السلام عليكم ورحمة الله وبركاته شلونكم غوالي مشتاك بكد رحمه الله راح اسولفلكم سالفه ونبدي بدردشه مؤقته
ابوي كلي اليعتذرلك سامحه
ولاتحط رجل اعلى رجل بفاتحه
احجي كلمه ورجف ارجال المضيف
وكبل لا يحجون كلهم طايحه
ملاحظ شغلة انقرضت جيل الالفين ماخلفوها عنة ولا حسو بيها
جيل الالفين اغلبهم اهلهم ميكعدون ينصحون بيهم او يوعوهم
او حتى الاب او الام يكعدون يجمعون جهالهم ويسولفولهم قصص هل قصص بيها عبرة تطبع بمخ الطفل او المراهق وتكون شخصيته
لاسف هل شي راح ياثر على تربيه وعقول المراهقين
الشعر الفوك اول مقريته لامس روحي تلقائيا ابتسمت من شفته لان ذكرني بسالفه ابوي جان دايمن يسولفلنه بيها
يكول
مرة جدي رايح هو والعشيرة مالتنه على فصل جان واحد من عشيرتنه كاتل واحد من ذيجه العشيرة فاحنه محولين عليهم
طبعا سالفه الكتل ماتحل اله بدم او فصليه تراضي غير مبلغ جبير وطلعه الناس من سكنهم
سالفه الموت داجه عند العشاير
يكول ابوي صار الحجي وتعالت الاصوات جدي كايم يحجي كايل لابو المكتول يابه قندرتك على راسي
هل كلمه بل عشاير اهانة الرجال خجلان من جدي
كايله لا حجي ميصير هل حجي انت على روسنه ومن هل كلام
وهم متعاله الاصوات بينهم وجدي راجع حاجي نفس الكلمه
وعايدها عدة مرات
الرجال كايل لجدي عمي التريدة يجرالك
متفقين على المبلغ الجبير وهمة مو جوارين يعني معافو مكانهم بس يعني قيم ابوي المبلغ مايعادل هسة ٣٠٠ او ٤٠٠ مليون بس بدون باقي الخساير
من راجعين للبيت عمامي حسو روحهم انهانو وكايمين يحجون على جدي انك هنت العايلة والعشيرة وكبرت راسه ومن هل حجي
هو مجاوبهم كايللهم فضيتكم من دم وفصليه ومن شيله اهل البيت من كتله هل كلمه ماجاب نعاله وخلا على راسي هية مجرد كلمه فضت سالفه مالها حل
المربط انتو البشر كلامه الزين وافعاله وطيبه قلبه مراح تخسرة شي بالعكس من تحب حلقه الله يحبك
حلوة المسامحه مو حلو الحقد ابد ههههههه راح اكلكم شغلة راح تكولون يجذب ابد محاقد على بشر ابد وشكد احاول اكره ابد ماادبرها وشكد لو البشر يسوون وياي ابد مااضل شايل بقلبي احجي البقلبي وانتهت بعد
عندي بعد قصه على الي ميكره وشلون رب العالمين ايجازي بس طولت عليكم هههههههه
يلة
وحبوني
اموت
على
ربكم
وجان
التحق
في
امان
الله
وحفضه
🌿
🌿
🌿
بنات ولد كلشي محمد الاجكم طار حسابه فزعتكم شكد متكدرون توصلون حسابه واريد دعم للكتاب وهل فزعة مردود لتفشلوني اليكدر ينشرة هم ليقصر
Mhamd-0
هنا الدردشه ❤
أنت تقرأ
عصابه علي جاكي الجزء الثاني(ردينه يل ربع😜)
Macera✦͙͙͙*͙*❥⃝∗⁎.ʚمو من بشر من الله معنونينɞ.⁎∗❥⃝**͙✦͙͙͙ اهلا وسهلا بك في كتاب علي جاكي كتاب منوع يطرح مواضيع فكاهيه واجتماعيه يرحب بجميع الفئاة العمريه العصابه#
