حكاية مسلسلة من : جريمة عشق ج 1 (عشق الأدم)بقلم/مريم نصار

الحلقه ١٠

الحلقه ١٠

رواية جريمة عشق (عشق ال آدم)
 
   
                    بسم الله نبدأ.

ف شقة آدم .

آدم :- يلا على اوضة النوم ..

مريم :- بصدمه ... اا...اااايه...؟

آدم :-ايه ال ايه ؟ قولت يلا على اوضة النوم ما بتسمعيش ؟

مريم :-لا شكرا انا هروق شويه في البيت المكركب ده اتفضل انت حضرتك

آدم : بغيظ .. شدها من دراعها . انتي عنيده ليه؟!
وخدها على اوضة النوم وواقف قدامها

:-بصي بقى انا هدخل جوه البس ولو خرجت ما لقيتكيش قالعه نقابك وحجابك هتشوفي وش مش هيعجبك ابدا ..!!!
وسابها ودخل جوه يلبس

مريم :- اوووف يا ربي ازاي يعني هقعد قدامه بشعري هو اه جوزي بس انا ما عرفوش وغير كده جوازنا مؤقت وانا ساكته ومش عايزه اتكلم واتخانق معاه علشان الادله اللي موجوده ضد محمد

وبعد شويه آدم خرج وكان لابس بنطلون اسود وتشيرت اسود

ورجع لمريم ولاقاها واقفه في نص الاوضه زي ما هيا
آدم :- انتي مصممه تشوفي وشي التاني صح؟!

مريم :- لا خالص والله بس انا متوتره شويه وحكايه اني اشيل النقاب قدامك دي صعبه جدا ..

ادم :-قرب منها ووقف قدامها مفيش بينهم خطوه واحده
:-ولا صعبه ولا حاجه وبعدين انا مش متوتر خليني اساعدك جت ترجع خطوه لورا

آدم مسكها من دراعها وشدها عليه
:- اثبتي بقى تعبتيني معاكى ولا حركه ..!!!

مريم واقفه مكانها ... وآدم  اتجرأ ومد ايده وشال النقاب وهي مغمضه عنيها وماسكه فستانها بأيديها ومتلخبطه ..

آدم : حط النقاب على الكرسي وبيفك في حجابها وهو عينيه على تفاصيل وشها

وبعدها شال الحجاب ورماه على نفس الكرسي وشعرها انساب على كتفها ..

آدم:- بتوهان ... فتحي عينيكى..

مريم : فتحت عينيها بتوتر .. وهو مش مصدق انها بالجمال والبراءه دي واتكلم وهو مش في وعيه ..

آدم:-كل حاجه فيكى حلوه .. عينيكي حلوه كلك على بعضك جميله ..

مريم : منزله عينيها في الارض ووشها بقى احمر جدا من الخجل ومش عارفه ايه اللي بيحصلها ..

آدم : واقف وما بيتحركش .. وسرح فإن كل ده ملكه هو وبس .. وحركه منه لا اراديه مسك ايديها وطى عليها وباسها برقه ..

مريم : شدت ايديها بسرعه وبعدت عنه
مريم :-لو سمحت عيب كده ..

آدم :-هو ايه ال عيب انتي مراتي وكمان كتبنا عند مأذون!!!!!

مريم :- مؤقتا ...... انا مراتك مؤقتا وانا عارفه انت جبتني الاوضه هنا ليه !!!!!

ويا ريت ما تقربش مني وما تفكرش تلمسني علشان ما تنزلش من نظري اكتر من كده ..