#البارت_الـ 15
حمزه : ضليت صافن عليها بهالحاله انقهر على گلبي الحبها لو على گلبها الـ حب احد ميحبها ضليت صافن عافتني ومشت مشيت وراها وداحاول استوعب الديصير وصلنا للجامعه كعدت على المسطبه كعدت بصفها ، من شوكت تحبيه ؟
علا : من چنت صغيرهه
حمزه : ليش منسيتيه حيزوج
علا : ماگدر ماگدر مو بيدي ماتحمل حب طفولتي يروح لغيري وهالفكره باقيه بگلبي دتمنعني انساه
حمزه : متحملت كلامها عفتها وگمت صعدت بالسياره وطلعت ضليت افتر وافكر بكلامها ، خليني اعرفكم على نفسي قبل لا اكمل اني حمزه عمري 26 سنه مرحله رابعه صيدله طبعاً راسب هوايه المفروض متخرج حالياً المهم عايش ويه امي ( مدرسه انگليزي بس من اجينا لـ بغداد بطلت وگعدت ) وابويه ( قائد فرقه بالجيش ) واختي طبيبه بس تزوجت وسافرت بالخارج وعدها بنيه وحده ، اني طول عمري محبيت ولا حته سويت علاقات اخاف على اختي حياتي طبيعيه بين طلعات ودراسه واصدقائي مابيها شي مهم لحد ما بيوم گاعدين دگت بنت صديقه امي اللي همه جوارينا القديمين وامي راساً گلتلي گوم نلحگ على البنيه طارديها بيت عمتها ضليت صافن راساً رحنا جبناها البنيه حالتها تبچي الصخر تعاطفت وياها بـشكل ولخبطت مشاعري حسيت نفسي مسؤل عليها بحيث من اهلي رادوا يدخلوها قسم داخلي رفضت وفعلاً ردت اتزوجها واني احميها بس مو بـ دافع الحب يمكن لان حسيتها مثل اختي وتخيلت رند بـ مكانها وتعاطفت وياها تخربطت مشاعري المهم ومرت الايام تعرفون الاحداث لحد مااجه يوم تعرفت على علا چنت اسمع عنها هواي من سيف بس ابد مشايفها وجهاً لوجه بيوم الشفتها حسيت بـمشاعر غريبه بداخلي اول مره احس بيها ضليت افكر بيها من چانت تتمرجح وتضحك طفوليتها تدخل الگلب ويوم عن يوم قوت علاقتي بيها وحبها يكبر بداخلي لـحد ما اجه اليوم العرفت انـهُ تحب سيف وهنا انصدمت المهم نكمل ...ضليت افتر دايخ اني شلون هسه سيف مستحيل يحبها وهي مستحيل تنسى سيف واني مستحيل انساها ربيي ماعندي غيرك دليني طريقي يارب
علا : ضليت ابچي وحدي اتذكر سيف اله شويه تگعد بحضنه بعد نوب حمزه عافني يربي شسوي هسه اني دخلت للقاعه وضليت اگلب بالملازم وبالي مو يمهم دايخه وحايره احس عقلي مشوش كلش يارب هونها عليه
وسق : گعدت الضهر احس استعدلت يمكن من قله النوم صار بيه هيج گمت لگيت خالتي گاعده
ام سيف : هاي شوكت رجعتي ؟
وسق : تخربطت بالجامعه جنت منايمه زين فـ رجعني سيف
ام سيف : ها وشلونج ھسه حبيبتي
وسق : احسن الحمدلله جنت منايمه
ام سيف : الحمدلله
وسق : لملمت البيت وحضرت الغده شويه ودكت عليه علا ، ها حبيبتي ضجتي بدوني
أنت تقرأ
خلقت لك 💗🔏
Romanceتروي القصه حكايه فتاه تفقد اهلها في ليله وضحاها ، فـ تحدث سلسله من الاحداث التي تمر بها هذه الفتاه لـ تعتمد على نفسها وهي وحيده وعاجزه بلا مؤى ولا سكن ولا سند ... 🥀
