تملك الحبيب

الجزء الثامن

للكاتبه الورده الشمريه
يغار من الناس وهو كل الناس بعيوني🥺

اخذ مني الرقم وطلع طلعت اركضله وشفته صعد بالسيارة وطلع من البيت 

امير.. عمري ٢٩ سنه كملت كليه شرطه بس مرحت لهلمجال اشتغلت باملاكنا ريهام اول حب بحياتي من اني وصغير ممطرق لهيج موضوع بس من شفت ريهام دخلت كلبي جنت اروح ساعات وضل واكف يم بيتهم بس اريد المحها هذا كافي عليه جانت كل متريد ساره تروحلها لو عندي الف شغله هم اني اوصلها اريد اشبع عيوني من شوفتها اباوع عليها  من فوك ليجوه وبعدين اتعوذ من ابليس واستغفر الله بس هي بجمالها تجبرني بس افكر احد غيري يباوعلها بالنضره اتسودن اعشكها عشك مال مخابيل من اشوفها وتروح للمدرسه وملابسه عبايه وصدريتها ضيكه عليها اريد بس اخنكها ماريد احد يشوفها غيري اليوم وبمهر اخوي واشوفها جايه هي وامها ولابسه ثووب مال محجبات وجايبهم واحد غريب وتضحك ويا لو ما عرس اخوي جانت اروحله واذبحه بمكانه وره مكمل الحفله طلعت هي وامها وجتي عيونها بعيوني واني اخزرها هي بعدت عيونها وارتكبت اني الج من رجعت للبيت اخذت رقمها من ساره وصعدت سيارتي طاير لبيتهم

وصلت يم بيتهم وضليت اخابر عليها مره مرتين مترد كتبتلها مسج
( شوفي ولج قسما بالله هسه اذا مرديتي احرك البيت عليج ).
ريهام .. جنت كاعده يم اهلي واتصل عليه رقم غريب مره مرتين ثلاثه ضل يدك الى ان صعدت لغرفتي دز رساله قريتها وارتعبت منو هذا هيج يحجي ويايه
كتبتله منو انت.
رد كتب امير يلا هسه حدك عليح وانتي بنت امج وابوج اذا متردين عليه
دك وقبل ليسده فتحته.
ريهام ... الو امير
امير .. والله وزين رديتي تدرين لو مشايلته عليه جان اهجمه للبيت على راسج 

اني صح احبه بس مو مال هيج يحجي ويايه واني ممسويتلهه شي
ريهام — امير شنو معناتها داك عليه وتحجي ويايه بهلاسلوب بعدين ساره مو من حقها تطيك الرقم.

جنت احجي ومنفعله
امير .. شوفي اني روحي طالعه منج وانتي هيج جاي تحجين وياي عليمن هلضحك اليوم ومنو هذا لاتضحكين ويا ها لا وجايه بدون عبايه عفيه عفيه

ريهام ... اولا انت مو ولي امري علمود العبا اهلي راضين وماكو داعي ابررلك ليش اضحك وويامن اضحك.

امير ... ماكو داعي مو اني الج ولج والله لا سود عيشتج عبالج ماسويها

ريهام ... امير هسه احجي وياك لانه انت اخوها لصديقتي ثاني مره انطي الموبايل لاهلي واخليهم هم يصرفون

هي ردت هيج واني بعد مسيطرت على روحي.
امير .. اني الج اصبريلي اذا مندمتج على هلحجي ماطلع ابن امي وابوي وسديته بوجها

ثاني يوم كعدت الصبح شفت امي جاي تسوي ريوك بستها من راسها وكتلي

ها يمه ممفكر تزوج شوكت يمه عمرك حيطخ ال٣٠ واخوك الاصغر منك حيزوج شمنتضر ياامي

الله كريم يمه هو اني كلت احجي وياج بهلموضوع ترحين تخطبيلي ريهام صديقه ساره

يمه يوم المنى وين اكو مثلها لرهومه ادلل انت كله لابوك وشوف شيكول واني اذا وافق ابوك اروح العصر لو باجر

ان شاء الله يمه

&&&&&&
ثاني نزلت نمت للعصر ههههه من التعب شفت امي دتطلع.
ها ماما وين
صح النوم اروح على صديقتج ريهام اخطبها لامير

الله عليج اشو مادري اني ليش محد كلي

يامي مين تدرين اذا انتي هسه يلا كاعده ها صدك اختح جا عليها رجلها وراحت

هاي شنو يعني بس اني بالبيت
اي بس انتي يلا اني طالعه 
راحت امي شفت البيت نضيف كعدت اتفرج على التلفزيون ماشوف غير واحد صافن عليه منتجي على الباب فزيت من الخوف  

يماا وسام خرعتني من الخوف غير تطلع صوت.

ههههه على كيفج شبيج حبيت منضرج
انتبهت عليه واني لابسه برموده وتيشيرت ربع ردن
راسا كمت اريد اصعد لغرفتي وابدل مشيت من يمه وحصرني يم الباب

ءءءء هاي شدسووي وسام عفيه وخرر
شبيك لو ما بعد ايام وتصيرين مرتي ليش هلخوف وهلمستحه

ابتعدت من يمه ورحت لبست عبايه اسلاميه والشال حطيته على راسي باهمال

كتله اي صح ذاك الوكت عود حاسبني ليش جاي محد ماكو بالبيت

باوعلي صفح وكال
يعني اعتبرها طرده

هههه لا مو هيج بس دكلك

ابتسم وكال
ادري محد ماكو بالبيت خفت عليج لان وحدج

ريهام  شنو شمدريك

قابل غريب وماعرف منو بيت عمي ومنو لا

سكت وكال

ريهام ميت بيج شوكت تصيرين يمي البارحه الليل كله واني اتخايلج بحضني

يابه من كال هيج ردت اوكع بطولي من الخجل
كلشي مرديتله كال

هههه لتخجلين مني

عفيه روح وسام والله وجودنا وحدنا بالبيت محلو بحقنا

جا لزم ايدي وباسها كال
اروح ليش لا حبيبي ديري بالج على نفسج يلا ثيمالا

راح وصلته للباب مادري شديصير ويايه اني الجنت ماطيقه ليش داحب وجوده يمي
لليل جتي امي وامير كابلها وكعد هههه حبيبي مبين يموت عليها
ها يمه بشري شصار شردولج
يايمه قابل بت عمك ويردولك بنفس اليوم
اي يايمه يعني مبين شي.
لا وليدي كالوا نطي خبر للوالد ونشوف رائيها وانردلكم خبر
خله عافنه وطلع اني رحت خابرت على ريهام احجي وياها .....
@@@@
هلو حبايب اليوم البارت قليل ان شاء الله اذا اكدر اعوضكم.
شنو رايكم بالبارت اليوم

تردون اكمللكك قصه امير وريهام لو اقتصر على ساره ووسام
بنااات اريدد تفاااعل اي تفاعل مدشوف منكم كتبولي ديعجبكم السرد لو اغيره الكم.

شتحبون النشر شلون يصير بين يوم ويوم لو اوقات محدده بالاسبوع

احبكمممممم😍😍