خلقت ملكه والنقاب يحفظني

الحجاب

السلام عليكم و رحمه الله

اولا كده نتكلم عن الحجاب

حجابك عامل زي الصندوق اللي بتخبي
فيه حاجه غاليه او مثلا حاجه عزيزه عليكي
مش عايزه حد يشوفها صدقوني أنا بستغرب لما الاقي بنت ماشيه بشعرها في الشارع بابا وانا في تالته ابتدائي قالي نص جمال المرءه شعرها معداش اسبوع وكنت لبسه الحجاب والحمدلله مقلعتوش ابدا وانا لما بقول حجاب اقصد الحجاب اللي بجد حجاب يسترني ولبس واسع مش قماشه احطه على نص شعري واقول أنا محجبه او طرحه ولبسه بنطلون وتيشرت ده مش حجاب دي اللي بيقولو عليها موضه والحجاب بريئ منها الحجاب اللي بجد اول حاجه يبدأ من اللبس شوفي لبسك ينفع مع الحجاب ولا لا لبسك يكون واسع ومحتشم أنا مش بقولك البسي زي الستات الكبيره واهملي نفسك بلعكس لبس المحجبات شيك جدا وانتي لما تجربيه هتعرفي أنا بقول ايه صوري نفسك صوره وانتي بشعرك و صوري صوره وانتي بلحجاب هتلاقي انك بقيتي احلا والله بيزيدك جمال فوق جماللك والله الحجاب عفه الحجاب ستر

اول خطوه اعملها عند لبس الحجاب
************************

اول خطوه عند لبس الحجاب اسألي نفسك سؤال يا ترى أنا هلبس الحجاب ليه

•عشان اهلي فرضينو عليا وانا لبساه عشان ارضيهم 💜

• عشان موضه وكل البنات لبساه وشكلهم حلو 🖤

•عشان في عيب او حاجه في شكلي لولاها مكنتش لبسته 💚

•عشان بيدل علي الالتزام والتدين واقدر اتجوز شخص كويس 🤵

•عشان مرضاة الله جل وعلا ورضوانه وابتغاء جنته 🌼

جاوبي عل السؤال ده بصدق بينك وبين نفسك لانك عمرك ما هتكدبي عل نفسك
ولو كان سببك غير اخر سبب أنا بقولهالك
متتعبيش نفسك وتحمليها ذنوب زياده

شروط لبس الحجاب
*************

•ان يكون سميك غير شفاف وساتر للبدن 🏵️

•ان لا يكون زينة في نفسه او بألوان ملفته للنظر 🌸

•ان لا يكون ضيقا او لباس شهره 💐•

•ان لا يكون معطرآ 🌷

•ان لا يشبه لبس الرجال

وانا ليه المفروض البس الحجاب
*********************

لان ربنا سبحان وتعالى أمرنا بلبس الحجاب وذلك في قوله تعالى (يِأيِهًاَْ اَْلّنَبيِ قلّ لّاَْزُواَْجُگٍ وبنَاَْتٍگٍ ونَساَْء اَْلّمؤمٌنَيِنَ يِدنَيِنَ علّيِهًنَ مٌنَ جُلّاَْبيِبهًنَ ذلّگٍ أدنَى أنَ يِعرفُنَ فُلّاَْ يِؤذيِنَ وگٍاَْنَ اَْلّلّهً غٌفُوراَْ رحًيِمٌاَْ ) سورة الاحزاب الايه (58)
وطبعا مفيش دليل اقوى من القراءن الكريم ناخد بيه

اهلي مش ملتزمين ومش عيزني البس الحجاب اعمل ايه
**************************

ربنا امرنا بطاعة الوالدين في كل حاجه الا معصيته يعني البسيه ووجهي اي حد محدش هيتحاسب مكانك يوم القيامه انتي هتيجي يوم القيامه تقولي لاهلك حسنه اثقل بها ميزاني يقولولك نفسي نفسي يوم لاينفع مال ولا بنون جهدي عشان نفسك متضيعيش نفسك علشان حاجه مش ديمه نفسك تستاهل انك تحربي عشانها وتحميها من نار جهنم وبئس المصير ومش يمكن اهلك لما انتي تلتزمي وتنصحيهم يلتزمو وبكدا تكوني ضمنتي الجنه

وطيب وأنا ليه اضحي بلبسي وحريتي وراحتي عشان الحجاب
***************************

الرسول صلى الله عليه وسلم سئل سيدنا جبريل عليه السلام وقال له

•ايضحك جبريل

•قال نعم

•قال الرسول صلى الله عليه وسلم متى

•قال له عندما يبحث ابن أدم على شئ لم يخلقه الله في الارض

•قال وما هو

•قال الراحه فصغير يقول متى اكبر والكبير يقول ليتنا نضل صيغارا والشاب يقول متى راحة الكبر والشيخ يقول ليت الشباب يعود يوما لن يشعر ابن ادم براحه الا في الجنات العلا
يعني عمرك ما هتلاقي رحتك في اللبس الضيق ولا شعرك اللي مبيناه رحتك في طعتك لربنا عز وچل فسعي لراحه ابديه ليس بعدها موت ابدا

وخلي دعاء ديما على لسانك
اللهم يا مقلب القلوب سبت قلبي على دينك

(اسئله)

محجبه ولا لا

ايه رأيك في حجاب الموضه

اتحجبتي أمتا

اخر سؤال ايه رأيكم بصراحه اكمل ولا منفعش

والسلام عليكم

صلو على من جسى على ركبتيه يواسي طفلا مات عصفوره