تملك الحبيب

البارت السابع

رحنا للحفله جان الجووو يجنن مجتمعين كل عماامي واهل ام وسام هم كلهم جاايين جا الشيخ وعقدلهم بس كالت
نعم انت وكيلي 
النسوووان بدتت بالهلاهل اشوف عمتي ام وسام تبجي وتكول دمووع الفرح عاد راح حسن يم جماعته وبدينا بالركص اني وبنات عمي وسجى شايله ملوكه وتركصها اخر شي تعبت من الركص كعدت وجان تكلي خاله وسام 
... صلووات على النبي كبرانه ساره معرفتج حبيبه
.. حبيبتي خاله اي صار هوايه مشايفتج
.. عمي هنياله الياخذج على هلحسن
ابتسمت بوجها معرفت شردلها كلش خجلت.
عمتي ام وسام ردتلها.
... ياا شبيج خيه هاي وسام خطبها وره حلا وحسن نزوجهم 
... يااا صدقه شو مكلتي واني عبالي اخطبها لعلي ابني.
.. يمعوده ليسمعج شيخلصنا
كمت من يمهن سجى اشرتلي اجي يمها.
.. فدوه ساره ملاك تنحست روحي نيميها فوك.
.. ايي سوده عليه مبينه بس خوما اكو احد فوك.
.. لا يمعوده منو قابل اكو
اخذتها من عدها ورحت للهول نيمتها بس خفت اخليها بالهول خطيه الناس طابه طالعه تروح تكب اخذتها وصعدت فوك فتحت غرفه البنات مسدوده شفت غرفه وسام كلت هو ماكو اكيد طالع خلي انيمها بيها.
فتحت الباب نيمتها على السرير جان تنفتح باب الحمام هو غرفته بداخلها صاير الحمام وبيها هول هم مثل السويت نداريت وشفته كدامي
.. احمم والله مادري انت هنا عبالي بالشغل 
هو واكف وصافن عليه نسيت نفسي اني شلابسه بلا ما احس خليت ايدي على صدري اريد بس استر نفسي. كتله
عفيه وسام لتباوع هسه اخذ ملاك وانزل
لزمني من ايدي وكال
مشايف مثل حسنج راح تموتيني
وسام عفيه اريد انزل عوفني هسه اذا طب احد فجاءه شيكول يروح فكره لبعيد.
راح راسا وقفل الباب هو بس سوه هيج كمت ارجع واكله
هاي شدسوي افتح الباب يلا هسه تفتحها 
— هاي شبيج ساره اهدي اهدي ماسويلج شي بس اريد احجي وياج ملاك حتكعد امشي بالهول نكعد.
باوعتله بتوسل هو جرني من ايدي ورحنا للهول الي بغرفته
— بنيتي لاتخافين مني ائذي نفسي وما اذيج
شويه هدات كتله
— عفيه بس اريد شي شال اي شي اغطي جسمي ممرتاحه هيج.
ماشي هسه اجيبلج يشماغ من عندي.
راح طلعلي يشماغ ونطانيا لفيته على ايدي وكام يحجي.
.. ساره تعرفين وره حسن وحلا احنه يعقدلنا.
بس كال هيج راسا طنبرت هو تنهد وكال
- ساره ليش هيج تصرفين ويايه انطيني فرصه علاقل احجيلي هسه مادام هوسه ومحد منتبه
.. وسام مادري شكلك بس طبعك وو عصبيتك اوامرك الي متنتهي عليه هذن كلهن يضوجني منك ماكلك اكرهك لا تبقى ابن عمي بس بنفس الوقت ماحبك افهمني انت غصبتني عليك
اشوف ايده كورها بغضب وكال
- ساره اني وياج اختلف ماكدر اشوفج متبرجه واشوف غيري يشوفج واني اعرف بسوالف الولد فهميني اريد اضمج بمكان ماكو احد بي بس اني وياك واكابلج
من كال اكابلج تخيلت الموقف وضحكت هو ستغرب وكال.
- شبيج شو ضحكين
- لا ابد بس تخيلت الموقف من تكعد تكابلني
ضربني بخفه على راسي وكال
- شكد بارده لخاطر الله اني مشتعل نار وانتي تضحكين
- امممم 
- هسه ها شكلتي انطيني فرصه علاقل جربي 
- ماعرف وسام كلش مشوش عقلي هلفتره من سادس وامتحانات وسوالف القبولات بسالفه الخطوبه والزواج والحب ماعرف متشوش عقلي انت هم على كيفك ويايه
- حقج والله حقج ادري استعجلت جنت ناوي تكملين كليه واخطبج بس من شفت السايق وشكايلج متت مكمت احس بشي بس اكول راح تروح من ايدي مارايد منج كلشي بس فرصه
- تمام بس خلي نكون مثل الاصدقاء.
- ماشي حبيبي براحتج بس اهم شي نعقد وره اسبوع علمود القال والقلت.
- ها ماعرف والله كلشي ممحضره بعدني.
- تلحكين حبي تلحكين
- يلا وسام اريد انزل اخاف يحسون بيه ماكو 
- تعاي اسويلج طريق 
تذكرت هو ليش هنا وكتله
- صدك هو انت ليش هنا ليش مو بره
- لج اسكتي غير جني النسوان على غفله ونحصرت ومنا اني  تعبان راح اخلي ملوكه بحضني وانام 
يلا لعد سويلي طريق.

طلع وشافلي موجود احد لو لا وجان كل احد ماكو  نزلت بسررعه وطبيت بالهول شافتني سرى ودارت وجها. عفتها ومشيت للحفله وشفت ريهام رحت بسرعه عليها وسلمت عليها وعلى اهلها.
- لج وينج شكد دورت بالوجوه عليح.
- صعدت انيم ملوكه بعدين احجيلج 
- هاا مو اكول وين راحت فدوه شكد متوالمين حلا وحسن 
- اي فدوه كلش يلا ولج كومي ركضي ويايه.
كومتها بالكوه ركصنا عما كلنا بس اخر شي دنرجع وكالت سجى وينها ملاك خل نرجع
عزا كلت هسه اذا تصعد وتشوف وسام شتسوي بيه راسا كتلها
اني اجيبها هسه.
صعدت وفتحت الباب على كيفي شفت منضر وسام هو وملوكه يجنن رف كلبي هو حس وكال
- ها شنو حترحون. كتله
اييي جيت اخذ ملاك.
اخذتها وتلامست ايدي على صدره هو راسا غمض واني بسرعه سحبتها بحيث هي راسا فزت وبجت اخذتها وطلعت راسا نطيتها لسجى رحنا للبيت وطول الطريق افكر صح هو موقف بسيط وبسرعه صار بس ماعرف اثر بيه مدري اليوم حسيته هو واحد ثاني بتصرفاته.
وصلنا للبيت وجان المغرب جنا تعبانين سجى بقت يمنا صعدت فوك اغير ملابسي غسلت وبدلت دانزل اسوي عشه ماسمع غير الباب تندك بقووه فتحتها وطلع امير.
ها امير خير شبيك.
جان مبين عليه كلش عصبي بحيث بلكوه متمسك بنفسه كال
- هسه تنطيني رقم صديقتج لو اروحلها للبيت والله .. للحكايه بقيه
@@@@@@
احلى بارت لعيونكم صح كلت توصل ل ٣٠٠ المشاهده يلا تنزل بس متحملت ونزلتلكم
تفاااعل حبايب كلشي ماريد منكم بس تفاعل واني ادللكم بالبارتات والله 😘😊😘😘

احببببببكككككككككككم ❤️❤️