خداع قاتل

10

الفصل العاشر

تنظر لها ليلي بذهول شديد وقد بدا الخوف والرعب يتشكل بداخل قلبها، فمن الممكن ان تظهر حقيقتها امام الجميع في اي وقت بعد دخول هذه البنت الي حياتهم التي من الممكن ان يكون والدها قد حكي لها كل شيء عنها، لتقول باضطراب و بصوت مرتجف=انتي انتي بتكوني بنت اللواء محمد الحناوي

اخفضت ميرال رأسها بحزن و أسي وقد تجمعت الدموع داخل مقلتيها عند ذكر اسم والدها=ربنا يرحمه ويغفر ليه و ايوا انا بنته بس حضرتك عارفة بابا منين

ليتدخل راشد هو ايضا في الموضوع ويقول بشك=صحيح يا ليلي انتي تعرفي محمد الله يرحمه منين

لترد عليهم بتوتر بالغ قد ظهر في صوتها حيث انها لا تعرف كيف ستخبرهم عن حقيقة معرفتها باللواء محمد فتقول بصوت مضطرب=ابدا اللواء محمد كان الظابط اللي ماسك ليا قضية كدة قبل ما اتجوز انا وسالم وهو لسه في عز شبابه ومن الوقت ده احنا اتعرفنا علي بعض بس اول مرة اعرف انه عنده بنوته زي القمر كدة

ثم توجهت بنظراتها اليها وقالت بحزن مصطنع=البقاء الله يا حبيبتي انا بجد زعلت اوي لما سمعت بخبر موته

ترقرقت الدموع من عينيها لكنها تمسحها سريعاً وهي تحاول ان ترسم البسمة علي وجهها=البقاء لله وحده

=ونعمة بالله يا حبيبتي بعد اذنك

ثم تركت المكان وصعدت الي غرفتها وهي تكاد تموت من الخوف ان تكتشف امرها او ان يكون والدها قد اخبرها بشيء يخصها ولكن الواضح من كلامها انها لا تعلم شيء مما يجعلها تطمئن قليلاً.

في الاسفل
يتجه سالم الي ميرال وهو يقول بسرور وسعادة قد ظهر في صوته عندما رأي ميرال بكل هذا التدين و الحياء و قد ايقن انها سوف تكون السبب في رجوع يزن الي طريق الصحيح=بسم الله مشاء الله قمر ماشي علي الارض عامله ايه يا بنتي انا بكون والد يزن

لتبتسم له بتهذيب=ازاي حضرتك يا عمو وربنا يخليك لينا كلنا

رد عليها بوجه بشوش=انتي تعرفي يا بنتي ان دي اول مرة ابني يعمل حاجة صح في حياته انه اتجوزك

لتخجل ميرال اكثر من كلامه وتقول باستحياء=ربنا يخليك يا عمو

=لا عمو ايه بقا من انهاردة انا اسمي بابا مش عاوز اسمع كلمة عمو تاني

لتبتسم له=شكرا يا بابا

لتأتي رنيم من خلفهم وتقول بغضب مصطنع =ابعد ابعد كدة يا عم انت خليني اتعرف علي القمر ده، بصي يا ستي انا رنيم سالم الجندي بكون اخت يزن حبيبي و انا و انتي من دلوقتي بقينا اصحاب و ده اجباري عليكي مش بمزاجك فاهمة

تضحك ميرال عليها برقة=هههههه وهو انا اطول يكون عندي صحبه قمرايه زيك كدة 

لترد عليها رنيم بطفولة=هو ده الكلام يلا بينا بقا اطلعك عند يزن اللي هيموت عليكي ليه تلات ايام ومش علي لسانه غير اسمك انتي بس هههههه بس بصراحة عند حق