تملك الحبيب

البارت السادس

للكاتبه الورده الشمريه 💜

فتحت المسج كاتبه (صدكي ماخليج تتهنين بي مثل ما اخذتي من عندي ) ضليت فاتحه عيوني من الصدمه مدااصدك معقوله عدهم علاقه لا لا اكيد جان خطبها الها شكو ديخطبني شويه ودك الموبايل شفته هو الي يتصل مفتحت الخط خليته صاامت حسيت نفسي جوعانه نزلت سويتلي لفه جبن وسويت جاي اكلت وصعدت شفت الموبايل ٤ مكالمات فائته اوووو مابيه حيل احجي واتعارك ويا

ثاني يوم اني ناايمه حسيت على صوت الموبايل فتحته بدون ماشوف منو
بعده النوم بيه بحيث بالكوه جاوبت.
... الوو.
.. صح النوم يحلودكيت عليج البارحه مرديتي عذرتج البارحه جان بالنسبه الي احلى يوم بعمري احس حلمي جاي يتحقق

فركت عيوني بيدي وباوعت على الساعه ب ٨ كتله
... تره الساعه ب ٨ مكعدني من وكت
... تعلمي من هسه ماكو نوم يمي
... ليش عود ماكو نوم عيني.
اسمعه ضحكته وهو يكول
... بعدين اكلج ليش متنامين يلا حبيبي صحصحيونزلي اتفقوا حلا وحسن هذا هو بعد يومين يكطعون مهر حضري نفسج العصر اخذج للسوك اخذت الاذن من عمي
هو كال هيج وراسا عطت
.... صددددك اللله عليك اي عفيه هوايه محتاجه انزلل للسوك
... لو ادري هيج تفرحين جان كل يوميا اخذج واوديج للسوك
عزززا صدك شبيه ليشوفني يكول مشايفه سوك ولو اني افقد اذا احد يكلي اطلعج
كتله
لعد خلي انزل جوه لبين ماشوف اهلي شمحتاجين يمج
ردلي وكال
.. الله وياج حبيبي  
سديته وحسيت نفسي مستغربه ليش متعاركت وياه وهو شكد جان هادىء لا عيط ولا رزلني يمكن اول مره نحجي بهدوء

نزلت وصبحت عليهم تريكت شويه وكمت لملمت البيت ورتبته سويت الغده اتصلت على ريهام علمود اعزمها على المهر
... هلاو ياحلو شلونج
.. هلو سارونه بخير وانتي.
.... تمام لج مهر حسن اخويه بعد يومين تعالي معزمه انتي والاهل.
... ياحياتي الف مبروك عقبال الج  واخلص منج
... هو ضليتي تندعين عليه الى ان الله استجباب دعائج 
... هههههههه خرب بليسج لج لساعج ممقتنعه يااختي سايسي ليش دتعاندين وميفيدج العناد.
.. مادري ولج ريهام خايفه صدك مكتلج البارحه سرى دزتلي مسج كلتلي ماخليج تتهنين بي مثل ما اخذتي مني معرفت شردلها اصلا حتى اله مكتله كلت اشوفه وجها لوجه واكله

.... ياااعزه بعينها شتحس هاي عيني عينك وتكول هيج لو ما بت عمج هي مو شفتي دكلج نصهن غيرانات منج 
... اني هم تفاجئت اعرف هي مطيقني بس متوصل لهلمواصيل.
يلا حبيبتي خلي اروح ديصيحوني اهلي اصب الغده.
... باي عمري 
سديته منها ونزلت صبيت وصحتهم تغدينا وهم نفس الحال غسلت ماعين الغده وصعدت اخذت قيلوله وكعدت ب ٣ حضرت نفسي لبست بنطرون وقميص ابيض وشيله وبوتين ونزلت انتضرته تقريبا ربع ساعه وجا سلم علينا بس روحه مطايقها هو جان لابس بنطرون وقميص اسود فاتح دكمتين من فوك 
طلعنا بالطرمه وكلي.
.. ساره متكليلي شنو هذا اللبس يعني مكدرت كلشي احجي كدام ابووج تعرفيني مارضى بهللبس 
.. يعننني بدينا هاي اولها هيج ترزلني خلي ارجع احسلي وامير يوديني
هستوني دا ارجع وسحبني من ايدي
..لج شلون تعوفيني وتمشين شوفي ولج هاي اخر مره
مشيت بهمه وصعدت بالسياره وطبكت الباب قوي
اسمعه يكول
... فدوه الج هي وصاحبها.
استغفرالله شلون يستفزني
فتح اغنيه رياض احمد
احبك ليش ليش ليش ماردي
وهو يغني وياها ومنطلق
وصلنا اول شي رحت للمول دخلنا على محل فساتين   نصه يمي وكال
... هاا عجبج شي
.. لا محسيت اكو شي حلو يوالمني
... امشي اوديج لغير مجمع رحنا ودخلنا واشوفهم يسلمون عليه  بعدين جا يمي كتله مين تعرفهم.  هو يبتسم
.. مرديتلي
... هذا مجمع تابع الي حبيبتي
... الله عليك يعني هذا كله الك منيلك فلوس وشتريته
هو احس كوه كاتم ضحكته بطبعه ميضحك بالشارع.
... عينج عينج ولج هذا كله الج ولعيونج محد يدري بس انتي مو تكولين مكال

