لـيـسَ ذنـبـي

البارت 25 والاخير

للكاتب المبدع صاحب القلم الماسي 1981ali

تسودن كلشي بيه
وظل يسولف بيك
وانـه وياك اظل عاشك سواديني ..

مدري شلون اشوفك
وانت جوه الروح
واكل لروحي يمك خل توديني ..

نص دين البشر
لو رادوا يكملـون
وانــه الكملـت وياك كـل ديني ..

************

وبيوم نايمه وجنت ماخذه جرعه قويه وتعبانه طبعاً صار اكثر من ٦ اشهر هنا علي ترك كولشي ومقبل نرجع اله يتأكد من سلامتي عدا المبالغ الضخمه الي صرفها والي يسأل عنه يكولون مريض ويتعالج مو زوجته
وبيوم اسمعه يسولف گلت هاي ويامن فتحت عيني على كيف واشوفه صافن على الجامه لان الغرفه طابق ثالث ويحجي

علي : ربي دخيل اسمك بحگ نبيك واهل بيتگ بحگ علي عندك والزهره السچيه تردها سالمه انه مااعترض على حكمك حشه لأسمك بس انه عبدك الفقير ارحم بحالي وانت ارحم الراحمين انه من يمشي النار بدمها احسه بدمي دخيل اسمج ياام البنين اريدن حبيبتي منچ تحملت گلشي اله هيه

ريم : حبيبي اندار ومسح عيونه

علي : امريني

ريم : تعال يمي اشتاقيتلك

علي : انتي زينه اصيحلهم

ريم : لا زينه لتخاف شبيگ گلبي مو الطبيب طمنك

علي : وانه مابيه

ريم : وهاي الدموع اوف لو ادري هيج تحبني اتمرض من زمان حتى اشوف كل هذا العشگ الي عندك

علي : عمي طيبي ومستعد گل يوم ابجيلچ

ريم : ههههه لتضحكني مااكدر اضحك تدري انت ماكو مثلك والله اخاف احسد روحي عليك انت ملاك والله دزك من السما اليه

علي : انه بشر بس عاشگ وعشگج سودني

ريم : من مات اخوك وتزوجتك تذمرت من حكم رب العالمين وگلت شنو حكمته بأن اتبهذل واروح لبيئه غير بيئتي واروح فصلية ليش هذا العقاب
تالي عرفت هذا مو عقاب هاي رحمه من عنده
رب العالمين يحبني وراد مصلحتي عسى ان تكرهو شيئاً وهو خيراً لكم رغم كل الي صار بيه بس عيشتني احسن عيشه واهم من هذا كله عشت الحب الصادق وياك عشت احلى حب ممكن مره تعيشه وفوكاها عشقنة اعظم عشق
انت هديه رِّبًـــ♡̨ـــٍْيٌٓ اليه علي

علي : وانتي زهرة عمري ريم

ريم : مااريد زهرة لتذكرني بيها جانت نار وتحرك بيه من الغيره

علي : ههههههه تروحلج فدوه هيه وعشيرتها لتراب رجلج

ريم : اووف شگد احبك

علي : لا مااحبنها هيچ

ريم: ههههههه احبنگ وحك علي بنابي طالب