نور :جنا كاعدين سمعت ريم تتقيأ ركضت عليها
نور : شبيج اليوم
ريم. : مااعرف احس روحي تعبانه ونفس كوه اجر خابري علي خلي يجي
نور : خابرته واجة يركض خطية
علي : شبيج حبيبتي
ريم : علي ماعرف جسمي كلة يرجف ومصخنه
علي : اسم الله عليج تعالي نروح للطبيب ماطول بعد وگت
ريم : لبستني نور كوه واخذوني للطبيب
طلب تحاليل كولش هوايه ويومين نركض هنا وهنا حتى حولنا لطبيبه نسائيه وهم تحاليل وفحص شنو هاي الهوسه منعرف لحد مطلعت التحاليل وبيومها جنت وياهم
الدكتور : زوجتك من اجتني جان عدها التهاب حاد بالمعده والامعاء بس اثناء مكعد تحجي كالت ايدي مكعد اكدر ارفعها ومنطقه الصدر تأذيها
علي : اي وانت حولتنا لدكتوره نسائيه
الدكتور : وجان شگي بمحله زوجتك مع الاسف عدها سرطان الثدي
علي : هنا وگأن السما وكعت علية راسي
شنوو سرطان لا اكيد انت غلطان
الدكتور : مع الاسف التحاليل وكل الفحوصات تأكد حالتها اني لو منك استعجل بلعلاج لان حالتها بدايتها ولازم تسيطرون على المرض وهذا كارت وعنوان دكتور ممتاز بغداد راجعوله وهو راح يوجهكم للطريق الصحيح للعلاج
ريم. : حسيت فقدت توازني شنو الي ديصير يعني اني راح اموت لزمني علي وجانت الصدمه على وجهه اكبر مني اما نور بس تبجي
طول الطريق والسكوت سيد الموقف نزلنا بعد مااخذنا العلاج من الطريق جان علي هادئ هدوء عجيب
علي حبيبي بيك شى ميحجي
نزلنا للبيت وصلني وطلع مااعرف وين راح بقيت الوب منا حالتي وصدمتي دااحاول اتمارسك ومنا علي الي اختفى بقت نور يمي لحد مااخذت علاجي وبس تبجي كوه سكتتها وصعدت تنام
بليل اختنكت اريده محتاجته وينه دكيت عليه ميجاوب شون بيه دزيتله رساله تعال اتخربطت ردت بس يجي شون يعوفني بهيج وقت والله خمس دقايق وطب يركض
فتح الباب والرعب مبين على وجهه بس الي متوقعته علي عيونه دم يبجي
علي : بيج شى
ريم : اي بيه انت
علي : ريم احجي
علي : والله بيه انت وجان يكعد بصفي وتنفسه سريع وساكت
ريم : كتله بهدوء لتخاف مااموت واعوفك اني هيج گلت جان يحضني حيل ويبجي اول مره اشوف علي الي الدمعه ماتنزل منه اله بأعجوبه واذا نزلت يضمها بس هلمره يبجي وعليه اني يبجي بقوه وبصوت عالي
علي : لتعوفيني انه اموتن بعدج گلشي ولا انتي خلي ياخذون روحي المهم انت عايشه وتتنفسين الهوا
أنت تقرأ
لـيـسَ ذنـبـي
Romantizmهو قاسي متملك لايعرف الرحمه هي بريئه لازالت طفله رغم عامها العشرون اوقعها قدرها في براثنه لينتقم منها ضلما لتصبح اسيرة لانتقامه القاسي فهل لها مفر من عرين الاسد ? الرواية راح اتكون بلهجة اهل(العماره ) ولحد يكول هاي مو لهجتهم تره اني عايشة بلعماره و...
