•راح انساك ابشرك وانهي قصتي وياك
•واشد جروحي بيدي واتخذ عبره
•بعد ما احب ابد لو مدري شيصير
•رفضت الحب بعد ما انحني الامره
•وبعد هيهات ارد الذيج الايام
•الجنت بيها غشيم وفاقد الخبره
•طحت مره بعد ما اطيح هيهات
ياوسفه وندامه ويا الف حسره❣
*****************
علي : يمه انه شسويت بزماني وهيج جار عليه انه مامأذي احد ولا ماكل حگ احد ولابيوم غضبت ابوي ولا غضبتج مو عاق الوالدين ليش مشلوع گلبي يمه
ام علي : يمه كله اختبار من ربك وقل لن يصيبنا اله ماكتب الله لنا گله مكتوب وليدي گله مكتوب
استغفر ربك واحمده احنه احسن من هواي ناس چا المريض شيكول المحتاج شيكول الخسران وليداته وحاله شيكول يمه شوف الوادم شجرالها وراح تحمد ربك والگلب بيده هو سبحانه قادر يجبر بخاطرك بس كون لاتقنط من رحمته
علي : الْحٍمَدٍ للـّہ على كل حال يمه اريدن انام بحضنك
ام علي : يبعد امك نام واني راح اضل اقره على راسك حتى ترتاح ولاتفكر ان لها رب مدبر وهاي البت وربك اله يجي يوم وتبوس الكاع التمشي عليها
علي : مااضن يمه مااضن
ام علي : لا يبعد امك اذكرنك وكول كالت امي چا لو شوفها شون تفلفل عليك ماتكول هيج وانه الها مو انه وليدي تلوع كدام عيوني واسكت
علي : عوفيها يمه هي التريده يجرالها راح اعتبر روحي بعدني مامتزوجها ويجوز ارجعهة لاهلهة الطلابة وخلصت واخوهة طلع مالة ذنب ارجعة واخلص كافي الجرى
ام علي : نام يمه ومالك شغل انه اعرفن دواها اله انتفها ريشه ريشه
علي : ههههههه مو استوج تحمدين بيهة
ريم : الايام هادئه من يوم الي صار وعلي ميباوع بوجهي وحتى سلامه ثكيل والكل انتبه على الوضع بس محد يحجي وهاي زهراء رايحة راده علينة تفتر كولش محابتها وتتموع وحتى حرمه للبيت محاطه عمتي طابكه وياها صار ٣اشهر وعلي كام ينام جوة حتى موصل يمي ولا حجة وياي مااعرف السبب باقيه بس عيووني تفتر وراة وعصافير الحب نور وحسان لازميلهم زوية ويغردون ابحدهم هههههه
نور : مرت الاشهر واحنا كاعدين ندرس وميتين تعب بس من اشوف حسان انسة كل التعب ورجعنا اول مدخلنا استقبلونا بلهلاهل وجنت مثل المسودنه اكمز من اشوفة مدري ليش.ههههه
اويلي عليه العشق مالتي حسان مله حياتي بحبه واهتمامه جان ميدخل عليه اله لو ورد لو دبدوب شبعني هدايا مااريد شسوي بيهم يكول ميخالف بقيهم لجهالنا من يوم الخطوبه ومشفت علي بس مرتين وبلمرتين بس سلام حتى بوجهي ميباوع
عذرته مرات اتصل علة حسان ومايرد دخلت بحاله من الخوف عليه جنت دوم اتصل ومرات شبگه ماكو واموت خوف وحتى اليوم الي ميخابر بيه مااكل
كاعده وحايره صار يومين ماكو واجت ريم.كالت حسان يريدج طفرت ونزلت حتى ممشطه
وركض حضنته من حلات روحي
أنت تقرأ
لـيـسَ ذنـبـي
Romanceهو قاسي متملك لايعرف الرحمه هي بريئه لازالت طفله رغم عامها العشرون اوقعها قدرها في براثنه لينتقم منها ضلما لتصبح اسيرة لانتقامه القاسي فهل لها مفر من عرين الاسد ? الرواية راح اتكون بلهجة اهل(العماره ) ولحد يكول هاي مو لهجتهم تره اني عايشة بلعماره و...
