تملك الحبيب

البارت الخامس

للكاتبه الورده الشمريه

لجججج وتالي وياااااججج تردين تخبليني شوفي ساااره قسما باللله اذا بعد كلتي ماريدك وعوفني اسوي الميخطر على بالج وهسه مسحي دمووعج وخليني زين وياج يلااااااا

كمت اهدي بنفسي واحجي وياها مسحت دموعي وخليت راسي على الجامه وصااافنه بالطريق الى ان وكف وكال
يلا انزلي
نزلت صرت كبال المكتبه جحه ويه الولد وخطيه سوالياها مثل مااريد والي بالي صدك طلع زين رجعت صعدت للسياره وهو صعد يباوع عليه كلي
ها شنو رأيج اعزمج
لا ماريد اريد ارجع للبيت راسي يوجعني
تنهد وكال
براحتج يابه براحتج دشوف وين توصل وياج
رجعت للبيت وطبكت باب السياااره حتى مسلمت عليه اريد بس انفرد رجعت وبوجهي صعدت بغرفتي بجيت عما كلت بسسسس هذا هو شنو الاكدر اسوي مستحيل افرط بابويه وعمي واعرف هم شكد حنان واحد على الللخ

بالليل دك فتحت الخط وكال
.. الوو
... ها وسام
..جم مره كايلج سلمي يعني كل ما اتصل عليج لازم تبديها بعركه
... هلو وساام
... اي عفيه هيج اريدج باجر جاي اني وامي وابويه عليج
بس كال هيج حسيت واحد وضربني خنجر بگلبي.
سكتتت محجيت شي
.... وينج مو داحجي وياج ردي
.. اسمعك
... ها شقررتي
... شقرر ليش هو بيدي القرار
.. ساره هسه اكيد تشوفيها صعبه عليج ولانه انتي ممتعوده عليه بهذا الطبع بس بمرور الايام تشوفين محبتي الج لج والله لو اعرف بنفسي اكدر اعيش بدونج جان عفتج بس اعرف بنفسي ماكدررر
... وسااام انت جبررتني عليك تعرف يعني شنو جبرتني اهم قرار بحياتي جبرتني عليه
... حقج والله حقج بس يا بنت عمي ماكدر احببببج من انتي عمرج. ١٢ واني احبج وضام بكلبي اصدقائي كلهم تزوجوا واني انتضرج شلون ترديني اعوفج
سكتتتت
تمام حبيبتي روحي ارتاحي باجر اشوفج
اوووف ياررربي شلوون راح اعيش ويا واني اصلا اخاف منه  

ثاني يووم الصبح كعدت غسلت وفرشت اسناني وطلعت لكيتهم كاعدين ديتريكون كتلهم.
صباح الخير.
صباح النور
تعالي ماما جيبي ستكان وتعالي تريكي
ماما مو تعرفني ماحب اكل من الصبح
يايمه دتعاي اكلي متكليلي شباقي بيج 
ردلها ابويه.
عوفيها شتعرفيها لبتج هيه والاكل عداوه
عفتهم ورحت لملمت البيت نضفته كملوا ريوك ونضفت المطبخ عاد ليوين واجوي بيت عمي حسين هو ووسام ومرت عمي دخلوا اني راسا صعدت اسبح كلش توسخت من الشغل كملت سبح بدلت لبست دشداشه مثل الفستان صايره من فوك مخصره ومن جوا كلوش 
نزلت واسمع امي تكلي اشششش
ها ماما شكو
لج عمج جاي يخطبج لوسام
مستغربت سواها وسواها.
شويه وصاحلي ابويه دخلت سلمت عليهم وكعدت ابويه كلي.
بابا عمج جاي يخطبج لوسام وين نلكه مثله هم ابنه وهم نعرفه من زينة الرجال شتكولين بابا
احس روحي خرسيت لا بيه اكول اي واحكم على نفسي بالاعدام ولا بيه اكول لا واني اعرف المشاكل الي حتصير من وره هلحرفين
بابا كلي.
ها بابا سكتي شتكولين 
.. بابا الي تشوفه مناسب راضيه بي.
اباوع عليه احسه مثل الي جان مخنوك وهسه تنفس بس كالوا نقره الفاتحه وكعت دمعتي وباوعت عليه هو خزرني.
وراها رحت للمطبخ يم امي كلتلي.
مبروك ماما هسه اطمئنيت وين نلكه مثل وسام 
الله يبارك بيج ماما عمري.
تغذينا  وراها الجاي وكعدوا اتفقوا عمي وابويه علمود شغله حلا وحسن  
ابويه كله.
ابو سامر والله لوما شغله المعمل جان سوينه المهر بس تدري بالمعمل خرب الموازين بس شتكول لو نسوي المهر مال حلا وحسن عكب باجر احنه كلشي مكملين علويش نخليهم ينتضرون
عمي حسين : مثل متشوف خويه نكللهم و اذا وافقوا نسويها ماعدنا شي   
للعصر ترخصوا وطلعواا
 
صعدت لغرفتي وخابرت ريهام سولفتلها على الي صار.
ريهام : ساره احسن حل سويتي وهو وافقتي متعرفين شنو الي ضاملج المستقبل يجوز تنسعدين ويا وتحبي
نترت بيها وكتلها
يمعوده يا احبه صدك تحجين لج هو اذا طلع لمكان خواته ميطلعن لانه يعرفن راح ينغص عليهن الطلعه بالبيت نفس ميتنفسن اذا جا ضايج وتعباان اذا خواته هيج يتعامل لعد ويايه شلونه.

ريهام : يمعوده اسوو لتكلبيها مناحه تلكين بنات عمج نصهن يريدنه لج والله هو مبين شخصيه ومتمكن ويحبج شتردين بعد
... يووو ريهام خلي اسده منج يمعوده
ههههه يلا باي 
بيباي  سدينه منها ووصلني مسج شفته من سرى  ..........