مرحبا اسمي ساره عمري ١٨ سنه سادس اعداي عائلتي متكونه من امي وابويه واخوان 2 امير وحسن واخت وحده سجى اكبر مني مزوجه ابن خالتي طبعا اني اصغر وحده بالعائله اخواني اعمارهم بال ٣٠ ابويه من النوع العصبي والمتشدد واخواني هم بس كلش حنان هذا تعريف على عائلتي .........
الام : ماما كعدي حبيبتي عندج دوام تاخرتي هي بس هلسنه يلا ياعيني دكعدي
ساره : ايي ايي ماما كمت كمت بس شويه 5 دقايق واني اكووم حبابه
الام : اني شعليه حصيح امير يكعدج
ساره : لا هذا هو كمت والله
طلعت امي من الغرفه عاد كمت بسررعه مابيه حيل اميرر وصياحه من الصبح غسلت ولبست ملابسي مال مدرسه ونزلت امي صاحتني على الريوك بس اني طبعي ماحب الريوك من الصبح نفسي تكوم تلعب رحت للمدررسه جانت اخر ايام عندي صديقه كلش مقربه منى اسمها ريهام متعلقه بيها هوايه كاعدين اني وياها بنفس الرحله خلص الوكت ورجعنا للبيت اني وياها بيناتنا فرعين طبيت للبيت ولكيت بيت عمي حسين يمنا اوووف يارربي والله تعباانه مابيه حيل لكيت امي بالمطبخ.
الام : ماما تعاي حبيبتي روحي بدلي وتعاي اكلي
ساره : ماما مابيه حيل عفيه تعباانه اريد انام اكلت بالمدرسه
الام : عيب ماما طبي سلمي على بيت عمج وتعالي عاونيني يلا حبيبتي
ساره : تمام ماما
طبيت سلمت على بيت عمي وصعدت بدلت تراك وخليت الشال على راسي ونزلت على الدرج وسمعت صووته يمه من يمي خفت جان ديحجي ويه اخويه امير ركضت بسرعه للمطبخ
ساره: ماما هاي شنو لتكليلي وسام هنا شجابه هو مو كل مره ميجي
الام : شنو هلحجي ولج عيب ليروح يسمعج شيكوول
ساره : اوك اوك هسه شحجيت اني
داروح للهول وشفته مريت من يمه واسمعه يكول السلام لله يابه نداريت عليه وكتله هلو مشفتك باوعلي بنضره استهزاء يعني شلون مشفتيني كلي شدي حيلج بالدراسه وراح عزززه انت شعليك شكد مكرووه عقده واني اكول ليش خواته مجايات اثاري من وراه رحت صعدت الغرفه وخابرت على ريهام سولفت وياها شويه واتفقنا اروح عليها نقره ثنينا المغرب صاحوني على الغده ونزلت تغديت بس جتي عيني بعينه خزرني رفعتله حواجبي بمعنى شكووو مدرتله بال كملت اكل وكمت اغسل مشفته غير ورايه
وسام : شمعناتها شعرج كله طالع عليمن لابسه الشال اذا مطلعته كله
ساره : هو منو اكو غريب هو انت واخوتك واخوتي قابل غربه بعدين اني متعوده هيج شدخلك بيه.
وسام : لج لوما الناس كاعده الا افرك حلكج شنو شدخلك بيه شلون تحجين هيج ويايه اذا اشوف شعرج طالع هيج مره الثانيه اكصه الج
اووي عفته ومشيت واسمعه يعيط عليه ويتوعدلي ويكول مضل شي شنو قصده اووي خل اصعد انام ورايه قرايه
ضليت نايمه محسيت للمغررب عززززه اني وعدتها لريهام نزلت ركض على امير
ساره : امير حباب حبااب وديني على ريهام دنقره سوه فدووه الله عليككك والله هاي اخر ايام السادس
امير : يلا كومي
ساره : ضليت فاكه حلكي يا هاي شبسرعه هيج قبل واني على شويه اجيب ملايه واكعد ابجي كباله علمود يقبل اروح
كمت بدلت ولبست عبايه اسلاميه وشال وشويه ميك اب خفيف ميقبلون اهلي هوايه لانه يكلولي بعدج صغيره روحي للكليه ووراها عادي وصلني وطلعتلي هيه من شافت اخويه خجلت عاد كتله ساعتين وتعال عليه طبيت وغمزتلها ها شكو شو خجلنا ضربتني على ضهري
ريهام : سكتي ولج
ساره : هههههههه تمام يلا خلي نقره مضل وكت.
