ملخص احداث مرت من ١٦ سنه ع أبطالنا الحلوين
طبعا زي ما احنا عارفين الجزء الاول من رواية جريمة عشق
خلصت على ايه هنقول شويه حاجات كده حصلت في المستقبل كتوضيح بسيط لبدايه الجزء الثاني
بيتر طبعا علاقته ب آدم وطارق زى ماهيا
ابنه ديف كبر وبقى عنده ٢٤ سنه وسافر ايطاليا يحضر الماجستير ف مجاله إدارة الأعمال ومش هيرجع لفتره كبيره
وبنته كارولين ١٨سنه ف اولى كلية علوم ومديلها الحريه المطلقه
-------------
طبعا جاسر وملك عندهم مالك وماليكه
جاسر عايش في رومانسيه هو وملك مع مرور الوقت اكتشفوا ان مليكه بتهتم بنفسها جدا ميك اب لبس ما بتتعاملش معاهم كتير واحده واحده اكتشفوا انها مغروره جدا ومتكبره و شايفه ان الناس ااقل منها وكل ما ملك امها تكلمها عن الصلاه تصلى يوم و ١٠ لا
زياد دايما كان جمبها وهو فقط اللي مسموحله يقرب منها ماليكه حست ان سلطتها منفرده على زياد وبس وده فرح ماليكه جدا لانها متملكه زياد و شايفه انها من صغرها وكل كلمه تقولها أو طلب تطلبه زياد ينفذه ويحميها من اى حد يدايقها
شخصيتها متملكه جدا وكانت ديما تحب تتكلم في انها تدخل تجاره انجلش ولما عرفت ان زياده هيغير مسار حياته ويدخل تجاره انجلش قبلها ده فرحها جدا وحست انها ملكه تؤمر وتنهي وزياد ينفذه وبس
وطبعا زياد كان شايف انه بيعمل كل ده بدافع الحب وواجبه كمان لانه شايف إن ماليكه مسؤوله منه ومكنش يعرف أن الل عمله ده هيتقلب عليه لأن زياد كرامته اهم من اى شئ ولكن اكتشف انها بتستغله وياترى هيتصرف ازاى لما يعرف هنعرف بعدين
اما مالك اخد طبع جاسر طيب جدا و حنين جدا وجدع وبيساعد اي حد محتاج مساعده وعلى نياته زي جاسر
جاسر وملك عايشين مبسوطين لكن دايما في نقطه قلق في حياتهم من ناحيه ماليكه وخايفين انها بعد كده يكون فيها بذره شر زي عاصم او خالد العدوي لما كان صغير
-----------بقلمى Mariem Nasar
اما اشرف وهنا عايشين في سعاده دايما يزعلوا من بعض ويصالحو بعض في نفس اللحظه اتعودوا انهم ما يتخصموش ابدا
ريتال اخده توتر هنا ونفس شخصيتها بالظبط ودخلت كلية الاالسن زى ما زين اقترح عليها
ا ما يوسف اخد ميكس من مصطفى عزيز واشرف ابوه
مصطفى عزيز ساب الشركه ل أشرف وكان رافض وبعد محاولات كتيره من شيرين
اشرف اخيرا مسكها واصبح اشرف مدير الشركه وهو اللي مسؤول عنها مصطفى اكتفي بانه يقعد في البيت مع مراته ويشوف احفاده بتكبر بين ايديه وشيرين طبعا كانت مبسوطه جدا بالقرار ده لانها شايفه ان أشرف راجل ويعتمد عليه
اما محمد هنعرف بعدين مع بعض
------------
اما حسام وهدي عايشين بحب وطيبه واكتفى بشغله عند مصطفى عزيز
آدم اقترح عليه كتير انه يجي يشتغل معاه ويكون شريكه لكن حسام شاف انها مساعده من آدم ومريم
واكتفي بالرزق اللي هيجيله من شركه مصطفى عزيز وعاشوا في الشقه وسدد تمنها لمصطفى ورفض انه يبيع شقه هدى القديمه والورشه القديمه وقالها دي ل زياد هاتنفعه في المستقبل
واكتفى بمريم بنته وقال كفايه عليا زياد ومريم بالدنيا كلها وهاحاول على قد ما اقدر اني ماحرمكمش من اي حاجه
ولكن مريم اخته وشرين كانوا واقفين في ضهره ديما عن طريق هدى ومريم الصغيره
مريم بنته بنوته هاديه وجميله اخده عيون عمتها مريم وميكس من هدى وحسام لكن مريم في كل تجمع دايما بتحس بفرق المستوى بسبب انتقادات ماليكه
مع ان نور ورينو وفريحه بيحبوها جدا جدا وشايفين انها بنوته رقيقه وجميله لكن ماليكه شايفه انها اقل منها اما زياد برده هنعرف بعدين
