عشقت فصليتي
*******************
علي: اكيد انتقم منهم اي اخوي مات مستحيل وشنو من وره وحده ص**ة
اني اعرف اشلون انتقم بس انطوني مجال ....
ريم: كعدت اصبح ورحت غسلت واخذت دوش ورحت يم امي عمي وعمتي سلمت عليهم ...
اكلج يمه مخابر ابوبه
ام ريم : اي خابر وكال حسان صاحي
وسال عليج
ريم : صدك والله يعني صحة
سوده علية اخوي
يمه فدوه خلينة انروح يمهم
عم ريم : اكعدي وين تروحين عايزين مصايب بعد
خابرني ابوج واني رايح اشوفهم
ريم : عمو فدوه والله بس اشوفة واطلع ابسرعة
عم ريم : استغفر الله يله ابسرعة تعالو وراية لان اني عندي شغل اخلصة لازم خلي سجاد يوصلج
ريم : فدوه اروحلك عمي حبيبي طبعن سجاد يصير ابن عمي واني اعتبره مثل اخوي نشاقة ونطلع سويه عادي وطبعن
فرحت لان حسان صحة كلش مشتاقتلة طبعن مو بس اخوي وصديقي همة وابد ابد ما اضم علي اي شي دون اسولفه كل شي ....
علي : كلت لابو مايسوي فاتحة لاحد مناخذ حقنة
وسمعت الكاتل اخوي صحة اني مضل عقل ابراسي راست رحت عليهم
واخذت اسلاحي وياي جاي ادخل عليهم
فجة شفت رجال جبير بلعمر دخل عليهم
ضليت انتضره اشوكت يطلع اشو هذه جلب
اني مضل صبر عندي دخلت عليهم
وطلعت المسدس وخليتة ابوجه كتال اخوي
ولك حيوان اليوم اله اكتلك جبان ....
ابو علي : هاي شنو نزل اسلاحك ولك
علي : ههههههههههه والله ضحكتني
اليوم اموت ابنك كدام عينك مثل ممات اخوي واحرك گلبك مثل محترك گلب ابوي
فهمت لو لا
خليت ايدي علة المسدس وسحبتة
ردت ارمي ومااحس اله وحده صارت كدامي
ودفعتني حيل بس اني جنت اسرع راستن
خليت المسدس براسهة
حسان : ولك جبان عوف اختي صفي احسابك وياي
ريم : ارمي شنو لازمك ارمي وخلصني
انا اذا يصير شي باخوي اموت
لزمت اديه اثنينهن وقربت المسدس علة راس اكثر بس هوه جمد ابمكانه بعد ماسمعت حسة
ضل صافن ابوجهي اول مره اركز ابوجه
اعيونة لونهن جوزي بس صايرات حمر ومرمات
اكيد باجي وهيج صاير بيهن وجهة جان كلش حلو بس كله غضب وعگده حاجبة زايتة جمال اني مااجذب هم صفنت بوجهة ونسيت الي داير مداير
بعدين اخذ ايدي وعتهة حيل احس ايدي انشلعت صحت اخخ من كد ما وجعتني
علي : اسمعي ولج انتي حسابج بعدين
اني اعرف اشلون اصرف وياج ....
عم ريم : اطلع منى ولك تره خبرت الشرطة وهسة همة بلطريق..
علي : واني مااخاف من الشرطة
اله اخذ حقي بيدي فاهم لو لا واسمع ولك
حضر حضر عمامكم واحنة حتة فاتحة مسوينة لخوي ناخذ حقنة يعني ناخذه ..
رجعت المسدي لحزامي وطلعت اني مخايف منهم بس ماادري اصار بيه من شفتهة كلبي
ظل يدك حيل بس بت ابوهة اشلون وكفت اكبال المسدي ولا رف الهة جفن ولاهتزت ولاخافت ابد اشلون جرءه عدهة هذه كله بس حتة تحمي اخوهة وعيونهه الي يجدحن
بس ماانسة هية السبب بلي صار باخوي
اريد احرگ كلب اخوهة اي احرگة حرگ
واني اعرف اشلون
رحت من المستشفى كبل خبرت عمامي وكلتهم عدنة اطلابة همة ماقصرو كالو باجر نمر عليكم ونعرف الصار
ريم : من بعد كلت لعمي ارد اروح وياكم ماحجه شي اني رحت بدلت ولبست بنطرون ازرك وكيمونة بيهة نقشه ذهبي ولونهة احمر ولبست شال لون وردي وبي نقش ورد خليت مكياج خفيف وخليت عطر انتضرت اشوي
سجادلحد مايوصل ضليت اكلب بلموبايل سمعت صوت السيارة كلت اكيد هذه سجاد
باوعت من الشباك وفعلن هوه
رحت سلمت علية وصعدت بلسيارة
ومشينة واني مااصدگ شوكت نوصل
وصلنة ومشه سجاد يطبك السيارة كلي نزلي وانتي تندلين البكان اني ماصدكت رحت اركض ارد اوصل لخوي وشوفة
وصلت اجيت ادهل عليهم حتة افاجهم
بس اني التفاجت
يتبع ....
أنت تقرأ
لـيـسَ ذنـبـي
Romanceهو قاسي متملك لايعرف الرحمه هي بريئه لازالت طفله رغم عامها العشرون اوقعها قدرها في براثنه لينتقم منها ضلما لتصبح اسيرة لانتقامه القاسي فهل لها مفر من عرين الاسد ? الرواية راح اتكون بلهجة اهل(العماره ) ولحد يكول هاي مو لهجتهم تره اني عايشة بلعماره و...
