تملك الحبيب

البارت الرابع

# تملك الحبيب
للكاتبه الورده الشمريه
دخلت للبيت لكيت امي تروح وتجي واخويه حسن مخبوص وابويه ديخابر ياستار ياربي.
ماما هاي شكو شصاير.
دخل امير وهم يسأل
امي كالت.
مادري يمه بس جا اتصال لابوك من الشغل مادري المعمل محترك وهسه ديتصلون يتأكدون شويه وجا وسام.
عمي هاي سالفه المعمل صدك محترك لازم نروح نشوف وعمال هواي متأذين ماخذيها للمستشفى
راح ابويه ووسام واخوتي ثنينهم عدنا معامل ٢ واحد يمنا بالمحافظه والثاني لا ببغداد فالمعمل الي ببغداد هو المحترك 
قبل ليطلع وسام كال
... اذا تأخرنا وبتنا ببغداد ترحون لبيتنا سمعتي 
اني بس اهزله براسي . عافني وراح
ماما حبيبتي شبيج اهدي ماكو شي ان شت الله هسه مو راحوا ينحل كلشي.
.... يمه مين يجيب ابوج المعمل كلش جبيير صار ضرر هوايه.
... الله كريم ماما خل نتفائل شويه.

ب ١١ بالليل محد جا ولا اتصل ضليت قلقله امي نطيتها مهدء وراحت نامت اخذت تلفوني وطلعت للحديقه اتصل على وسام محد من اخوتي ديرد عليه  ضل يتصل وين يلا جاوب.
.. هاا ساره بيج شي.
.. هلو وسام ضل بالي عليكم شصار 
.. نبات اليوم هنا وباجر اعتقد هم بكل الاحوال راح اخابر سامر يجيكم حضروا نفسكم مو مال تضلون وحدكم
.. ماكو داعي نبقي هنا بعدين امي نامت.
.. مو وكت عنادج ساره حضروا نفسكم كلت راح اتصل على سامر يجيكم يلا باي.
وسده جان كلش مستعجل اني هم كلت علويش دااعاند الوضع مو مال عنادي رحت على امي وكعدتها كتلها حيجي علينا سامر نروح لبيت عمي حسين هي عاد كامت حضرت غراضنا شويه وجا سامر اخذنا جان الكل نايم بس مرت عمي كاعده  محضرتلناغرفه فوك صعدنا ونمنا 

الصبح اسمع سامر يكول يعني شلون شكد يكلف لا ياللله هوايه مين يجيب عمي هلمبلغ الله كريم الله كريم.

طلعت شفتهم كاعدين كلهم كتلهم
صباح الخير.
ردولي رحت كعدت يم حلا 
للضهر رحت صعدت نمت حتى متغديت ملي نفس 
سمعت اصوات نزلت شفتهم جايين مبين عليهم التعببب اسمع ابويه يكله.
.... والله يابه ماعرف شلون اجازيك لو ما انت جان مين اجيب هيج مبلغ عمي رجال ينشد بيك الضهر.
... عمي شتحجي شعدنا غيرك فلوسي كلهن جوه رجليك.

رحت كعدت يم امي همستلها شكو ماما شصاير. 
... الحمدلله ماما وسام تكفل بالتصليح والتعويض والعمال مابيهم شي جروح بسيطه لانه راسا طلعوا.

امي تحجي واني بغير عالم يعني شنو ياربي يعني هسه شيطلب وسام من ابويه اكيد ميرفضله طلب وفشله اذا رفضه هو الوحيد الي تحمل هلمسؤليه 
  ترخصت وصعدت فوك تمددت على الجربايه شويه ماحس الا ندفعت الباب واشوفه وسام راسا كمت هو جرني من ايدي وطببني لغرفته
.. وساام عفيه شدتسويي عوفني هاي شبيك.
.. اشششش بس احجي وياج اعرف ليش صعدتي وهيج نصدمتي اطمئني ساعدته لانه عمي وابوج مو علمود شغلتنا لا عبالج اني نذل لهلدرجه وابتزج علمود الفلوس هذا عمي اول شي.