لاقيت رقبتي بتحرقني بصيت ف المرايا لاقيت مكتوب اسد علي رقبتي وكانها مختومه...
بدأت اتحسس بروز الاسم وانا جوايا غضب الكون بأي حق يوسمني بأسمه هو عاوز مني ايه وانا لحد امتي هفضل مخبيه جوايا اللي بيحصل ده انا مخنوقه وحاسه اني لازم احكي لماما وبابا .. بقيت رايحه جايه ف اوضتي ذي المجنونه وكل شويه العلامات تحرقني اكتر روحت مصوته بأعلي صوت ومسكت علبه الميكب وبعزم ما فيا خبطتها ف المرايا انشرخت ... وعملت صوت عالي اوي ذي مايكون قنبله بعدها الاوضه اتهزت بيا جامد وقعت ع الارض ضميت رجلي علي صدري وخبيت وشي فيهم من الرعب اللي حسيته ...
الدنيا هديت فجأه ببص لاقيت المرايا رجعت ذي ما كانت بالظبط ولا كأنها اتدمرت اما كسرتها قربت منها لاقيت كلام مكتوب مفهمتوش مكتوب بلون احمر ذي ما يكون دم حروف وارقام ملخبطه ومعكوسه جوه مربعات صغيره مترتبه مش عشوائيه قعدت بصه ع الكتابه يمكن افهم حاجه مفهمتش
فجأه لمعت ف دماغي فكره جريت ع الارض وجيبت مرايا علبه الميكب وقربتها من المرايا .. وضحلي كلمات ايه ده!!! يعني دي كتابه مقلوبه .....
ركزت اكتر كونت جمله ... ايه ده دي مش جمله ده تحذير ...
ناريس... "القرب منه موت محتوم "....
والباقي معرفتش اكونه ....
نزلت علي ركبي والدموع مغرقه عيني .. يااارب نجيني واحميني انا مش عاوزه اكون ف عالم مش بتاعي ومش عاوزه اعرف حاجه معرفهاش .. ومش عاوزه اموت بسبب ماليش ذنب فيه ولا بإديا اهرب منه .....
وعند النقطه دي رجعت بيا ذكري من زمان!!!!
... كنت طفله صغيره وبعرف الاحداث قبل ما تحصل فاكره لما بعت بابا لجارنا يشوفه عشان وقع ولازم يروح المستشفي!!!!! ... ومحدش،كان يعرف انه واقع ف الحمام حتي مراته وولاده اللي معاه فنفس الشقه.... طب انا عرفت اذاي؟!
وفاكره اما قومت مالنوم اعيط عشان جدو مات وقولت لماما مصدقتنيش ... لحد ما الباب خبط وجالنا خبر وفاته.....
وفاكره اما عرفت ان بنت جارتنا نجحت ف الثانويه العامه وكلمت جارتنا قولتلها بنتك نجحت وجابت 95في الميه قبل النتيجه ما تظهر ب3 ايام .....
وفاكره كمان مين كان بيعرفني الكلام ده صوت دايما كان ملازمني جوه ودني ونفسه دايما علي رقبتي ...
ايوه هو صوت اسد..
اسد ملازمني من زمان......
ملازمني وبيحميني ساعات من كوارث كنت بتعرضلها ...
مره كنت ماشيه ومش واخده بالي وكنت هقع ف حفره كبيره وجه شاب لحقني ف آخر لحظه بس كان غريب اوي
وعنيه بتلمع ذي القطط وقالي حصل خير وهو بيبتسم صوته!!!بيرن ف وداني لحد دلوقتي ... صوت اسد...
ومره تانيه كنت فالشارع تحت عماره لسه بتتبني وحجر كبير كان هيقع عليا من ارتفاع لو صابني هيقتلني فالحال لولا الست العجوزه اللي شدتني فحضنها وقعدت تقول الحمد لله بصوت غريب بصيتلها وانا فحضنها ..... غريبه عنيها بتلمع بردو ليه كل الناس اللي بتساعدني عنيها غريبه كده.....
هنا فهمت كلمته اما قالي كنت ليكي الحارس من يوم ما اتولدتي....
اسد ملازمني من زمان....
أنت تقرأ
المرايا (اسطوره ناريس وملك الجان) "رعب" +18
Terrorخلف المرايا خبايا واسرار عالم موازي لعالمنا به غموض وسحر ورعب تجنب تمعن التظر بالمرايا .... قد تكون هناك يد تنتظر لتسحبك بداخلها... #dody