قرينا وجا عليه امير كالب خلقته طبعا ههههه ودعتها وصعدت بالسياره هلمره اباوع عليها شلون تباوع عليه.
راحت ايام وبدت امتحاناتي سويت خط اني ومجموعه بناات طبعا ريهام ويايه اكيد بس ابو الخط عوينجي بس يباوع خبلني استغفرالله واني منا روحي راحت من وره الامتحانات اخر يوم من الامتحان وصلني اخر وحده من دانزل كلي ابو الخط ممعقوله بعد ماشوفج خزرته بنضره ومن خوفي طكيتها بركضه للبيت جان اندعم بواحد گلي الله الله على كيفج يابه باوعت عليه شافني بيه شي كلي شبيج كتله مابيه بس اخر امتحان واني تعبانه عاد ترخصت منهم وصعدت انام من التعب نمت لثاني يوم الصبح غسلت ونزلت صبحت على امي وسئلتها على ابويه
ساره : ماما شوكت يجي ابويه مو عبالك طول هلمره
الام : باجر يجي هو وعمج يلا ماما ايدج بالبيت نضفي اختج حتجي هي و رجلها
هلا هلا واخيرا سجى حتجي ياعيني صارلي كومه مشايفتها بديت بالتنضيف وكملت ماشوف غير نفتحت الباب وطب ابووييه كمت ركض عليه وابوس بيه وهو يضحك
ساره : بابا مو علاساس باجر تجي انت وعمو
الاب : ترديني ارجع ههههه شتاقيلكم وردت اسوئها مفاجئه الكم وين امج
ساره: هلا بيك بابا حبيبي امي متمدده بالغرفه .
على صوتنا وطلعت امي تفاجئت وهم سئلته نفس سؤالي.
الاب : شبيكم يمعودين تردوني ارجع
ههههههههه شبيك بابا غير متفاجئين بيك روح ارتاح حبيبي
صعدت بغرفتي وحجيت ويه ريهام وسولفنا شويه ووصل مسج من السايق جنت خازنه رقمه علمود الخط من نطلع كاتب هو يوم مشايفج وهيج مفتقدج . يمه من شفت هيج المسج ايدي كامت ترجف والله بس يشوفوها اخوتي يموتوني سويتله حظر ومسحت الرساله ونزلت لكيت اختي جايه هي وجهالها ورجلها عدها ثنين اطفال ولد عمره ٣ سنين وبنوته عمرها سنه علي وملاك سلمت عليها وبوستهم.
اخذت ملوووكه
يمه يروح خالتج انتي فدوه لعطرج شكد مشتاقتلج حبيبتي بربج سجى نطونياها
مصطفى رجل اختي : ولي ولج احنه ننجيب وانتي علحاضر نطونياها.
ساره : شكو بيها دشوفها شلون تريدني يلا ملوكه تردين بابا كولي لا يلا حبيبه خالتها.
اباوعلهم اشوفهم يضحكىون عليه اوي عفتهم اخذتها وصعدت كلش احبها احسها لعابه بروحي هي هم ولا تستغرب مني صار الليل امها جتي سجى نامت يمي وكلتلي باجر نروح لبيت عمي حسين نخطب حلا لحسن
ساره : ياا اشو محد كلي وليش حلا.
سجى : شمدريني خيه هو اثاري من زمان حاط عينه عليها ومحاجي ابويه بس جانوا منتضريها تكمل كليه علمود ماكو حجه ولو اكيد عمي ينطيها.
ساره: هاا يا عيني يعني حلا تجي يمي هلا هلا وكمت اركص على صوتي كعدت ملوكه جانت نايمه هههههه وسجى تعيط عليه لانه كعدت بنتها كتلها جيبها جيبيها معليج بيها اخذتها ورجعت نيمتها
الصبح كعدت لكيتهم مخبوصين من شافوني ممبدله عاط عليه حسن جان متوتر بسرعه صعدت وحضرت نفسي لبست بنطرون وقميص اوف وايت خليت ميك اب ولبست الشال وطلعت باوع عليه اخواني من فوك ليجوه مراضين على لبسي
امير : بسررعه روحي لبسي عبا يلا تاخرنه نطبلهم على غده امشي عيبب
حسن : عوفها يمعود هو من البيت للبيت قابل مشي هو سياره
ساره : اي عفيه حباب اميررر الله عليك.
