وجريت اخبط ع المرايا عاوزه ارجع معرفتش انهارت وجسمي اتنفض والرعب ملي قلبي لحد ما ..... سمعت صوت ورايا بيقولي اهدي متخافيش طول مانتي مبتحكيش،اللي بتشوفيه وهتشوفيه عليكي الامان🙂 رجعت بضهري لورا وانا لازقه ف المرايا وبهز راسي بطريقه هيستيريه وبقوله مش هتكلم ابدا .. ركزت ف شكله لاقيته بيبتسملي وعليه علامات الرضا شكله كان غريب اوي راس اسد بس عيونه حمرا وجسم انسان بس ضخم جدا وراه كانت مراته شكله بس،من غير شعر بتبصلي بكره معرفش،ليه بصيتلها بارتباك وبان عليا الخوف لاحظ هو رعبي بصلها ينهيها عن تخويفي راحت بصه للارض ونفذت فورا بعدها قرب مني ومد لي ايده وقالي انا اسد اسمي ف العالم بتاعي الاسد الغضوب انا ملك للعشائر والقبائل واحده واحده هتعرفي اساميهم ...
بلعت ريقي وانا بصه لايده قلبي دقاته مسموعه . عماله اكلم نفسي واردد جوايا انتي بتحلمي كل ده مش حقيقي هتصحي دلوقتي .. وهو باصصلي بنفس الابتسامه ومستني امد ايدي وانا بس بصالها ... وفجأه راح ماسكني من معصمي جاااامد وقربني للمرايا وقالي بصي كويس انتي ف حقيقه مش مجرد حلم اللحظه دي تملكني رعب عمري فحياتي ما حسيته نظراته تاكيده انه حقيقه حاسه بنفسه سخن نار بتحرق رقبتي مقرب مني لدرجه خطر ملامحه مرعبه عنيه جواها غضب يحرق الكون معرفش ليه لحد ما اتقابلت عيني بعنيه ف المرايا وكاني انسحبت ليه روحي بتنسحب مش قادره اتنفس بقيت اسيره لنظرته وغضبه خايفه حتي ابعد عيني عنه فاللحظه دي جسمي كله بيترعش وقتها بس راح زقني ناحيتها دخلت جواها تاني فجأه فتحت عيني .. قعدت ابص حواليا كتير لاقيتني ف اوضتي جمب الحيطه ذي قبل ما انام بالظبط حمدت ربنا وقومت جري اشرب مايه بمد ايدي اجيب الكوبايه لاقيت خمس صوابع معلمه ف ايديا مكان لما مسكني بالظبط.....
يتبع....
#dody
أنت تقرأ
المرايا (اسطوره ناريس وملك الجان) "رعب" +18
Hororخلف المرايا خبايا واسرار عالم موازي لعالمنا به غموض وسحر ورعب تجنب تمعن التظر بالمرايا .... قد تكون هناك يد تنتظر لتسحبك بداخلها... #dody
