تملك الحبيب

البارت الثاني

للكاتبه الورده الشمريه.

طلعت من الحمام ورحت كعدت يم امي دغيتها وكتلها.
... يلا ماما شوكت نروح اريد ارجع 
... شعليه يا امي غير ابوج واخوانج يكولون قابل اني اكللهم بعدين شعدج ضايجه كعدي ويه بنات عمج 
... ما معليه اني اريد ارجع كليله لابويه 
... هسه اكله انتضري سبيتيني غير لو اعرف شبيج 
راحت شويه  وجا ابويه كال يلا حضروا نفسكم هم يلا نرجع للبيت جلبوا بينه على العشا بس ابويه مقبل كال على غير مره.

دنطلع واشوف وسام وجهه ميكصه السيف سلم وكال وين ضلوا على العشا ابويه كله هم يلا 
ضل يباوع عليه وخزرني يما ردت اوكع بمكاني والله من الخوف صعدت بالسياره وصلنا سجى لبيتها ورجعنا لبيتنا اول موصلنا رحت صعدت لغرفتي كتلها لامي 
.... ماما عفيه تعبت حصعد انام لتكعديني على العشا 
... روحي ماما مبينه تعبانه 
صعدت بدلت ملابسي ونمت ويييين وحسيت على موبايلي يدك شفته رقم غريب مرديت خفت يطلع عمر( السايق ) بعدين وصلت رساله مكتوب ( ردي على الخط اني وسام ) عزززا بس شفت الرساله متت خوف. اتصل مره ثانيه ورديت 
... ءء الوو
....اي ام المصايب نهزمتي مو عبالج اذا طلعتي من البيت ما الزمج والله لو طالع غير الكلام وعندج علاقه بيه جان موتج تصير على ايدي.
.... هاي شبيك كتلك اني ماعندي شي ومعليه هو الي دز رساله واصلا حضرته بس هو دز من غير رقم بعدين اني اعرف الصح من الغلط لا عبالك صغيره.
..... ايي مبينه جبيره من لعبج ويه الجهال بالحديقه 
.... شنو قصدك بعدين شنو معناتها هسه متصل عليه بهلوقت اذا سمعوني اخوتي شيسوون بيه.
... شيسوون قابل ابن عمج وديحجي وياج قابل غريب بعدين كوليلي بالله شوكت النتائج
... مادري والله يمكن بعد اسبوعين ليش تسأل هلسؤال.
... مو وكتها بعدين تعرفين يلا هسه نامي 
هو انت خليت بيها نومه 
... اوك تصبح على خير
سده  عزا حتى مردلي اوييي وليرد شسوي بيه قابل.
بعد اسبوعين علنوا النتائج

لج ماما گلبي حيوكف كلش خايفه دشوفي امير بلكت  يطلعها اليه 
شويه وندكت الباب جا وسام وبيده الموبايل مطلع النتائج كلي الف مبروك ناجحه معدلج ٨٧ 
من الفرررحه كمزت عليه وحضنته واني اكله
.. صدك وسام الله عليك  
.... لج اييي شوفي هاي درجاتج شوفيهن.
اخذت من ايده الموبايل وشفت درجاتي عززه طرت من الفرح ودورت درجات ريهام معدلها ٨٣ صعدت راسا اخابرها وابشرها شويه حجيت وياها نزلت عبالي طالع وسام فنزلت اغني واركص.
مبروك مبروك يحياه البي مبروك  
هلا هلا ردح ردح للكع لبين ما انتبه اخواني ووسام واكفين وصافنين من الفشله بعد شويه وابجي 
اشوف وسام منصي راسه ومبتسم 
رحت شبكت امي وباركتلي وابوس بيها ههههه وكمدا على ابويه وبوسته وباركلي واخواني هم مخليت واخذ يعتب عليه حتى ردت اطلع للجوارين ههههه.
شوويه شوية واذكر اني حضنته لوساام
كمززت بينهم واني اعيططط  
.... عااااااااا اني حضنت وسااااااام. 
هم طكوها بضحكه ووسام خجل ونصى راسه 
... خرب بليسج لج ماما اسكتي خجلتي الولد  
سكتتت بس صدك فشلت وهسه كملتها   امي كالت على هاي الفرحه باجر نعزم بيت عمامج ونلتم.
وسام ترخص وطلع كال عندي شغل وامي بدت تحضر من هسه لباجر واني صعدت احضر غراض لباجر اشوف شالبس خابرت على حلا وكتلها 
.... هلاووو زوجه اخي العزيزه كيف الحال.
... ههههه خبالل عمي الف مبررروك يوم القبول الزين 
... الله يبارك بيج عمري اكول حلا خلي نطلع للسوك نشتري شويه غراض كلشي ماعندي 
... لج تشترين وتصيحين كلشي ماعندي بس هم صدك يرادلنا طلعه للسوك
... اوك لعد هسه اشوف حسن بلكت يوصلنا 
... تمام انتضر رد منج.

