تملك الحبيب

البارت الثالث

من تقرب عليه ودفعني للحايط احس كلبي حيوكف من الخوف مادري شصارلي ومن نصه يم ركبتي ويهمس ردت امووت ماعرف خوف رهبه اول مره هيج يصير ويايه.
... ا وسام ع ع عفيه شدتسوي  وخر الله يخليك ليجي احد وانفضح
.. ميهمني بعد احد كافي هوايه صبرت عليج ماتحمل بنت عمي انتي واريدج لج ميت بحبج سنين واني انتضرج
من كال اريدج دفعته كل قوتي 
... شدتحجي وشتكول عفيه وخر اني ماريدك انت مثل اخواني.
راسا لزمني من زندي وقربني يمه
... اذا عدتي هاي الحجايه اموتج لا بنت امي ولا بت ابويه علمود اصير اخوج افتهمتي نازل هسه اني وبالليل ادك عليك ياويلج اذا متردين اجيلج للغرفه افتهمتي
عافني ونزل اني من الرهبه الصارت عندي احس ماكدر اسيطر على دموعي شويه وامي صاحلتي
رديتلها من فوك 
.. ها ماما.
تعاي ماما حيرحون بيت عمج تعاي نزلي سلمي عليهم.
بالگوه قويت نفسي ونزلت سلمت عليهم جان هو بينهم مكدرت حتى اباوع عليه طلعوا يلا تنفست

ماما عفيه خابري سجى خلي تجي شعدها 
.. يايمه شتجي ذاك اليوم يمنا رجلها ميرضى
اوف اوف هسه شكو بيها تجي عصريه وتروح.
خليت وصعدت بهمه جبرت نفسي انام بلكت انسى الصار ويايه قبل شويه نمت محسيت غير يصيحوني انزل على العشا نزلت تعشينا وكملنا شلت السفره ونضفت البيت شويه صارت تقريبا بال ١٠ بالليل ودك الموبايل اني شفت الرقم لزمتني الرجفه قويت نفسي ورديت.
... الو وينج صار شكد من داك عليك 
...ااا جنت نايمه 
... شلونج
.. ءء زينه
.. ساره عرفتي اليوم اني رايدج بالحلال انتي عرضي حتى هذا حجي وياج هسه مراضي بي بس شسوي يبنت الناس تعبت واني اشوفج واشوف صدج اليه ليشش.
... وسام عفيه والله بعدني صغيره مو مال هيج سوالف عفيه عوفني
.. لج شعوفج اني شنو ذنبي عمري طك ال٣٠ لبكدي جهالهم بالمدرسه واني منتضرج شوكت تكبرين
... بس اني عندي كليه عفيه عوفني  
قاطعني وكال
هم كالت عوفني لج شعوفج من كل عقلج ميخلصج مني بس الموت بعدين قابل اني مانعج من الكليه تجين يمي وكملي ياعيني
سكتت مرديت.
... ساره وينج الو
.. احم وساام عفيه ماريدك
لج شنو ماريدك لج ليش طلعين اعصابي عليج شوفي ولج اجي قبل يوم من المهر مال حلا وحسن واخطبج اذا وافقتي اعيشج ملكه واخليج بعيوني اما اذا رفضتي اول شي انهي عليج واشوف ابن امه وابو اليتقربلج وثاني شي مانطي حلا لحسن وخلي عنادج يفيدج 
من بين دموعي وشهكتي كتله
.. ليش هيج وسام ليش دتسوي بيه هيج حلا وحسن شعليهم الله يخليك مين طلعتلي بهاي السالفه 
.. فكري زين ساره ماعيد كلامي ها وشوفي المشاكل الحصير بين ابويه وعمي اذا رفضتي
سديت الخط بوجها دز رساله ( تسدين الخط بوجهي سهله بسيطه اني اعلمج).
 
