كملوا فرحتكم
علا : خبيثثث خبيث ، حضنتها وكملنا فرحتنا صدگ وسق بـهالفتره القصيره صارت كلش قريبه عليه بـرغم عندي صديقات من المدرسه بس مو قريبات عليه بگد وسق
ام سيف : الف مبروك يمه يوم تخرجكم
وسق ، علا : تسلمين خاله
وسق : علا باتي يمنا اليوم
علا : اييي ياريت خاله قنعي ماما ابات حبابه حبابه
ام سيف : ماشي هسه ادگ عليها
علا : هيييي
حمزه : حتوگعين كافي تگمزين
علا : طبعاً سبحان الله انتوا الاثنين اثبتوا مقوله الطيور على اشكالها تقع
سيف : هههههه او احتمال انتي طفله والكل يعرف بيچ طفله فـ الكل يعيب عليچ
علا : سيففف
سيف : سكتنا عمي سكتنا
وسق : هههههه كافي عوفوها شبيكم وياها
حمزه : منو يشهد للعروسه ، خرب نسيت اگول لامي گالت طمني يلا اترخص اني
وسق : اني هم گلتلي حروح ادگ عليها
حمزه : ماشي وهم اتفقي وياها حته تروحون تشترون ملابس للكليه
ام سيف : خوب خلي سيف ياخذها ويه علا ليش امك تتعب نفسها
علا : اي صحيح
حمزه : ماعرف اشوف شلون نرهمها الله كريم يلا مع سلامه
وسق : بيباي ، رحت بشرت خاله اسراء وكلش فرحت وحجينا شويه وراها رحنا اني وعلا نسوي عشا وكلش متونسات بـ رغم جنت محتاجه اهلي بس علا مخلتني ابچي او انقهر وگلتلي فرحي حته يفرحون وحفزتني كالعاده گعدنا نتعشه ونسولف ونضحك تعودت على البيت وفعلاً گمت ماحس بيه بـغربه حته ويه سيف علاقتنا زينه مو مثل اول ما اجيت ، كملنا عشه وسيف راح جابلنا حلويات وكرزات وعلا اخذت اللابتوب مالته وطبينا اني وياها للغرفه نتفرج فلم وناكل خلص الفلم وگعدنا نسولف
أنت تقرأ
خلقت لك 💗🔏
Romanceتروي القصه حكايه فتاه تفقد اهلها في ليله وضحاها ، فـ تحدث سلسله من الاحداث التي تمر بها هذه الفتاه لـ تعتمد على نفسها وهي وحيده وعاجزه بلا مؤى ولا سكن ولا سند ... 🥀
