عشقت فصليتي
ممكن متابعة للمصممة المبدعة والراقية
taba9kamosh-98
*****************
علي : اجاني ابويه بليل وكلي اهل البنية وافقو ينطون بتهم
ابوي كعد يوصي دير بالك بنت الناس مالهة ذنب واني بالي مو يمة اشوكت تجي واني اعرف اشلون اعلمهة ......
سمعت صوت سياره بلبان مالتنة عرفت همة وصلو احنة مجهزين كلشي الشيخ وعمامي هم حاضرين مشه ابوي عليهم اني ضليت كاعد وره اشوي صاح علية
علي: خير بوية صحت علية
ابو علي : اي بوية ذني غراض مرتك نزلهن
علي : اني طبعي ماارد ابوي فغصبن علية نزلتهن انوب هاكثر غراض ادري عدنة مجاعة مال اهدوم
كاعد انزل بلغراض شميت ريحة عطر صطر راسي درت وجهي وادور منين تجي هاي الريحة واشوف كمر كدامي مو بنية ضليت صافن بيهة هاي نفسهة لو غيرههة
لاوالله نفسهة بس اشو طالعة تخبل ..
ريم : من وصلنة استقبلنة رجال جبير ابكد ابوي تقريبن بس مو اول مره اشوفه
ضل يسولف وي ابوي واني انصطرت صطر من الحر بعدين صاح على واحد اني من شفته كلبي ضل يدك حيل دخيلك ربي هذه نفسة لايربي لا بس لاهذه راح يصير رجلي والله اكتل روحي اصلن هذه مو بشر
درت وجهي حتة امشي يم ابوي واسمع صوت فززني بس سويت روحي مامتاثره
علي : اوكفي
ريم : نعم علية
علي : واكو غيرج اهنا
داليا : اهههو هاي اشلون اباوع على ابوي مندمج بلحجي وياه الرجال واني اهنا محتاره شسوي
..نعم خير....
اشو هذه ضل يباوع من فوك ليجوه علية
علي: تردين ادخلين يم الناس اهذه لبسج.
ريم : وشبي لبسي وانتة اشدخلك والله يالله
علي: صمي حلك لاقسمن بالله اسوي بيج الي مصار
ادخلي وخلي امي تنطيج.ملابس
ريم : وانتة منو حتة تحكمني اني البس امزاجي والي ابالي
شفت اعيونة بعد اشوي ويطلع منهن نار اجة يحجي ومااحس اله ابوي صار فوكاي
اجيت ابوكت بوية
ابو ريم : يلة بواية خلينة ندخل
ريم : لزمت ابايد ابوي ودخلت وياه ماحس اله حسة عاط (صاح )مره ثانية
علي : اوكف عمي خليهة تدخل جوه هسة انوب احنة نصيح عليهة
ابو ريم : ماشي بوية
روحي ابنيتي ادخلي جوه ومن نصيح عليج تجين
ريم : عافني ابوي وانة ضليت انتضر احد يدخلني اشو هذه اجة وسحبي من ايدي ودخلني جوة وعافني وطلع اشبي هذه
اجت علية ابنية كلش حلوه وتقريبن بعمري سلمت علية عرف اسمهة نور بعدين اجت مره جبيره هم سلمت علية
نور: اي حياتي اني اسمي نور اخت علي واني المدلله عد اهلي عرفيني عليج.
ريم : اسمي ريم.
نور: اشبيج خايفة حياتي يمة اسمج يخبل تعاي نكعد جوه نسولف
ام علي : ولج يمة عوفي البنية ماكافيج سوالف
نور : بلة انتي كولي السوالف ينمل منهه
ريم : ههههه لا والله صدك حجيج
دخلنة جوه وضلينة نسولف وره اشوي اجتني الحجية كالت يمة يردوج انة من سمعت هيج اتقبض كلبي وضليت ابلع بريجي ضلت اجوان تهدي بية
......
بارت قصير بس اكيد راح اعوض بلبارت الجاي واسفة على التاخير
أنت تقرأ
لـيـسَ ذنـبـي
Romanceهو قاسي متملك لايعرف الرحمه هي بريئه لازالت طفله رغم عامها العشرون اوقعها قدرها في براثنه لينتقم منها ضلما لتصبح اسيرة لانتقامه القاسي فهل لها مفر من عرين الاسد ? الرواية راح اتكون بلهجة اهل(العماره ) ولحد يكول هاي مو لهجتهم تره اني عايشة بلعماره و...