نزلت وكتله حسن حبيبي اريد اروح للسوك حباب ويايه حلا هم واغمزله راسا ضربني على راسي☹️
.... هاي شبيك ليش هيج والله محتاجه غراض واباوعله بتوسل.
.... ميخالف عود العصر اوديجن  روحي هسه عاوني امي 
.. تمام يا احلى اخ 
عفته ويصيح ورايه مصالح عمي مصالح هههههه

ساعدت امي بالشغل وصعدت داحضر نفسي للسوك 
رحنا مرينا على حلا وطلعت صعدت ليوره وحسن وجه المرايه عليها خطيه هي من الخجل تحير وين تريد تضم نفسها واني كلسع واسوي احم احم احم احم اخر شي كلي ووجع شبيج شجاج ههههههه
نزلنا للسوك اشترينا اشكاااال والوان عجبني فستان شتريته لباجر البسه ورحنا شترينا ميك اي وعطور فلسنا اهلنا ورجعنا وهو يباوع على الغراض ويصيح اوف اوف شجاجن مشايفات سوك واحنه نضحك 

ودينا حلا لبيت عمي وطلع وسام نزل حسن سلم عليه واني هم سلمت عليه بس هو شنو اول مشافني عصب ادري متكلي شبيك ويايه بس شوفني وطنكر باوع على اخته هم معجبه الوضع 
رجعنا للبيت وصعدت فوك ارتب بالغراض ندك الموبايل 
.... الو ها وسام.
.... شهللبس ولج جم مره محذرج ماريد هيج لبس 
... ها شبيك غير اخويه ويايه بعدين شبي لبسي كلشي مابي.
.... لج اني شكايلج مو كايلج تلبسيين عبايه ولج ليش تفورين دمي.
.... هسه بنات عمي مو كلهن هيج لبسهن ليش الا اني  
... ساره لتفورين اعصابي كتلج تلبسين عبايه تلبسيها لو والله طلعه بعد من الباب ما الج طلعه 
رديت بنتره وعصبيه
.... كتلك ماالبس يعني مالبس عندي ابويه واخوتي هم يحاسبوني.
..... ولج عليمن تنترين اني اعلمج اصبريلي واني اكول انتضر واتحمل بس اني الج.
سده بوجهي شنو يقصد بهلحجي جسمي ضل يرجف  
نزلت على العشا اساعد امي شويه وكل شويه امي تسئلني واني اكللها مابيه شي 

ثاني يوم جوي بيت عمي حسين وبيت عمي عبااس انترس البيت بگلبي الحمدلله بيوتنا كبيره والا وين تكفينا كل هلعوائل بالكعده 
لبست فستان ماروني وخليت هيج الشال على راسي خليت كحله وماسكارا وحمره بلون الشفه كلت اخاف يحجون مابيه حيلهم.
نزلت عليهم وسلمت  شويه وحضرنا الاكل وفرشنا السفره واني اشوف عيون وسام شلون تترقبني لو عليه الا يكسرني ويحبسني عشتوو.
كمت اودي واجيب بالاكل واخلي على السفره واني ادنك جا ورايه وهمس 
... روحي لتجيبين الاكل انتي ولتدنكين
استغفر الله ربي يعني حتى بهاي تدخل ذبيت من ايدي ورجعت للمطبخ هو اسمعه هسه يسولف ويه ولد عمي ويشاقه
كعدنا اكلنا وعلى الاكل كال ابن عمي عباس.
... وسام متكلي شوكت تخطب عمرك ٣٠ شمنتضر
ردتله مرت عمي
... اي والله عمه احجي ويا موتني كل ماحجي ويا يسد الموضوع.
... الله كريم مضل شي ويباوع عليه

من باوع عليه بعد شويه واغص باللكمه .كملوا غده وكمنا نشيل السفره شويه وانفتح موضوع حلا وحسن عاد اتفقوا يحددون المهر اسبوع اليجي 
رحت للمطبخ واشوف وسام وبنت عمي عباس سرى 
دخلت للمطبخ وهي راسا طلعت وعيونها مثل المدمعه اني ضليت اباوع عليها ماحس غير وسام عاط عليه.
.... شبييج هيج صفنتي يلا امشي بدلي ورتبي ويه عمتي. 
باوعتله بنضره متعجبني  عفته وصعدت لبست تراك مستور مابيه حيل صياحهم وشال ونزلت رتبت المطبخ متتت احس شويه وينكسر ضهري من الماعين جتي سرى تسوي جاي دتاخذ مي ودفعتني.
.... يا هاي شبيج سرى اذيتيني
.... مدشوفين دسوي جاي وخري شويه
... يا شجااج سرى ردتي توكعيني
اخذت مي ومردتلي يا هاي شجاها خبال اي والله 
صعدت لغرفتي فتحت الباب وما شوف الا وسام بغرفتي وبيده ثوبي هو فز من شافني
.... ءء ء هاي شدتسوي بغرفتي
... هااا لا بس ردت اشوفج عبالي انتي هنا.
.. ليش مو كدامك اني جنت بالمطبخ.
ضل صافن عليه شويه ودفعني على الحايط ودنك عليه يهمس
.. بعد ماتحمل سااااره ميييت بيج حسي بيه وكبري