عود آنه اجيتك جرح ردتك
تخيط الفتگ وتگلي مگضيه
و امشيت بس التفت
كلما لچمني الوكت و يفزز البيه
بيا موعد أتنطرك
كثرن مواعيدك
إنسه السمعته گبل
چذاب كل الحچي
البي گلت ( ما اريدك)
.............
اليوم اخر يوم بالامتحانات واني اقرا وادعي تفض على خير طلعت واني الدنيا مواسعتنه من الفرح واخيراً راح اروح اشوف عمتي وافرحة وياي رجعت للبيت
ام علي: هايمه احضرلج الغدا
ريم : اي عمه فدوه ميته جوع
علي : متكومين انتي تصبين مكسوره ايدج شكبرج ماعون تمن متعرفين تصبين
ريم :(احجي بصوت ناصي )/ يبووو هذه شجابة هسة
ام علي : عوفها يمه انه اصبلها البت تعبانه وجاي من الامتحان
علي : مجايه من الجهاد حالها حال الالاف الطلاب وهي مو صغيره واذا متعرف تتعلم كومي صبي لنفسج احد كلج امي تشتغل عندج
ريم : هسه القاضي راضي انت شعليك ومااكوم عناد بيك
ام علي: يمه حبيبي علي انه اصبلها چا هيه شيرادلها
علي: هيه لان مايرادلها شى تصب وعنادي فوك عنادها يله كومي صبي
ريم. : مااريد اكل
ام علي: ليش يمة شوف البنيه زعلت ومراح تاكل
علي : طبها مرض هسه يكتلها الجوع وتصب بداعتي يمة لتصبيلها
ام علي : ليش تحلفني يايمة
علي : كتلج بداعتي عوفيها هاي ام خشم اليابس هي تصب لروحها غصب عنها
وبقيت اكثر من ٣ ساعات اراقب بيها هسه تجي تصب ابد خرب بيها شكد عنوديه والله واسمع الباب انفتح ادري بيها راح تجوع وتطلع تاكل لان لاريوك ولا غدا
ريم.: كتلني الجوع الله ياخذه خلي اروح اصب امري لله
طلعت وهو كاعد على القنفه وبيده الموبايل ولا باوعت بوجه ورحت فتحت الطباخ وبدا الاكل يحمى شلت الجدر مال المركه جان باميا ومااحس غير شى طك عبالك قنبله اثاري من ثولي شغلت الطباخ وعفت الجداحه قريب النار لحد محمت وطكت واني الجدر بيدي من الهبطه شمرته وكعت مركه على رجليه وعطت
علي : انتظرتها تطلع واني احس بأنتصار لان طلعت تحمي الاكل ومااسمع غير طكه قويه وعيطه طفرت مثل المخبل عليها كلت طك الطباخ عليها وطبيت ولكيتها كاعده بالكاع والمركه بكل مكان ولازمه جف رجلها وتبجي
علي : بيج شى
ريم : رجلي احتركت
علي : اششش لتبجين هديها خلي اشوفها
أنت تقرأ
لـيـسَ ذنـبـي
Romanceهو قاسي متملك لايعرف الرحمه هي بريئه لازالت طفله رغم عامها العشرون اوقعها قدرها في براثنه لينتقم منها ضلما لتصبح اسيرة لانتقامه القاسي فهل لها مفر من عرين الاسد ? الرواية راح اتكون بلهجة اهل(العماره ) ولحد يكول هاي مو لهجتهم تره اني عايشة بلعماره و...
