#البارت_الخامس
وسق : شنو ؟
حمزه : تزوجيني واني اكون مسؤل عنچ وهذا يكون بيتچ وممجبوره تطلعين من البيت ولا حته تبقين وتسمعين كلام يضوجج
وسق : حمزه اعرف انت متريدني اتضرر وانت ممجبور تسوي هيج شي اني اريد اعتمد على نفسي بس تسلم
حمزه : وسق علاقتنا حلوه واكو مجال تتحول لـ زواج حقيقي اذا تزوجنا بس ماسمحلج تطلعين من البيت وتشتغلين خدامه بسببي
وسق : صفنت عليه ، حمزه كلامك هسه يخليني اصر على طلعتي من البيت وارجع اكلك شكراً لـ محاولتك ، كمت وعفته وگلبي حينفجر مشاعر ملخبطه اول مره احد يگلي هيچ كلام وخايفه لا احد سمع وفهم غلط كعدت على الچربايه صافنه شلو حقنعهم اطلع من البيت شلون مالگيت غير عمو كريم هو اكيد كلمته مايكررها ويقنعهم نمت وادعي اگعد والگه هذا كله كابوس وبعدني بـحضن اهلي ...
اسراء : صباح الخير
وسق : صباح النور ، اساعدچ بـ شي
اسراء : لا كملت بس حضري الاستكانات
وسق : ماشي ، حضرت الاستكانات واجه حمزه بدون كلام سوه لفه وطلع تنهدت وكملت الميز كعد عمو كريم مبين عرف انـهُ عرفت بـ كلامه بـحيث حته محچه ماعرف استحه مني او ماعنده كلام يگوله المهم كملنا ريوگ بدون كلام ، عمو اگدر احچي وياك
كريم : گولي بنتي
اسراء : وسق اذا تفتحين نفس الموضوع وياه فـ اعرفي اني مقابله
كريم : امشي بنتي للاستقبال
وسق : باوعت لـخاله اسراء ورحت للاستقبال لحگتنا كعدنا
كريم : شوفي بنتي لا عبالچ متعاجز منچ او شي لا والله ابد حالچ حال رند وتدرين من انتي صغيره احبج واعزج بس صدگي مخايف غير عليچ ابني اعرفه متهور وهو ولد مينعاب بس خايف عليچ انتي وانتي بامانتي الله شاهد خايف عليچ
وسق : تسلم عمو ومفتهمتك بدون متشرح وموافقتك الرأي يمكن گلتلك خاله اسراء شـ اريد اسوي ، خاله اني اريد اعتمد على نفسي ووالله اذا مگدرت ارجع وشسوون سوو لان ماعندي غيركم
اسراء : لج ماما شلون ادزج تشتغلين خدامه شلون يرتاح كلبي وانتي مو يمي
وسق : خاله العالم تعرفوهم وبعدين هاي مو خدامه مثل الممرضه مو حمزه كال ام الولد مريضه
اسراء : ماكدر وسق ماكدر كلبي ميطمن عليج هناك
وسق : خاله لازم اعتمد على نفسي لخاطري اسمحيلي بـهالشي وصدگي اي شي يصير اجيج وداعه اهلي اذا مكدرت ارجع
أنت تقرأ
خلقت لك 💗🔏
Romanceتروي القصه حكايه فتاه تفقد اهلها في ليله وضحاها ، فـ تحدث سلسله من الاحداث التي تمر بها هذه الفتاه لـ تعتمد على نفسها وهي وحيده وعاجزه بلا مؤى ولا سكن ولا سند ... 🥀
