,عشقت فصليتي
*****************
ريم : حسان عفية خلينة نطلع اليوم
والله ضوجة
حسان : عفية ريم مو وكتج هسة جاي من الكلية تعبان اريد ارتاح
ريم : والله ساعة وحده منتاخر رجادا حسان عفية حبيبي وضليت افتر علي مثل المرصع لعد مااقتنع
حسان : شلون هاي بعد ما اخلص منج ديلة روحي بدلي ابسرعة ماشي مو ساعة بس اتخلين مكياج
ريم : اوكي حبيبي هسة ابسرعة ابدل واجي
رحت بدلت ملابسي وخليت مكياج خفيف ويويت شعري ذيل احصان كملت ابسرعة
اخاف حسان ايغير راية اخوية واعرفة
طلعنة اتونسنة وتعشينة مو ساعة وحد لا ضلينة لاحد ١٢بليل ماحسينة بلوكت....
خابرنة على امي وابوي حتة لايضل بالهم علينة .....
انوب امي تعلب فلك اذا اتخرنة
حسان : اوكفي اهنا لحد مااجيب السيارة...
لاتتحركين هسة ابسرعة اجي...
ريم : ماشي بس عفية لاتتخر
حسان : لامااتخر
ريم: راح حسان ايجيب السيارة واني انتضرة ....
واني انضرة اجت مجموعة شباب وضلو يحارشون بية ويسمعوني حجي موحلو
واني متت من الخوف ايد بس مصطفى يجي
بعدين اتقدم واحد منهم ولزمني من ايدي واني كمت اصيح وابجي وهمه ولاعبالك
ولاهمهم بجيي وصريخي لان الوقت جان متاخر ومحد طالع ...
واني اصرخ سمعت صوت حسان عاط بيهم
واجة يركض عليهم ....
واني كمت اصرخ بزايد خاف ياذون حسان
من وصل ضرب الي جان لازمني بوكس طيرة لبعيد ....
هذوله من شافو هجمو علية كلهم.....
حسان: امشي روحي لسيارة لااضلين اهنا يلة ابسرعة
ريم: لاماعوفك
حسان : كتلج امشي
ريم : عفت حسان ورحت اركض لسيارة
واني بابة واني ارجف من شده الخوف......
رحت اركض علة السيارة لان ماخلاني حسان ابقة يمة صعدت بلسيارة وقفلت البيبان علية خفت لايجون طلعت الموبايل واني ارجف خابرت علة ابوي گال جايكم وصاني مااطلع من السيارة .....
ورة اشوي شفت احد جاي علية ركزت بنضري
طلع حسان وهوة غرگان ابدمة ويسحل ابروحة سحل رحت اركض علية هوة من شافني انتجة وذب حيلة كله علية ....
ريم : سوده علية خويه اصار بيك كلة من وراي
حسان : (بصوت مبحوح )عفية ريماخذيني لسيارة....
ريم : امشي خوي امشي خابرت علة ابوي وهوه مسافت الطريق اشوي ويوصل
دخلته بلسيارة وقفلنة البيبان علينة
حسان : اشبيج حبيبي مابية شي
ريم : اشلون مابيك شي وانتة امغطة ابدمك
حسان: دكافي بجي اكلج مابية شي...
ريم : كعدت احجي واسولف وياه خاف ينام لويصير بي شي لان جان مضروب ابرساه ودم يصب منة ورة اشوي انگطع هسة اكعد بي ماكول ضليت اصرخ احرك بي مايتحرك
اجيت اطلع من السيارة خفت لا ذولاك بعدهم ضليت انتضر بابة واني ادموعي اصب.
ورةاشوي اجت علينة سيارة مااشوف شي لان ضواهة صار ابوجهي.
طلع رجال من السيارة ويباوع يمنة ويسرة اتكول امضيع شي واني مااشوف وجهه من الضوة
بعدين ضل يصيح ابسمي عرفت انو هوه بابة
رحت اركض علية
واصرخ بابة الحك حسان مايتحرك
ابو ريم : علة كيفج بابة هسة اشوفة انتي بس اهدي..
رحت اباوع علية اووف يابة امغطة ابدمة وبلكوة يتنفس وابين طاكينه ابراسة المعلاعين صعدت ريم وصعدت اني وحركنة السيارة واني اسوق كل سرعتي سولفتلي ريم شنو الصار بلطريق ...
واني فار دمي يعني ابني وحيدي هيج يصير بي استغفر الله ربي اللهم لااسالك رد القضاء ولاكن اسالك الطف فيه
وصلنة للمستشفى واخذو علة السديه ريم اصرخ علية اني گلبي ضل يوجعني علية ماخبرت امه عليه لان ادري بيهة اذا درت صاير اببنهة شي راح تتخربط
ريم : وصلنة للمستشفى واخذو حسان ودخلو جوه واحنة ضلينة منتضري
واني بس اصرخ وابجي بعدين مادريت ابروحي اذني كامت اشوش وما حس اباي
شي ..
ابو ريم : من شافت ريم اخوهة هيج ضلت اصرخ اغمى عليهة واخذنهة السسترات واني احتاريت شنو اسوي گلت لازم اخبر امهم خابرت عليهة وره ساعة اجت اصيح وتبجي دليتهة علة بكان داليا لان حسان بعده ما امطلعي
راحت هية يم ريم واني ضليت يم حسان
وره اشوي طلع الدكتور....
خير دكتور طمنة
الدكتور : والله ابنك حالتة كلش خطرة لان الضربة ابراسة وصاير عندة نزيف
ابو ريم : كول غيرهة دكتور هذة ابني وحيدي ...
الدكتور : ان شاء الله مايصير بي شي بس يحتاح عملية بس دمة امصفر ..
ابو ريم : اشكد تحتاج دم اني اتبرع بس كون ابني يكوم بلسلامة....
دكتور : ان شاء الله روح وشوف اذا يصير تتبرع لان كلش مستعجلين ....
ابو ريم : رحت اشوف زمرة دمي طلعت متطابقة وكالو يصير تتبرع واخذو مني بطلين بس كالو نحتاج بعد كتلهم اخذو مني ماقبلو يكولون مو زين اضطريت اشتري بعد بطلين
وبدو العملية ......
*********************.
انتضرو البات الجاي وان شاء الله يعجبكم
بس اريد اعرف ليش تقرون ومحد يصوت
علقو صوتو والله تعبانة بلكتابة واذا علة السحكات غلسو
أنت تقرأ
لـيـسَ ذنـبـي
Romanceهو قاسي متملك لايعرف الرحمه هي بريئه لازالت طفله رغم عامها العشرون اوقعها قدرها في براثنه لينتقم منها ضلما لتصبح اسيرة لانتقامه القاسي فهل لها مفر من عرين الاسد ? الرواية راح اتكون بلهجة اهل(العماره ) ولحد يكول هاي مو لهجتهم تره اني عايشة بلعماره و...