الاب : يلا خلصوونا
سكت امير من سمع ابويه صعدت اني بسياره حسن واخذت ملوكه ويايه .
وصلنا لبيت عمييي وسلمنا عليهم دخلت على البنات وسلمت عليهم شفت حلا خجلانه ههههه حبيبتي.
ساره : ها ولج جتجين يمي واغمزلها.
حلا : ولي ولج خايفه مادري ليش
سجى : عادي حبيبه كلنا مرينا بالهشي حقج تتوترين
طلعت من الغرفه رحت للطرمه العب ملوكه وفجاءه طب وسام شافني ضل صافن عليه بعدين جا عليه وكال
وسام : نطينياها نطينياها هلحلوه
ساره : اخذها مني كتله وسام شوفها شكد حلوه اموت عليها
وسام : همه هم يحبوج.
ضليت صافنه عليه قطع حديثنا اخو سامر مزوج وحده ويا جانت بالكليه سلم علينا وطب جوه التفت عليه وسام وكلي يلا طبي جوه وضمي شعرج زين بيت عمي عباس هم حيجون
اووف الا يضوجني يلا يرتاح شعلللليك بشعررري دخلت جوه وملاك تنحست اخذتها امها دتنيمها صار الغده ورحنا كعدنا دنتغده كعدنا سوالف سالفه جر سالفه الى ان جوي بيت عمي عباس وفتح الموضوع ابويه
ابويه : خويه ابو سامر جيتك بموضوع واتمنى متردني
عمي حسين: ابشر خويه.
ابويه : تعرف حسن كبر وعنده شغل هم يلا يزوج ف رايد بنيتك حلا لحسن
عمي حسين : بيها الخير وين الكه مثل حسن لبنيتي بس تعرف بهلوكت رأي البنات هم مطلوب
ابويه : اي اكيد اهم شي رأيهم
عمي حسين صاح على حلا اخذ رأيها
عمي حسين: بويه ابن عمج حسن رايدج شنو رأيج
حلا : بكيفك بابا الي تشوفه انت اني امشي عليه.
طبطب على ضهرها عمي وكال على بركه الله نقره الفاتحه
قرينا الفاتحه وبدت هلاهل النسوان.
اشوف حسن ياعيوني الفرحه مبينه عليه
ضلينا لليل يمهم رحت خليت موبايلي على الشحن اني موبايل من توصلني رساله تنفتح بالشاشه راسا تبين فكاعدين وما شوف الا وسام اخذني سجل من الممر لفوك همزين جان الكل بالخطار جان نفضحت طببني لغرفته اشوفه عيونه من الاعصاب حممررر
ساره : شبيك انت تخبلت شلون تسحبني هيج اذا شافونا شيكولون.
وسام : ولج اليوم الا اموتج كليلي منو هذا ليدزلج رساله كاتب بيها ميت على شوفتج حبيتج من اول نضره ولج ترديني اجرم بيح.
اني هو كلي هيج راسا كمت ارجف رجع لزمني من شعري ويعيط
ساره : وسام بس خل افهمك الله عليك والله مو مثل ممفكر اني معليه وسام هو جان الخط مال امتخانات من كمل الامتحانات هو كام يدز هيج رسائل
وسام : لج ليش مكلتيلي من وكتها لج اجرم بيج هسه منو هذا كليلي ولج منو هذا لو هسه اسوي مصيبه.
ساره : دليته عليه وعافني وطلع
مسحت دموعي وعدلت شالي ونزلت رحت للحمام علمود لا انفضح .........
أنت تقرأ
تملك الحبيب
Storie d'amore#حب#غيره #تملك # غصب احبها منذ الصغر يخاف عليها وتخاف منه لا يستطيع رؤيه دموعها ولكن هل تتمكن هي من حبه ام تبقى الفجوه بينهما💜
