ادور بدائره مغلقه اظنني ابتعد واركض واكتشف انني عدت الي نقطه البدايه ... كل الطرق تؤدي اليه لا استطيع الفرار ... هل اريد فعلا الفرار؟!. .................... ...................... انتفضت من شرودها مذهوله .... هل معقول انه قرأ افكارها للتو!!!! = قولتلك ان لسه حاجات كتير هتتعلميها وتعرفيها - انت اذاي عرفت انا بفكر في ايه!!! = انا اعرف حاجات كتير تانيه .. مثلا ان اقدر اخضعك ليا وتعملي كل اللي اطلبه منك بس انا مش عاوز كده .. انا عايزك تكوني ليا بإرادتك عايزك تحبيني ذي ما انا بحبك وحاربت اهلي وعشيرتي عشان افوز بيكي وتكوني ليا .. - انت حاربت عشاني انا؟! ليه انا ؟! اقترب منها اكثر وعيناه مثبته بعيناها يدقق بتفاصيل وجهها المحبب لقلبه يتلمس شعرها بحريه وكأنه يملك كل الوقت اصابعه لامست خدها مستشعرا رعشتها تحت يديه ..... = لأنك مختلفه ناريس من اول ما جيتي الدنيا انجذبت ليكي ريحتك ... هالتك ... عنيكي .... برائتك.... اتكتبتي علي اسمي وسمتك ليا ومستعد اخسر حياتي عشانك بس متضيعيش مني .... قال كلماته دفعه واحده وهو يحارب شياطينه التي تلح عليه بأخذها الآن ... فليذهب التروي للجحيم يريدها بشده ... يريد ان يروي ظمأ سنين تطلع بشفتيها التي ترتجف كحبات الكرز واقترب منها اكثر يستنشق انفاسها حتي لامس شفتيها بشفتيه يقبلها قبله مترويه هادئه ارتجف من خلالها قلبهما سويا ... اما عنها وكأن توقف العالم بتلك اللحظه كان عقلها بين صراعين ان تستسلم لسحر اللحظه ولو للحظات او ان تبعده لانه لايحق له لمسها!
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
امتدت اصابعها تلامس ذقنه بنيه ابعاده برفق دون اغضابه .... ولكن ما ان لامسته وجدت نفسها تغوص بدوامه مشاعر لم تختبرها من قبل ... ولا تدري ان بتلك اللحظه انطلقت شراره جديده لم تختبرها ايضا من قبل حين نظر لها بغموض مبتعدا عنها لثواني وقبل ان يقترب منها مره اخري ابعدته بيديها علي صدره - ارجوك متقربش مني بالشكل ده تاني = كرهتي قربي منك ؟! - مش موضوع كرهت بس مينفعش انت مش صح تلمسني كده حرام = حرام ؟! انتي مرااتي!! - مراتك اذاي انا مش مقتنعه باللي انت بتقوله ده لو قعدت تقنعني من هنا لبكره = عموما هسيبك لحد ما تسألي باباكي بس جدعنه مني هعرفك قد ايه قربي منك هيقويكي ويخليكي تكتشفي نفسك - مش فاهمه تقصد ايه = اقصد ان قدراتك اتطورت بشكل انا مش مستوعبه ولسوء حظي مخك عمل حجاب لأفكارك ودلوقت انا مش عارف اسمعهم ذي الأول - انت اكيد بتقول كده عشان اقول جوايا حاجات انت نفسك تسمعها.... قالت جملتها الاخيره بلؤم وهي تنظر له تكذبه بينما ضحكاته رجت ارجاء المكان كله واقترب منها مره اخري يقبلها قبله سطحيه لم يتعمق بها..... = ناريس ركزي كده كويس جواكي لو عايزه تبعديني عنك هتعملي ايه؟! نظرت له بإستغراب ووجدت نفسها وكأن طاقه تحركها بداخلها تريد الظهور لا تعرف ماهيه شعورها بالضبط ولكن شئ بداخلها يريد الظهور تتبعته مغمضه العينين ويديها ترتفع بهدوء لتكون هاله من ضوء حولها