... باوعتله صفح وكتله تره منحسد
باوعلي وكال
... ليش حبيبي تكولين هيج روحي ومالي كله جوه رجليج بس هذا فاتحه بعيد عن المعامل اذا دروا ولد عمي هسه يكولون ليش مكتلنه ونصير شركاء ردت شي خاص بيه
سكتت حقه واني اعرف بولد عشيرتنا راسا يحجون هيج دخلني لمحل ضليت صافنه على بضاعته كلش حلوات عيني جتي على فستان احمررر عدددل على طول رجلي وبي فتحه  من الضهر هم فتحه شفته واشرتله عليه هو بس شافه رفع حواجبه واشرلي براسه بمعنى لا رحت يمه وتقربت ضليت اتوسله
... حبااب وساام والله عجبني ضل بنفسي.
... كتلج لتحاولين مستحيل يعني مستحيل.
... عفي
.. اششش ساره كلت لا يعني لا.
.. ولا تتغير.
باوعلي بنضره لو النضرات تكتل جان موتتني بساعتها
طلعت من المحل واني اكله ماريد اريد ارجع للبيت شكو جايبني اذا ياهو الشي اليعجبني متقبل عليه
...  انتي مسجله باسمي ماريد لا مره ولا رجال يشوفون شي منج افتهمتي يلا هسه امشي اختاريلح واحد بي خير.
مشيت وشفت واحد لابسته المليكانه  فستان اسود مخصر ومن جوه ينزل عريض كتله هذا حلو مستر لتكول لا عفيه.
... ولو ايدج تطلع بس يلا امري لله امشينا نشوفه
... رحنه وعامل عليه كله ب ١٥٠.
.. يا وسام عرفه ماريد.
.. اذا الج ماصرف عليمن اصرف لعد امشي واسكتي.
عززه طرت من الفرح  اخذنا ورحنا لمحل احذيه اخذت حذاء احمر كعب 👠 واخذت ميكاجات وعطورات بالمختصر قطيته قط وهو الممنون 😂😂

باوعلي وكال.
... ها متعبتي تجين نشرب عصاير
... تمام يلا اني هم كلش تعبت 
... كعدنا شربنا اثناء مدااشرب كلت خلي اكله على سرى
.... وساام
... عيونه.
... ذاك اليوم من جيتوا خطبتوني سرى دزتلي مسج شوفته المسج وهو فرك وجهه بيده.
... ساره هي هم بت عمي وشرفي اكثر ممن مره تحجي ويايه ومره دزتلي رساله بس اني ما هاويها هاويج الج ساره عيوني مشافت غيرج والله شتدزلج لتهتمليها واذا تعرضتلج اضطر احجي ويه عمي.
... اممم اني هم حسيتها تحبك.
سكت مردلي. مادري احس كلش ضجت لانه يعرف  بحبها اله لو لانه هي تحبه اووف مادري حرت واحس راسي تشوش
رجعنا وصلني للبيت ونزل كال مستعجل ماكدر ادخل سلميلي على بيت عمي.
دخلت وشفت سجى يمنه بوستها وباركتلي على خطوبتي
بيوم المهر رحت للصالون ويه حلا حبيبتي طلعت اميره خليتها تسويلي شعري تسرحه وتخلي صفح وكلتها مكياج اريد هادىء وحمره قويه سوت مثل مكلتلي سجى هم اجت ويانا ومرت سامر هم  خابر امير كال يلا مكملتوا كتله كملنا حبيبي جينه ..... للحكايه بقيه.
@@@@@@@@@
تعليقاتكم تهمني من داشوف هيج التفاعل قليل مديصيرلي واهس اكمل اذا شفت التفاعل لباجر زين انززلكم بارررت طويل لعيونكم وتددلون عليه