باچر تگضي واتذكر مواقفكم
واجي والگه الفشل كل حيلة تارسكم
باچر روسکم بالملگه ماتنشال
تدنگ والحچي الينگال يوجعكم
**************
ريم : بعد يومين عرس حسان واحنة حضرنة نفسنة واشترين لنة ملابس عمتي ضلت تحجي لان لابسة اسود اشتريت ملابس الوان لان ماعندي قليلات واشتريت فستان للعرس
عمتي طلبت من علي يوصلنة لام الصالون وصلنة ورجع وكال من اطلعون بس خابرو علية
نور : دهر صابچن نسوان كلهن وصخ صار ساعة منتضرين
ريم : ههههههه انجبي ولج لايسمعنج
نور : هههههههه خليني انصب علة امي تعاي يمة حفي وجهج
ام علي : والله بطرانة انتي يمة
ريم : عوفو عمتي تخبل اصلن احلة منج
ام علي: يبعد رويحي انه ليش احبنچ لان لسانچ هذا العسل مومثل ناس گل همهم الاكل
نور : انتبهت البسمار اليه وتباوع عليه
يمة وينهة حبيبتج زهراء اشو مااجت
ريم : انتي عوفي زهراء بحالها وحيري برويحتچ صايره تشبهين العتوي
ههههههههه والله وصف بشده
نور : دشوفيني وكمت افتر اخبل هو اكو احلى من الرشاقه
ريم : ولج هاي مو رشاقه هاي عوده مال مطيرجيه لو حسان هنا چا اخذج يهش بيج الطيور تفيديه طويله ومعصعصه ههههههههه اتخيل حسان لازمج ويهش بيج والله شكلج يخبل
نور : ولج ريييم اني الج تضحكين عليه
والله عااشت ايدي انطيهة بلوجة
كعدنا وحده يمنه والثانيه يسره وجان تكول عمتي
ام علي : اگلجن
ريم : كولي عمة
ام علي : وجهي يحتاجله خيط
ريم : والله تخبلين اصلن احلى حتى من نور
نور : هااا ولج
ام علي : يلغمه انه احلى منچ هم الج حس ويطلع
نور : لا يمة والله احلى مني عزه شراح يخلصني
ام علي : ولج انة ابوج جان يكول الناس گلها تروح فدوه الج عبن اخبل وجني كمر بس عيوني من احطلهن كحل تسواچن گلجن
نور. : يجوز ابوي عنده ضعف بعينه هههههه
ام علي : انهجم راسچ يم لسان الطويل وجرت شعرها حيل
نور : ااااخ يمة واالله تخبلين بس عوفي شعري
ريم : حيل بيبي والله بس انتي دواها هههههه
ام علي: انه الهة هاي ام السان يمة يبس حلگي جيبيلي
نور : اني اكوم اجيبلج
ام علي : انتي كعدي احد صخم وجهج ودزاج
نور : هههههههه كعدت
أنت تقرأ
لـيـسَ ذنـبـي
Romanceهو قاسي متملك لايعرف الرحمه هي بريئه لازالت طفله رغم عامها العشرون اوقعها قدرها في براثنه لينتقم منها ضلما لتصبح اسيرة لانتقامه القاسي فهل لها مفر من عرين الاسد ? الرواية راح اتكون بلهجة اهل(العماره ) ولحد يكول هاي مو لهجتهم تره اني عايشة بلعماره و...
