تملك الحبيب

البارت التاسع

خابرت على ريهام 
.. هلو ريهام حبي شلونج
.. هلو ساره
.. شبيج صوتج مو على بعضه
.. لا مابيه شي شبيه قابل انتي البارحه نطيتي رقمي لاخوج ورزلني
.. يا ريهام والله اسفه بس اخذه من عندي بالقوه حقج والله.
.. اني هم سكتت لخاطرج بس اتمنى تكليله ليحاول ويايه اني بعد ماريده اصلا ولتزعلين مني ريهام راح ارفض الخطوبه.
.... ريهام فكري والله امير يحبج لتخسري.
.. يمعوده شتحجين انتي البارحه يكلي اخذج واكسر خشمج شلون بعد ترديني اقبل المهم عوفج مني انتي اخبارج ويه وسام
... يعني رضيت بالامر الواقع شريد اسوي احاول اتقبله بس مثل مكتلج فكري زين لتخلين هيج موقف يأثر عليج ادري بيج انتي تحبي لامير ولتنكرين
... مادري والله يا ساره الله كريم
.. يلا حبي اروح اني.
سديته منها
بعد مرور شهر
صارلي شهر من مشايفته لوسام اليوم يرجع جان مسافر بشغل حسيت بهاي الفتره مفتقده وجوده  ماعرف شديصير بيه بس احساسي كلش مخربط
البارحه خابرني وكالي باجر اجي وصارت طبعا بيت عمي سووا عزيمه وعزموا الكل.
اني رحت بدلت ولبست فستنان احمر  وخليت ميك اب هادىء لبست العبايه الاسلاميه والشال ونزلت رحت ويه اهلي لبيت عمي
تلكتنه مرت عمي
ام وسام / يا هلا ميت هلا نور البيت
ام امير / بيج اكثر حبيبتي
دخلنا ووالسوالف بدت سالفه تجر سالفه اخر شي ابويه حجه ويه عمي وگله على زواج حسن و حلا
ابو وسام شتكول لو نقدم زواج حسن وحلا
... لتكوله يصير بعد هي بتكم
.. هذا هو هو كلشي كامل خليها بعد يومين
.. اذا موافقين ليش لا
حسن نط من يمه
.. اي عمي موافقين ماعدنا اشكال
اشوف حلا نصت راسها وكامت كمت وراها ودخلت للغرفه
.. شبيج ولج احسج مراضيه
.. يمعوده حسن يريد هلايام اني وين الحك بعد يومين.
.. حلا صارلكم فوك الشهرين يعني لساعج ممجهزه كلشي
.. لا مجهزه بعد مادري احس بعد وكت
.. لتكليلي خايفه
... اممم ايي وهو ديلح ويايه نقدم العرس كل مديلح ديزيد خوفي حياه جديده وبيت جديد
.... ياحبيبتي لتخافين احنه هم اهلج بعدين وين قابل رايحه هو لبيت عمج
عفتها وكمت رحت للمطبخ وسمعت صوته احس جسمي كله كام يرجف دخلت للهول وسلمت عليه
.. هلاو وسام شلونك
.. هلا بيج الحمدلله وانتي شلونج
.. تمام الحمدلله
عفته ورحت للمطبخ اصب بالغده شويه وحلا صاحتني
ساره عفيه صعدي جيبي مدات من فوك بالمخزن  اني اكمل صب
..اوك حبي
صعدت الدرج وقريب ماوصل للمخزن نجريت من ايدي اباوع واشوفه وسام دخلني للغرفه وسد الباب
حضنني حضنه حسيت عضامي حطك اسمعه يكول
ميت على ريحتج هسه يلا ردتلي روحي
.. امم وسام عفيه لتصعد حلا
.. عوفج منها اني خليتها تصعدج
.. عزززا صدك تحجي وسام
.. لتخجلين روحي انتي مريتي تعااي رجعي لحضني خلي اشبع منج شويه 
.. اوووف ميصير نعرس قبل حلا وحسن
... وساااااام
... ههههههههه يلا انتضر والله كريم كضيت عمري انتضرج على هلايام
... وسام عفيه هم يلا انزل عيب منا اخوتي وابويه
.. اووف يلا نزلي بس نطيني بوسه
.. وسااااام
.. يلبخيله بس وحده
.. ماكو يلا حنزل اني
عفته واخذت مدات من المخزن ونزلت فرشت
رحت للمطبخ كرصت حلا وكتلها.
.. اني اعلمج ولج
... ههههه اني شعليه علاسااس انتي مكيفتي اشوفج تباعيله من جوه لجوه
... عززا لج اسكتي فضحتينا
.. اوك اوك حسكت 😂😂 بس يلا خل نكمل نكسر ضهري
كعدنا تغدينا ووراها سوالف والچاي اخر شي صاح ابويه وكال يلا صار هم يلا نرجع
ودعناهم ورجعنا
اول مدخلنا صعدت لغرفتي وجا امير
ولج صار شكد من خاطبها لصديقتج لساعها ممررجعه خبر تريد اروحلها اجنزها
.. امير على كيفك وياها ريهام كلش حساسه بهذا تصرفك تخوفها منك هسه اخابرها واردلك خبر
.. كليلها الها مهله بس باجر وترجع الخبر
طلع واني احسه على شويه ويريد ينفجر

يتبع....
اسفه جدا على التأخير
احبكككككم ❤️❤️