لـيـسَ ذنـبـي

البارت 7

عشقت فصليتي

***************

ابو ريم: تره والله تعبت ليش هية مو بتي
ولكم هاي عزيزه كلبي
انتي ماشفتي اشلون خلة المسدس بروسهم ماشفتي اصار ابحالي ذوله مجرمين وحتة القانون مايخافون منة
جان مستعد يكتلهم ولايرفلة جفن

حسبالي انتهت السالفة وخلصت طلع
امحسب غير احساب

ابو ريم : اسمعي بتي اني ماجبرج على شي اكعد وفكري براحتج واني كتلهم اخذ راي البنية

امسحي دموعج بنيتييي ماعرفتج انتي ام گلب القوي هيج تنزل ادموعج يلة مسحيهن وبعد ماريد اشوفهن .....

ريم : مسحت دموعي خلة ابويه ايده علة راسي وباسني بست ايده ورجعت لبكاني
غطيت راسي بلجرجف وضليت ابجي وماينسمع بس ونيني

ام ريم : ياربي دخيلك اشلون ابهاي المصيبة
اريد العون منك يارب
اسمعني زين  بتك ماتحمل وعايشة مدلله انوب تروح فصلية شلون ترضاهة

ابو ريم : استغفر الله ربي  عوفيهة هية تهده ابحدهة بتي وعرفهة راح تاخذ القرار الصح

عوده للماضي ......

علي : خابرو علية وكالو اليوم الكعده طبعن الكعده صارت يم ابويه لان هوه جبير اخوتة
فاول شخص حجة ابويه واني امفهمة الموضوع وكتلة شنو نريده حتة نفض السالفة

ابو علي : نبدي حجينة
بصلات على محمد وال محمد
فكلهم بصوت واحد صلو على النبي
اني اريد اخصم الحجي ونفض الطلابة انو ابني ياخد بتكم على فصلية

ابو ريم: واني مااقبل بتي فصلية

ابو علي : ليش متقبل  احسن مصير اطلابة وهوسه وقاتل ومقتول وانتة بعد بكيفك حجي ....

ابو ريم: ضليت صافن والله محتار زين اشلون اخليهة بيد واحد راد يكتل اخوهة

.....اطونة مهلة نفكر وان شاء الله نردلكم الخبر
احنة نترخص بعد.

ابو علي : خير بعد وكت

ابو ريم : اعذرني حجي اتاخر الوكت

ابو علي : براحتكم

....عوده للحاضر ...

علي :ضليت اكسر بلغراض شكو شي كدامي كسرتة
هههههههه ليش هية بكيفهة متقبل عصبن عليهة وعلى ابوهة

ريم: مسحت دموعي وكعدت افكر زين اذا مااقبل شنو راح يصير اكيد راح ياذون حسان واني كلش ولا اخوي يصير بي شي اموت روحي وراه

اخذت قراري راح اوافق شنو يصير خلي يصير اول شي اخذت دوش وجبت الجنط مالتي خليت اهدومي كلهن بيهن نزلت جوه حتة اخبر ابويه شفت الدمعة بعينة من كتلة موافقه بس هم الشغلة مو بايده

ابو ريم : زين اني اشلون اعيش بلياج

ريم : فدوه اروحلك بابه ورحت بسه من ايده
بويه لخاطر اخوي كلش اسوي

ابو ريم : عفية بنت ابوهة
زين بنتي هاج هاي الفلوس وروحي انتي وامج ولاتخلين شي بنفسج ماتجيبي واذا تحتاجين بعد كولي

ريم : مشكور بويه
طبعن ابوي انطاني 4 ملايين رحت اني واني للسوك اشتريت اشكال وانواع حتة جم قطعه ذهب اصغار وشتريت جنط لان الغراض كلش اهواي اشتريت 3 جنط وشتريت مكياج وجم فستان وعطورات كومة اعراض اخدت 
وامي العصر هم اخذتني لام الصالون حتة اتعدل وجهي حفت وجهي وشويه ماسكات طلعت اخبل .....

رجعت اني وامي للبيت الساعة 9بليل
كعدنه انصفط بلغراض وهية تبجي واني ابجي وياهة بعد ماتحملت من شفت دموعهة
كملنة تصفيط كال ابوي باجر اصبح اخذج

رحت اني حتة انام لان كلش تعبت اليوم بس ضليت افكر حتة معرف اشوكت نمت
كعدت على صوت امي وهية تنده بية

ام ريم : ولج يمة كومي تاخر الوكت

ريم : يمة فدوه بس اشوي والله منعسة

ام ريم : ولج راح اصير الساعة 11كومي

ريم : اني من سمعت الساعة تخبلت طفرت من مكاني صدك تحجين

ام ريم: اي يمة ردت اكعدج بس ابوج مقبل كال خليهة براحتهة

ريم : يايمة غير اتكعديني رحت اركض اخذت دوش وبدلت لبست بنطرون اسود وكيمونة لونهة ازرك وشال لون سماءي وحذاء خليت اشوي مكياج وامي تباوع علية وتبجي

يايمة يعني تردين اروحلهم جني جبار ابو المولده خير حتة يكولون طالعة على امهة

ام ريم : ياا دهرر صابج ولج دباع السانج شطولة الله يساعدهم شلون راح يتحملوج .....

ريم : اني واشر على روحي
اني الفقير المسكينة والحبابة هوة ياهو مثلي

..... هم صدك منو مثلج ام لسان

ريم : هذه منو اليحجي
باوعت وراي واشوف حسان رحت اركض علية شبكتة وضليت ابجي
الحمد لله على السلامة خوية

حسان : الله يسلمج اسفة على كل الي جاي يصير بيج

ريم : لا خويه انتة مالك ذنب اني قبلت بهل شي وانتة هم لا تخاف علية اكلكم شنو انتو ماتعرفوني

حسان : ههههه نعرفج شلون مانعرفج الله يساعدهم عليج...

ريم : اهههههو ياهو اجه وكال الله يساعدهم شنو شفتوني مخبلة وهجم على الرايح والجاي ..

حسان : لا لا حشاج من الخبال ديلة امشي ابوي صارلة ساعة ينضره

ريم : شوف اشلون انوب يطردوني
ماشي ماشي بس خليني اسلم على امي

رحت سلمت عليهة وبوستهة انوب اجة ابويه

ابو ريم : بنتي اذا مجبوره لاتروحين احسن اني مااجبرج ولااخوج

ريم : بويه واني هم اخاف عليكم ولاتخاف علية اني بتك لونسيت

.اشوف الدمعة بطرف عينة صحيح اني خايفة بس مريد اخلي بالهم كتله يلة بويه

قبل لا اطلع اجة حسان وحضني سوده علية اخوية الحنين انطاني هم افلوس وكلي اذا تحتاجين بعد كتلة لا تسلم صعندت بلسيارة
واني الحسره بكلبي اباوع علة بيتنة وحسان وامي واكفين بلباب اشرت عليهة وضلت ادزلهم بوسات بلهوه

حرك ابويه السيارة ......

علي : اجاني ابويه بليل وكلي اهل البنية وافقو ينطون بتهم
ابوي كعد يوصي دير بالك بنت الناس مالهة ذنب واني بالي مو يمة اشوكت تجي واني اعرف اشلون اعلمهة ......

يتبع ......