ضليت الليل كله ابجي وافكر ساعه اكول ارفض وشيصير خل يصير واساعه افكر بحلا واخويه حتى ابويه وعمي هم علاقتهم تتأثر من ورايه اووف ياربي شدعيلك ياا وسام 😭😭

كعدت الصبح ونزلت سويت ريوك كعدوا امي وابويه واخواني سئلوني
شبيج هيج من الصباحيات گالبه وجهج
.. لا مابيه شي  بس ما نايمه هوايه كتله لابويه.
بابا حبيبي عادي اروح اليوم على بيت ريهام كلش مشتاقتلها
... ايي بابا عادي بس خل يوصلج واحد من الولد.
امير كال.
.. اني اوصلها يابه
راسا ابتسمت هو انتبه عليه رفعلي حاجبه بمعنى شكو وخزرني عرفت اخويه معجب بيها  هههههه
 

العصر بدلت وطبعا لبست عبايه سلاميه وشال وخليت ميك اب ونزلت  صعدت بالسياره وكتله
.... امووري حبيبي شنو رأيك بريهام
ابتسم وكال 
.. شتقصدين من سؤالج بالله.
... انت تعرف شقصد احم احم تره هي هم انتبهلها تباوعلك من تشوفك
... الله عليج ساره انتي هيج تشوفيها تباوعلي زين اذا اخطبها ترضه
.. وليش مترضى قابل شبيك اشو زينت الرجال انت.
... يعني اقصد على فارق العمر وهي بعدها صغيره
... مادري اسئلها واشوف شيكولون اهلها يقبلون ينطوها بهيج عمر يلا وصلنا باي 👋 
دكيت الباب وطلعتلي امي تلكتني ودخلتني للبيت شفت ريهام حضنتها وواشتم بعطرها
... فددوه شكد مشتااقتلج عاببتتتت
... مو بكدي لج ميته على شوفتج منو جابج
باوعتلها صفح وغمزتلها
... اميررررر
.. هاا اي لعد تعاي كعدي سولفيلي شكو ماكو 
شسولفلج ولج اوف اوف.
.. قلقتيني ولج شكو 
سولفتلها على الصار ويايه ويه وسام
... الله يسااعدج ساره حبيبتي موقف صعب بس شتسوين يعني لو تختارين اهلج لو تختارين نفسج برأي وسام والله مبين زين رجال واهله اهلج وامكانيته زينه انتي هم فكري بي خطيه مادام يحبج والا اذا ميحبج ليش ديسوي هيج.
... ماعرف ريهام والله حرررت من البارحه واليوم من جهه اني كلش صغيره ومن جهه افكر بحلا وحسن اكول حرام اخرب بينهم من ورايه واني ادري اذا فضلت نفسي عليهم ماراح ارتاح لانه اشوف الحب بعيونهم
دخلت امها تقدملنا
.. عيوني عمه شنو هلزحمه
.. غاليه حبيبتي شلونها امج سلميلي عليه
... الحمدلله بخير الله يسلمج يوصل.
عافتنا وطلعت كلتلها
رهومه حبيبتي اذا اجوج خطابه بهيج عمر توافقين
... مادري والله ليش شسمعانه
... امير وصاني اسئلج.
احمرت وخجلت.
.. ما مادري ونصت راسها.
يعني اهلج يوافقون
... اذا قسمه زينه ليش ميوافقون
ابتسمتلها
ضليت كاعده يمها ودك عليه امير كلي اطلعليي يم الباب اني
وصلتني للباب ولبسي عبايه سلم عليها وضل يباوع عليها عاد امها طلعت راسا غير نضرته وسلهم عليها وترخص عاد وصلني للبيت وكتله امير ماعدهم مانع اهلها يزوجوهها هيج عمر 
... الله عليج يعني يقبلون.
... اكيد حبيبي وين يلكون احسن منك.
اشوففف الفرحه بعيونه حيااتي الله يديم محبتهم من زمان حاسه واحد يحب اللخ من ايام الرابع اعداي.....

@@@@@@@@ 
طبعا هاي اول قصه الي اتمنى تعجبكم كتبولي شنو رأيكم بيها وسرد الاحداث شلونه عجبكم لو اغيره صوتولي هم ومتابعه

احبكممممممممممم كووووووومه